ചെങ്ങന്നൂർ: മന്ത്രി സജി ചെറിയാന്റെ ഔദ്യോഗിക വാഹനം അപകടത്തിൽപ്പെട്ട സംഭവത്തിൽ ദുരൂഹതകളില്ലെന്ന് പ്രാഥമിക നിഗമനം.
ചൊവ്വാഴ്ച രാത്രി മന്ത്രിയുടെ വാഹനം പാർക്ക് ചെയ്തിരുന്ന കല്ലിശേരി ടിബിയിലെ സിസിടിവി ദൃശ്യങ്ങൾ ചെങ്ങന്നൂർ പോലീസ് പരിശോധിച്ചെങ്കിലും സംശയാസ്പദമായി ഒന്നും കണ്ടെത്താനായില്ല.
ഇന്നലെ രാവിലെ തിരുവനന്തപുരത്തേക്കുള്ള യാത്രയ്ക്കിടെ എംസി റോഡിലെ വാമനപുരത്ത് വെച്ചായിരുന്നു അപകടം. മന്ത്രി സഞ്ചരിച്ചിരുന്ന കാറിന്റെ ടയർ ഓടിക്കൊണ്ടിരിക്കെ ഊരിത്തെറിക്കുകയായിരുന്നു. വൻ അപകടസാധ്യത ഉണ്ടായിരുന്നെങ്കിലും പരിക്കുകളേൽക്കാതെ മന്ത്രി രക്ഷപ്പെട്ടു.
അപകടത്തിൽ അട്ടിമറി സാധ്യതയുണ്ടോ എന്നതടക്കമുള്ള കാര്യങ്ങളാണ് പോലീസ് പരിശോധിച്ചത്. സാങ്കേതികമായ കാരണങ്ങളാലാണോ അപകടം എന്നതിലേക്ക് ഇപ്പോൾ അന്വേഷണം നീളുകയാണ്.
വാഹനത്തിന്റെ അറ്റകുറ്റപ്പണി നടത്തിയതിലെ വീഴ്ചയാണോ എന്നും പരിശോധിക്കും.
Tags : Police Minister saji cheriyan Car Tyre