തിരുവനന്തപുരം: സംസ്ഥാന ജനപ്രതിനിധി സമ്മേളനത്തിനായി കേന്ദ്ര ആഭ്യന്തര മന്ത്രി അമിത്ഷാ തിരുവനന്തപുരത്തെത്തി. തലസ്ഥാനത്തെത്തിയ കേന്ദ്ര ആഭ്യന്തര മന്ത്രിയുടെ സാന്നിധ്യത്തിൽ ഇന്ന് യോഗം ചേരും. യോഗത്തിൽ 100 ദിവസം നീളുന്ന മിഷൻ 2026 പ്രഖ്യാപിക്കും.
'വികസിത കേരളം, വിശ്വാസം സംരക്ഷണം, അപകട രാഷ്ട്രീയം' എന്ന മുദ്രാവാക്യങ്ങളുയർത്തിയാണ് മിഷൻ 2026ന്റെ പ്രഖ്യാപനം. നരേന്ദ്ര മോദി മുന്നോട്ടുവയ്ക്കുന്ന കാഴ്ചപ്പാടോടെ സംസ്ഥാനം വികസിപ്പിക്കുമെന്നതാണ് വികസിത കേരളം മുദ്രാവാക്യത്തിൽ ചൂണ്ടിക്കാട്ടുക.
ശബരിമല സ്വർണക്കൊള്ള കേസിൽ സിപിഎമ്മിന്റെയും കോൺഗ്രസിന്റെയും പങ്ക് തുറന്നുകാട്ടുക, വിശ്വാസികൾക്കൊപ്പമുള്ളത് ബിജെപിയാണെന്ന് വോട്ടർമാരെ ബോധ്യപ്പെടുത്തുക എന്നതാണ് വിശ്വാസം സംരക്ഷണ മുദ്രാവാക്യത്തിലൂടെ ലക്ഷ്യമിടുന്നത്.
ബിജെപി കോർ കമ്മിറ്റിക്കൊപ്പം എൻഡിഎ നേതൃതയോഗത്തിലും പങ്കെടുത്ത് പാർട്ടിയുടെ വോട്ട് വിഹിതം ഉയർത്താൻ ആവശ്യമായ നിർദേശങ്ങൾ നൽകിയാണ് അമിത്ഷാ മടങ്ങുക.
Tags : Mission 2026 bjp amit shah