കോട്ടയം: കെഎസ്ടിഎ 35-ാം സംസ്ഥാന സമ്മേളനം പുതിയ ഭാരവാഹികളെ തെരഞ്ഞെടുത്തു.
എ.കെ. ബീന (പ്രസിഡന്റ്), ടി.കെ.എ. ഷാഫി (ജനറല് സെക്രട്ടറി), കെ. രാഘവന് (ട്രഷറാര്) എന്നിവരാണ് പ്രധാന ഭാരവാഹികള്. കണ്ണൂര് സ്വദേശിയായ എ.കെ. ബീന കണ്ണൂര്, മട്ടന്നൂര് ഹയര് സെക്കന്ഡറി സ്കൂൾ അധ്യാപികയാണ്. മലപ്പുറം ജില്ലയിലെ പെരിമ്പലം സ്വദേശിയായ ടി.കെ.എ. ഷാഫി പൂജപ്പുര ഗവണ്മെന്റ് യുപി സ്കൂള് മുഖ്യാധ്യാപകനാണ്. കാസര്ഗോഡ് ജില്ലയിലെ തെക്കില് സ്വദേശിയായ കെ. രാഘവന് ചേരൂര് ഐഐഎ എല്പി സ്കൂള് മുഖ്യാധ്യാപകനാണ്.
എം.എ. അരുണ്കുമാര് (പാലക്കാട്), കെ.സി. മഹേഷ് (കണ്ണൂര്), പി.എസ്. സ്മിജ (കോഴിക്കോട്), പി.വി. രാജേഷ് (തിരുവനന്തപുരം), കെ.വി. അനീഷ്ലാല് (കോട്ടയം) എന്നിവരെ വൈസ് പ്രസിഡന്റുമാരായും എ. നജീബ് (തിരുവനന്തപുരം), എം.കെ. നൗഷാദലി (പാലക്കാട്), പി.ജെ. ബിനേഷ് (വയനാട്), എസ്. സബിത (കൊല്ലം), ആര്.കെ. ബിനു (മലപ്പുറം) എന്നിവരെ സെക്രട്ടറിമാരായും തെരഞ്ഞെടുത്തു. 31 അംഗ സംസ്ഥാന എക്സിക്യൂട്ടീവ് കമ്മിറ്റിയെയും 85 അംഗ സംസ്ഥാന കമ്മിറ്റിയെയും സമ്മേളനം തെരഞ്ഞെടുത്തു.
Tags : KSTA T.K.A. Shafi General Secretary A.K. Beena President