ആലപ്പുഴ: കെഎസ്ആർടിസി ബസിൽ വീട്ടമ്മയുടെ മാല കവർന്ന തമിഴ്നാട് സ്വദേശിനികൾ പിടിയിൽ. തൂത്തുക്കുടി കോവിൽപ്പെട്ടി സ്വദേശിനികളായ ലക്ഷ്മി, സിന്ധു എന്നിവരാണ് പിടിയിലായത്. ബുധനാഴ്ച രാവിലെ 9.30ന് ആയിരുന്നു സംഭവം.
മുളക്കുഴ സ്വദേശി ജിജിയുടെ മാലയാണ് അടൂർ ഡിപ്പോയിൽ നിന്ന് തിരുവല്ലയ്ക്കുള്ള കെഎസ്ആർടിസി ബസിൽ വച്ച് പ്രതികൾ കവർന്നത്. മാല നഷ്ടപ്പെട്ടെന്ന് മനസിലാക്കിയ ജിജി വിവരം കണ്ടക്ടറെ വിവരം ധരിപ്പിച്ചു. രണ്ട് യാത്രക്കാരെ തനിക്ക് സംശയമുണ്ടെന്നും ജിജി അറിയിച്ചു.
തുടർന്ന് യാത്രക്കാരും കണ്ടക്ടറും ചേർന്ന് നടത്തിയ പരിശോധനയിൽ പ്രതികളുടെ ബാഗിൽ നിന്ന് മാല കണ്ടെത്തുകയായിരുന്നു. പിന്നാലെ വിവരം ചെങ്ങന്നൂർ പോലീസിൽ അറിയിച്ചു. ബസ് ചെങ്ങന്നൂർ ഡിപ്പോയിൽ എത്തിയതോടെ പോലീസ് ഇരുവരെയും കസ്റ്റഡിയിലെടുക്കുകയായിരുന്നു.
Tags : kerala police crime news ksrtc arrest