പായം പഞ്ചായത്തിലെ യുഡിഎഫ് സ്ഥാനാർഥിയുടെ പ്രചാരണ ബോർഡ് നശിപ്പിച്ച നിലയിൽ.
ഇരിട്ടി: പായം പഞ്ചായത്തിലെ യുഡിഎഫ് സ്ഥാനാർഥികളുടെ തെരഞ്ഞെടുപ്പ് ബോർഡുകൾ വ്യാപകമായി നശിപ്പിച്ചതായി പരാതി. 18-ാം വാർഡ് മലപ്പൊട്ട് സ്ഥാനാർഥി ത്രേസ്യാമ്മ നടുവിൽ പുരയിടത്തിലിന്റെ കുന്നോത്ത് കല്ലന്മാരി മുക്കിൽ സ്ഥാപിച്ച ബോർഡും, ഇരിട്ടി ബ്ലോക്ക് പഞ്ചായത്ത് വള്ളിത്തോട് ഡിവിഷൻ സ്ഥാനാർഥി മിനി പ്രസാദിന്റെ മാടത്തിൽ ക്രിസ്ത്യൻ പള്ളിക്ക് സമീപം സ്ഥാപിച്ച ബോർഡും, ഉദയഗിരി വാർഡ് സ്ഥാനാർഥി ലില്ലി തോമസിന്റെ കല്ലന്മാരിമുക്കിൽ സ്ഥാപിച്ച ബോർഡും സാമൂഹ്യ വിരുദ്ധർ നശിപ്പിച്ചതായാണ് പരാതി.
സംഭവത്തിൽ യോഗം ശക്തമായ പ്രതിഷേധവും രേഖപ്പെടുത്തി. ചെയർമാൻ മട്ടിണി വിജയൻ അധ്യക്ഷത വഹിച്ചു. പി.സി. പോക്കർ, ഡെന്നീസ് മാണി, ബഷീർ മന്ദംമ്പത്ത്, വി. ബാലകൃഷ്ണൻ, ബിജു കരിമാക്കി, ബൈജു ആറാംചേരി എന്നിവർ പ്രസംഗിച്ചു.
Tags : UDF candidate nattuvisesham local news