കൂരാച്ചുണ്ട്: യാത്രക്കാർ അപകടത്തിൽപ്പെടാൻ സാധ്യതയുള്ള റോഡിലെ അപകടക്കുഴികൾ അടച്ച് യൂത്ത് കോൺഗ്രസ് പ്രവർത്തകർ. കല്ലാനോട് - കൂരാച്ചുണ്ട് പ്രധാന പാതയിൽ യാത്രക്കാർക്ക് ഭീഷണിയായി തീർന്ന അപകടകരമായ കുഴികളാണ് യൂത്ത് കോൺഗ്രസ് കൂരാച്ചുണ്ട് മണ്ഡലം കമ്മിറ്റിയുടെ നേതൃത്വത്തിൽ അടച്ചത്. തിരക്കേറിയ പാതയിലെ കുഴി അടയ്ക്കാൻ ബന്ധപ്പെട്ടവർ തയാറാകാത്തതിനെ തുടർന്നാണ് യൂത്ത് കോൺഗ്രസ് പ്രവർത്തകർ രംഗത്തിറങ്ങിയത്.
പാതയുടെ മധ്യഭാഗത്തായി രൂപം കൊണ്ട ഗർത്തങ്ങൾ മഴ പെയ്താൽ യാത്രക്കാർക്ക് കാണാൻ കഴിയുമായിരുന്നില്ല. അത് അപകടത്തിന് ഇടയാക്കിയിരുന്നു.
കഴിഞ്ഞ ദിവസം ഇവിടെ ഇരുചക്ര വാഹനങ്ങൾ അപകടത്തിൽപ്പെട്ടിരുന്നു. ഇതേ തുടർന്നാണ് കുഴി താൽക്കാലികമായി അടയ്ക്കാൻ യൂത്ത് കോൺഗ്രസ് പ്രവർത്തകർ മുന്നിട്ടിറങ്ങിയത്. യൂത്ത് കോൺഗ്രസ് മണ്ഡലം പ്രസിഡന്റ് നിസാം കക്കയം, കോൺഗ്രസ് മണ്ഡലം വൈസ് പ്രസിഡന്റ് ജെറിൻ കുര്യാക്കോസ്, ടി.എൻ. അനീഷ്, ജ്യോതിഷ് രാരപ്പൻകണ്ടി, ലിബിൻ പാവത്തികുന്നേൽ, ഷാരോൺ ചാലിക്കോട്ടയിൽ എന്നിവർ നേതൃത്വം നൽകി. കൂരാച്ചുണ്ട് ഗ്രാമപഞ്ചായത്തംഗം സിമിലി ബിജു, പത്താം വാർഡ് യുഡിഎഫ് സ്ഥാനാർഥി ബിജു കടലശേരി, കുര്യൻ ചെമ്പനാനി, ബിജു താന്നിക്കൽ എന്നിവരും പങ്കെടുത്തു.
Tags : local nattuvishesham road