കൊച്ചി: കിഫ്ബി മസാല ബോണ്ട് കേസിലെ ഇഡി നോട്ടീസിൽ തുടർനടപടികൾ മൂന്ന് മാസത്തേക്ക് സ്റ്റേ ചെയ്ത് ഹൈക്കോടതി. ഇ​ഡി അ​ഡ്ജ്യൂ​ഡി​ക്കേ​റ്റിം​ഗ് ക​മ്മി​റ്റി​യു​ടെ നോ​ട്ടീ​സി​നെ​തി​രെ കി​ഫ്ബി ന​ല്‍​കി​യ അപ്പീല്‍ ഫയലില്‍ സ്വീകരിച്ച കോടതി ഇഡിക്ക് നോട്ടീസ് നൽകി.

കിഫ്ബിക്ക് വേണ്ടി അഡ്വ. ജനറൽ കെ. ഗോപാലകൃഷ്ണക്കുറുപ്പാണ് ഹാജരായത്. റിയൽ എസ്റ്റേറ്റ് ഇടപാടല്ല, വികസനപ്രവർത്തനങ്ങൾക്ക് വേണ്ടി ഭൂമി ഏറ്റെടുക്കുകയാണ് ചെയ്തത് എന്ന് അദ്ദേഹം വാദിച്ചു. പിന്നാലെ വിശദമായ മറുപടി ആവശ്യപ്പെട്ട് ഇഡിക്ക് ഹൈക്കോടതി നോട്ടീസ് അയച്ചു. മറുപടി ലഭിച്ച ശേഷമാകും കേസിൽ തുടർവാദം നടക്കുക.

മ​സാ​ല ബോ​ണ്ട് വ​ഴി വി​ദേ​ശ​ത്ത് നി​ന്ന് സ​മാ​ഹ​രി​ച്ച പ​ണം റി​യ​ല്‍ എ​സ്‌​റ്റേ​റ്റ് ഇ​ട​പാ​ടു​ക​ള്‍​ക്ക് ഉ​പ​യോ​ഗി​ച്ചെ​ന്നാ​ണ് എ​ന്‍​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റി​ന്‍റെ റി​പ്പോ​ര്‍​ട്ട്. തു​ട​ര്‍ ന​ട​പ​ടി​ക​ളു​ടെ ഭാ​ഗ​മാ​യി​ട്ടാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍, മു​ന്‍ ധ​ന​മ​ന്ത്രി തോ​മ​സ് ഐ​സ​ക്, കി​ഫ്ബി തു​ട​ങ്ങി​യ എ​തി​ര്‍​ക​ക്ഷി​ക​ള്‍​ക്ക് മ​റു​പ​ടി​യാ​വ​ശ്യ​പ്പെ​ട്ട് നോ​ട്ടീ​സ് അ​യ​ച്ച​ത്.

റി​യ​ല്‍ എ​സ്‌​റ്റേ​റ്റ് ഇ​ട​പാ​ടു​ക​ള്‍​ക്ക​ല്ല സം​സ്ഥാ​ന​ത്തി​ന്‍റെ വി​ക​സ​ന പ​ദ്ധ​തി​ക​ള്‍​ക്കാ​യി ഭൂ​മി ഏ​റ്റെ​ടു​ക്കു​ന്ന​തി​നാ​ണ് സ​മാ​ഹ​രി​ച്ച തു​ക​യി​ലെ 450 കോ​ടി​യി​ല​ധി​കം രൂ​പ ചെ​ല​വ​ഴി​ച്ച​തെ​ന്നാ​ണ് കി​ഫ്ബി​യു​ടെ നി​ല​പാ​ട്.

Tags : KIIFB High Court ED Masala Bond