കൊച്ചി. നടന് ദിലീപ് പ്രതിയായ നടിയെ ആക്രമിച്ച കേസിന്റെ വിധി പറയുന്ന തീയതി ഈ മാസം 20ന് കോടതി തീരുമാനിച്ചേക്കും.
വിചാരണക്കോടതിയായ എറണാകുളം പ്രിന്സിപ്പല് സെഷന്സ് കോടതിയുടെ നടപടിക്രമങ്ങള് ഇന്നലെയും പൂര്ത്തിയായില്ല. കേസ് 20ന് വീണ്ടും പരിഗണിക്കാനായി മാറ്റി.
2017 ഫെബ്രുവരി 17ന് അങ്കമാലി അത്താണിക്കു സമീപം യുവനടിയുടെ കാര് തടഞ്ഞുനിര്ത്തി ആക്രമിച്ച് നഗ്നവീഡിയോ പകര്ത്തിയെന്നാണു കേസ് .
കേസില് നടന് ദിലീപ് എട്ടാം പ്രതിയാണ്. 2018 മാര്ച്ച് എട്ടിനാണ് കേസിന്റെ വിചാരണനടപടികള് എറണാകുളം പ്രിന്സിപ്പല് സെഷന്സ് കോടതിയില് ആരംഭിച്ചത്. അതിജീവിതയുടെ ആവശ്യപ്രകാരം പ്രത്യേക വനിതാ ജഡ്ജി രഹസ്യവിചാരണയാണു നടത്തുന്നത്.
Tags : Actress assault case dileep Court Actor dileep