കൊച്ചി: സംസ്ഥാനത്തെ സ്കൂള് കുട്ടികള്ക്ക് ബാലാവകാശ ബോധവത്കരണവുമായി കേരള സംസ്ഥാന ബാലാവകാശ സംരക്ഷണ കമ്മീഷന്റെ റോഡ് ഷോ.
കമ്മീഷന്റെ ഇന്റര്നെറ്റ് റേഡിയോയായ റേഡിയോ നെല്ലിക്കയുടെ പ്രചാരണാര്ഥം എല്ലാ ജില്ലകളിലെയും സ്കൂളുകള് കേന്ദ്രീകരിച്ചാണ് റോഡ്ഷോ നടക്കുന്നത്.
കുട്ടികളും അധ്യാപകരും രക്ഷിതാക്കളും യുവജനങ്ങളും പങ്കെടുക്കുന്ന ബാലാവകാശ ബോധവത്കരണ റോഡ്ഷോ 11ന് കാസര്ഗോട്ടുനിന്ന് ആരംഭിച്ച് 30ന് തിരുവനന്തപുരത്ത് സമാപിക്കും.
11ന് ഉച്ചയ്ക്ക് രണ്ടിന് ജവഹര് നവോദയ വിദ്യാലയത്തില് പ്രമുഖ മജീഷന് ഗോപിനാഥ് മുതുകാട് ഉദ്ഘാടനം ചെയ്യുന്ന ചടങ്ങില് കമ്മീഷന് ചെയര്പേഴ്സണ് കെ.വി. മനോജ്കുമാര് അധ്യക്ഷത വഹിക്കും.
റോഡ്ഷോയുടെ സമാപന ദിനമായ 30ന് സൈക്കിള്റാലി സംഘടിപ്പിക്കും. തിരുവനന്തപുരം മാനവീയം വീഥിയില് നിന്നും വഴുതക്കാട് ഗവ. കോട്ടണ്ഹില് സ്കൂളില് റാലി അവസാനിക്കും.
Tags : child rights commission roadshow awareness