തിരുവനന്തപുരം: തലസ്ഥാനത്ത് കേവല ഭൂരിപക്ഷം ഉറപ്പിച്ച് ബിജെപി. തിരുവനന്തപുരം കോർപറേഷനിൽ സ്വതന്ത്രനായി വിജയിച്ച പാറ്റൂർ രാധാകൃഷ്ണൻ പിന്തുണ പ്രഖ്യാപിച്ചതോടെയാണ് ബിജെപി കേവല ഭൂരിപക്ഷം ഉറപ്പിച്ചത്.
പതിമൂന്ന് ദിവസം നീണ്ടുനിന്ന ചർച്ചകൾക്കൊടുവിലാണ് പാറ്റൂർ രാധാകൃഷ്ണൻ പിന്തുണ പ്രഖ്യാപിച്ചത്. കണ്ണമ്മൂല വാർഡിൽ നിന്നാണ് രാധാകൃഷ്ണൻ മത്സരിച്ച് വിജയിച്ചത്. 50 സീറ്റുകൾ നേരത്തെ തന്നെ സ്വന്തമാക്കിയ ബിജെപി ഇതോടെ 51 അംഗങ്ങളുടെ പിന്തുണയായി.
101 സീറ്റുകളുള്ള തിരുവനന്തപുരം കോർപറേഷനിൽ 51 സീറ്റായിരുന്നു കേവല ഭൂരിപക്ഷത്തിന് വേണ്ടിയിരുന്നത്. മേയർ സ്ഥാനാർഥിയായി വി.വി. രാജേഷിനെ പ്രഖ്യാപിച്ചതിന് പിന്നാലെയാണ് പാറ്റൂർ രാധാകൃഷ്ണൻ പിന്തുണ പ്രഖ്യാപിച്ചത്.
Tags : Pattur Radhakrishnan bjp rajiv chandrasekhar trivandrum