ചെമ്പേരി വിമൽജ്യോതി എൻജിനിയറിംഗ് കോളജിലെ ബിഷപ് വള്ളോപ്പിള്ളി ഹാളിൽ നടന്ന കെസിവൈഎം- എസ്എംവൈഎം തലശേരി അതിരൂപത സിൻഡിക്കേറ്റ് യോഗത്തിൽ അതിരൂപത ജനറൽ സെക
പയ്യാവൂർ: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞടുപ്പുകളിൽ യുവജനങ്ങൾക്ക് അർഹമായ പ്രാതിനിധ്യം നല്കണമെന്ന് കെസിവൈഎം-എസ്എംവൈഎം തലശേരി അതിരൂപത സിൻഡിക്കേറ്റ് ആവശ്യപ്പെട്ടു.സ്ഥിരം സ്ഥാനാർഥികളായി പലരും ഗ്രാമപഞ്ചായത്ത് വാർഡുകളിലും ബ്ലോക്ക്, ജില്ലാ പഞ്ചായത്തുകളിലും നഗരസഭകളിലും തുടർച്ചയായി മത്സരിക്കുന്ന പ്രവണതയാണ് കണ്ടുവരുന്നത്.
ഇക്കാരണത്താൽ പുതിയ തലമുറയിലെ നേതൃപാടവമുള്ളവർക്ക് വളർന്നുവരാനുള്ള അവസരം നിഷേധിക്കപ്പെടുകയാണ്.
എല്ലാ രാഷ്ട്രീയപാർട്ടികളും യുവജനങ്ങൾക്ക് കുറെക്കൂടി പ്രാധാന്യം നല്കുന്ന രീതിയിൽ സ്ഥാനാർ ഥികളെ നിർണയിക്കാൻ തയാറാകണമെന്നും അല്ലാത്തപക്ഷം യുവജനങ്ങൾ രാഷ്ട്രീയ ചിന്താഗതി യിൽ നിന്നകന്ന് രാഷ്ട്രനിർമിതിയുടെ ഭാഗമാകാതെ പിന്മാറുന്നതിന് കാരണമാകുമെന്നും അതിരൂപത സിൻഡിക്കേറ്റ് അഭിപ്രായപ്പെട്ടു.അതിരൂപത ജനറൽ സെക്രട്ടറി അമൽ പേഴുംകാട്ടിൽ അവതരിപ്പിച്ച പ്രമേയം ഐക്യകണ്ഠേന പാസാക്കി. യുവജന നേതാക്കൾ രാഷ്ട്രീയത്തിലും ജനാധിപത്യ സംവിധാനങ്ങളിലും വളർന്നുവരുന്നത് പ്രോത്സാഹിപ്പിക്കുമെന്നും തദ്ദേശ തെരഞ്ഞെടുപ്പിൽ മത്സരിക്കുന്ന യുവജനങ്ങൾക്കും സമുദായ നേതാക്കൾക്കും ശക്തമായ പിന്തുണ നല്കുമെന്നും അതിരൂപത സിൻഡിക്കേറ്റ് പ്രസ്താവനയിൽ അറിയിച്ചു.
ചെമ്പേരി വിമൽജ്യോതി എൻജിനിയറിംഗ് കോളജിലെ ബിഷപ് വള്ളോപ്പിള്ളി ജന്മശതാബ്ദി സ്മാരക ഹാളിൽ നടന്ന യോഗം കെസിവൈഎം-എസ്എംവൈഎം തലശേരി അതിരൂപത ഡയറക്ടർ ഫാ.അഖിൽ മാത്യു മുക്കുഴി ഉദ്ഘാടനം ചെയ്തു. അതിരൂപത പ്രസിഡന്റ് അബിൻ വടക്കേക്കര അധ്യക്ഷത വഹിച്ചു. അമൽ പേഴുംകാട്ടിൽ, ബിബിൻ പീടിയേക്കൽ, അഖിൽ നെല്ലിയ്ക്കൽ, ശ്രേയ ശ്രുതിനിലയം, സാൻജോസ് കളരിമുറിയിൽ, സോന ചവണിയാങ്കൽ,അപർണ സോണി എന്നിവർ പ്രസംഗിച്ചു.
Tags : KCYM nattuvisesham local news