കുമ്പള (കാസര്ഗോഡ്): മൂന്നാം പിണറായി സര്ക്കാരിനെ യുഡിഎഫുകാര് മാത്രമല്ല, യഥാര്ഥ കമ്യൂണിസ്റ്റുകാർപോലും ആഗ്രഹിക്കുന്നില്ലെന്ന് എഐസിസി സംഘടനാചുമതലയുള്ള ജനറല് സെക്രട്ടറി കെ.സി. വേണുഗോപാല് എംപി.
പ്രതിപക്ഷനേതാവ് വി.ഡി. സതീശന് നയിക്കുന്ന യുഡിഎഫ് പുതുയുഗ യാത്രയുടെ സംസ്ഥാനതല ഉദ്ഘാടനം കാസര്ഗോഡ് കുമ്പളയില് നിര്വഹിച്ചു പ്രസംഗിക്കുകയായിരുന്നു അദ്ദേഹം. ഒരിക്കലും നടക്കില്ലെന്നു വിചാരിച്ച കാര്യങ്ങള് കഴിഞ്ഞ പത്തുവര്ഷംകൊണ്ട് നടപ്പാക്കിയെന്നാണ് മുഖ്യമന്ത്രി പിണറായി വിജയന്റെ അവകാശവാദം.
ശബരിമല സ്വര്ണക്കൊള്ള മാത്രമാണ് അത്തരത്തില് ഈ സര്ക്കാരിന്റെ കാലത്ത് നടന്ന ഏക സംഭവം.ഭരണപരാജയം നുണപ്രചരണം കൊണ്ട് നേരിടാനാണ് സിപിഎം ശ്രമം. ശരത്ലാലിന്റെയും കൃപേഷിന്റെയും ടി.പി. ചന്ദ്രശേഖരന്റെയും ജീവനെടുത്ത ഉന്മൂലന രാഷ്ട്രീയം കൈവിടാന് തയാറല്ലെന്നാണ് സിപിഎം വ്യക്തമാക്കുന്നതെന്നും വേണുഗോപാൽ പറഞ്ഞു.
Tags : K.C. Venugopal Congress Puthuyouga Yatra third term government