പെരിന്തൽമണ്ണ: ഏക്കർകണക്കിനു സ്ഥലത്തെ മരങ്ങളും പുൽക്കാടുകളും കത്തിനശിച്ച പ്രദേശത്ത് ഗൃഹനാഥനെ പൊള്ളലേറ്റ് മരിച്ചനിലയിൽ കണ്ടെത്തി.
ആനമങ്ങാട് വടക്കേചേരി സ്വദേശി രാധാകൃഷ്ണൻ (60) എന്ന കുഞ്ഞുണ്ണിയെയാണു തീപ്പൊള്ളലേറ്റ് മരിച്ചനിലയിൽ കണ്ടെത്തിയത്. ഇയാൾ അപസ്മാരരോഗിയാണെന്ന് പ്രദേശവാസികൾ പറഞ്ഞു.
ഇന്നലെ വൈകുന്നേരം 6.30ഓടെയായിരുന്നു സംഭവം. പെരിന്തൽമണ്ണ പോലീസ് ഇൻസ്പെക്ടർ സുമേഷ് സുധാകരന്റെ നേതൃത്വത്തിൽ പോലീസ് സംഘമെത്തി ഇൻക്വസ്റ്റ് നടത്തി. പ്രദേശത്തു പൊന്തക്കാടുകൾ നശിപ്പിക്കുന്നതിന്റെ ഭാഗമായി തീ ഇടാറുള്ളതായി പറയപ്പെടുന്നു.
പാറുക്കുട്ടിയാണ് രാധാകൃഷ്ണന്റെ ഭാര്യ. മണികണ്ഠൻ, രജിത എന്നിവർ മക്കളാണ്. മരുമകൻ: സുബ്രഹ്മണ്യൻ.
Tags : Homeowner dies grass fire Radhakrishnan death Perinthalmanna