ആലപ്പുഴ: കായംകുളം കളരിക്കലിൽ മകന്‍റെ വെട്ടേറ്റ പിതാവ് മരിച്ചു. നടരാജൻ ആണ് മരിച്ചത്. നടരാജന്‍റെ മുഖത്ത് ഗുരുതരമായി പരിക്കേറ്റിരുന്നു. വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് മരണം.

ആക്രമണത്തിൽ പരിക്കേറ്റ നടരാജന്‍റെ ഭാര്യ സിന്ധുവും ചികിത്സയിലാണ്. മകൻ നവജിത്താണ് മാതാപിതാക്കളെ വെട്ടിയത്. അഭിഭാഷകനാണ് നവജിത്ത്. ഇയാളെ പോലീസ് കസ്റ്റഡിയിലെടുത്തിരുന്നു. പോലീസ് ബലംപ്രയോഗിച്ചാണ് ഇയാളെ കീഴ്പ്പെടുത്തിയത്.

എന്താണ് പ്രകോപന കാരണമെന്ന് വ്യക്തമല്ല. സംഭവത്തിൽ പോലീസ് അന്വേഷണം നടത്തിവരികയാണ്.

Tags : attack police murder case