തിരുവനന്തപുരം: ഇന്ത്യയിലെ ആദ്യത്തെ അതിദാരിദ്ര്യമുക്ത സംസ്ഥാനമായി കേരളം മാറുന്നതിന്റെ പ്രഖ്യാപനം മുഖ്യമന്ത്രി പിണറായി വിജയൻ നവംബർ ഒന്നിന് നടത്തും. തിരുവനന്തപുരം സെൻട്രൽ സ്റ്റേഡിയത്തിൽ വൈകുന്നേരം നാലിനാണ് പ്രഖ്യാപനം.
വൈകുന്നേരം മൂന്നിന് താളലയം മ്യൂസിക്ക് ഫ്യൂഷനോടെയാണ് ചടങ്ങ് ആരംഭിക്കുന്നത്. മന്ത്രി എം.ബി. രാജേഷ് അധ്യക്ഷത വഹിക്കും. തദ്ദേശവകുപ്പ് പ്രിൻസിപ്പൽ സെക്രട്ടറി ടിങ്കു ബിസ്വാൾ റിപ്പോർട്ട് അവതരിപ്പിക്കും.
സ്പീക്കർ എ.എൻ. ഷംസീർ മുഖ്യാതിഥിയാകും. മന്ത്രിമാർ, പ്രതിപക്ഷനേതാവ്, ജനപ്രതിനിധികൾ, വിവിധ മേഖലകളിൽ നിന്നുള്ള പ്രമുഖർ തുടങ്ങിയവർ പങ്കെടുക്കും. ചീഫ് സെക്രട്ടറി ഡോ. എ. ജയതിലക് സ്വാഗതവും തദ്ദേശവകുപ്പ് സ്പെഷൽ സെക്രട്ടറി ടി. വി. അനുപമ നന്ദിയും പറയും.
Tags : Kerala poverty Chief Minister