അഹമ്മദാബാദ്: ഇനി മുതൽ, ഇന്ത്യന്‍ പാസ്പോര്‍ട്ട് ഉടമകള്‍ക്ക് ജര്‍മനിയിലെ പ്രധാന വിമാനത്താവളങ്ങളായ ഫ്രാങ്ക്ഫുര്‍ട്ട്, മ്യൂണിക്ക്, ബെര്‍ലിന്‍ തുടങ്ങിയവ വഴി മറ്റൊരു രാജ്യത്തേക്കുള്ള യാത്രയ്ക്കിടെ പ്രത്യേക എയര്‍പോര്‍ട്ട് ട്രാന്‍സിറ്റ് വീസ (ഷെന്‍ഗന്‍ ടൈപ്പ് എ) ആവശ്യമില്ല.
ജര്‍മന്‍ ചാന്‍സലര്‍ ഫ്രെഡ്രിക് മെര്‍സിന്‍റെ ഇന്ത്യ സന്ദര്‍ശനവേളയില്‍ പ്രധാനമന്ത്രി നരേന്ദ്ര മോദിയുമായുള്ള ചര്‍ച്ചകള്‍ക്ക് ശേഷമാണ് സുപ്രധാന പ്രഖ്യാപനം. ജര്‍മനി വഴി വിമാനം മാറി മറ്റൊരു രാജ്യത്തേയ്ക്ക് പോകുന്നവര്‍ക്കാണ് ഇനി മുതല്‍ ട്രാന്‍സിറ്റ് വീസ ആവശ്യമില്ലാത്തത്. 

മുന്‍പ് ഇതിന് പ്രത്യേക വീസ വേണമായിരുന്നു. അതുകൊണ്ട് ഫ്രാങ്ക്ഫുര്‍ട്ട്, മ്യൂണിക് പോലുള്ള എയര്‍പോര്‍ട്ടുകളില്‍ ലേയാവര്‍ ചെയ്ത് യുഎസ്, മിഡില്‍ ഈസ്റ്റ്, ഏഷ്യ, ആഫ്രിക്ക എന്നിവിടങ്ങളിലേക്ക് ഇന്ത്യക്കാര്‍ക്ക് ഇനി കൂടുതല്‍ വേഗത്തിലും കുറഞ്ഞ ചിലവിലും സഞ്ചരിക്കാം. ഇത് ഇന്ത്യ-ജര്‍മനി ബന്ധത്തിന്‍റെ ഭാഗമായി, ജനങ്ങള്‍ തമ്മിലുള്ള ബന്ധം, വ്യാപാരം, സ്‌കില്‍ഡ് വര്‍ക്കേഴ്‌സ് (ഹെല്‍ത്ത്കെയര്‍ മേഖലയിൽ) എന്നീ മേലകളിലെ ബന്ധം ശക്തിപ്പെടുത്തും.

Tags : Transit Visa Germany India