വണ്ടിപ്പെരിയാർ: വണ്ടിപ്പെരിയാറിൽനിന്നും ചെന്നൈയിലേക്കുള്ള യാത്രമധ്യേയുണ്ടായ വാഹനാപകടത്തിൽ വിദ്യാർഥിനി മരിച്ചു. വാളാർഡി എസ്റ്റേറ്റിലെ താമസക്കാരായ
രാജ-രജനി ദമ്പതികളുടെ മകൾ ജെസ്‌ന രാജൻ (9)ആണ് മരിച്ചത്.

വണ്ടിപ്പെരിയാർ വാളാർഡിയിൽ നിന്നും ചെന്നൈ മേൽ മരവത്തൂർ ക്ഷേത്രത്തിലേക്കുള്ള തീർഥാടനത്തിന് ഇടെയാണ് സംഭവം. തമിഴ്നാട് ത്രിച്ചിക്ക് സമീപം സാധനങ്ങളും മറ്റും വാങ്ങുന്നതിന് തീർഥാടകരുടെ വാഹനം നിർത്തുകയും ഈ സമയം റോഡ് മുറിച്ചു കടക്കുകയും ചെയ്ത ജെസ്നയെ മറ്റൊരു വാഹനം ഇടിക്കുകയായിരുന്നു.

സംഭവസ്ഥലത്തുവച്ചുതന്നെ ജെസ്ന മരിച്ചു. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.

രണ്ട് ബസിലാണ് തീർഥാടകർ മേൽ മരുവത്തൂരിലേക്ക് ബുധനാഴ്ച വൈകുന്നേരം വാളാർഡിയിൽ നിന്നും പോയത്. അപകടത്തിനു പിന്നാലെ തീർഥാടനം പൂർത്തിയാകതെ ഇവർ മടങ്ങുകയും ചെയ്തു.

Tags : Student accident death