കോഴിക്കോട്: തൊഴിലാളി സംഘടനകളുടെ 24 മണിക്കൂർ ദേശീയ പണിമുടക്കിനിടെ സ്കൂളിലെത്തിയ അധ്യാപകരെ തടഞ്ഞ് സമരാനുകൂലികൾ. കോഴിക്കോട് പുതിയങ്ങാടി ജിഎം യുപി സ്കൂളിലാണ് സംഭവം.

സ്കൂളിന്‍റെ ഗേറ്റിൽ സിഐടിയു പ്രവർത്തകർ കൊടി കുത്തി ഉപരോധിച്ചു. ഏകദേശം 13ഓളം അധ്യാപകർ ജോലിക്കെത്തിയിരുന്നു. സമരക്കാര്‍ ഇവരെ തടഞ്ഞതോടെ സ്ഥലത്ത് സംഘര്‍ഷാവസ്ഥ ഉടലെടുക്കുകയായിരുന്നു. ഇതേത്തുടർന്ന് അധ്യാപകർ ഗേറ്റിന് മുമ്പിൽ കുത്തിയിരുന്ന് പ്രതിഷേധിച്ചു.

ഇതിനു പിന്നാലെ അധ്യാപകർക്ക് പിന്തുണയുമായി നാട്ടുകാരും എത്തിയതോടെ പ്രതിഷേധം കൈയാങ്കളിയിലാണ് കലാശിച്ചത്.

Tags : National Strike Puthiyangadi teachers protest