പാലക്കാട്: എസ്ഐആർ കാമ്പയിന് അട്ടപ്പാടി ആദിവാസി ഊരുകളിൽ മികച്ച തുടക്കം.
അട്ടപ്പാടി ബ്ലോക്ക് പരിധിയിൽ വരുന്ന ഷോളയൂർ പഞ്ചായത്തിലെ സിങ്കംപാറ മുത്തികുളം ആദിവാസി ഉന്നതയിലുള്ള 180-ാം നന്പർ പോളിംഗ് ബൂത്തിൽ നൂറുശതമാനംപേരും നേരിട്ട് രജിസ്റ്റർ ചെയ്ത് രാജ്യത്തിനു മാതൃകയായി.
അട്ടപ്പാടി ബ്ലോക്കിലെ ഒറ്റപ്പെട്ടുകിടക്കുന്ന ഈ ഉന്നതിയിലെ നിവാസികൾക്കു സ്വന്തം പഞ്ചായത്ത്, വില്ലേജ് ഓഫീസുകളിലെത്താൻ തമിഴ്നാട്ടിലൂടെ ഏകദേശം 120 കിലോമീറ്റർ സഞ്ചരിക്കണം. അട്ടപ്പാടിയിൽ ഉൾപ്പെടുന്നതാണെങ്കിലും ഈ ദൂരക്കൂടുതൽമൂലം സർക്കാരിന്റെ മിക്ക ആനുകൂല്യങ്ങളും ഇവർക്ക് അന്യമായിരുന്നു.