തി​രു​വ​ന​ന്ത​പു​രം: പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ്ര​സം​ഗി​ച്ചു കൊ​ണ്ടി​രി​ക്കു​ന്പോ​ൾ ഭ​ര​ണ​പ​ക്ഷ​ത്തെ നി​ര​വ​ധി അം​ഗ​ങ്ങ​ൾ വ​ലി​പ്പ​ത്തി​ൽ പ്രി​ന്‍റ് ചെ​യ്ത ഫോ​ട്ടോ ഉ​യ​ർ​ത്തി​ക്കാ​ട്ടി​ക്കൊ​ണ്ടി​രു​ന്നു. ചി​ത്രം ക​ണ്ടെ​ങ്കി​ലും സ​തീ​ശ​ൻ അ​തേ​ക്കു​റി​ച്ച് ഒ​ന്നും പ​റ​ഞ്ഞി​ല്ല. സാ​ധാ​ര​ണ പ്ര​തി​ഷേ​ധ​ത്തി​ന്‍റെ ഭാ​ഗ​മാ​യി പ്ല​ക്കാ​ർ​ഡു​ക​ളും ചി​ത്ര​ങ്ങ​ളു​മൊ​ക്കെ നി​യ​മ​സ​ഭ​യി​ൽ ഉ​യ​ർ​ത്തി​ക്കാ​ണി​ക്കു​ന്ന​ത് പ്ര​തി​പ​ക്ഷ​മാ​ണ്. ഇ​ന്ന​ലെ ആ ​പ​ണി ഭ​ര​ണ​പ​ക്ഷം ഏ​റ്റെ​ടു​ത്തു.

സോ​ണി​യാ​ഗാ​ന്ധി​ക്കൊ​പ്പം ശ​ബ​രി​മ​ല സ്വ​ർ​ണ​ക്കൊ​ള്ള​ക്കേ​സി​ലെ പ്ര​തി ഉ​ണ്ണി​കൃ​ഷ്ണ​ൻ പോ​റ്റി ഉ​ൾ​പ്പെ​ടെ​യു​ള്ള​വ​ർ നി​ൽ​ക്കു​ന്ന ഫോ​ട്ടോ ആ​യി​രു​ന്നു ഭ​ര​ണ​പ​ക്ഷാം​ഗ​ങ്ങ​ൾ ഉ​യ​ർ​ത്തി​ക്കാ​ട്ടി​യ​ത്. പോ​റ്റി​യേ കേ​റ്റി​യേ... എ​ന്നു തു​ട​ങ്ങു​ന്ന പാ​ര​ഡി പാ​ട്ടു​ക​ൾ കേ​ട്ട് ഒ​രു​പാ​ടു വി​ഷ​മി​ച്ച ഭ​ര​ണ​പ​ക്ഷം ഈ ​ചി​ത്രം ഉ​യ​ർ​ത്തി​ക്കാ​ട്ടി​യ​ത് ഒ​രു മ​ധു​ര​പ്ര​തി​കാ​രം പോ​ലെ ആ​യി​രു​ന്നു.

മു​ഖ്യ​മ​ന്ത്രി​യും പ്ര​തി​പ​ക്ഷ നേ​താ​വും ഉ​ൾ​പ്പെ​ടെ​യു​ള്ള പ്ര​മു​ഖ​ർ അ​ണി​നി​ര​ക്കു​ന്ന ന​യ​പ്ര​ഖ്യാ​പ​ന പ്ര​സം​ഗ​ത്തി​നു​ള്ള ന​ന്ദി​പ്ര​മേ​യ ച​ർ​ച്ച​യു​ടെ കൊ​ട്ടി​ക്ക​ലാ​ശ​ദി​നം സ​ഭ​യി​ൽ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നെ ക​ട​ന്നാ​ക്ര​മി​ക്കാ​നാ​യി​രു​ന്നു ഭ​ര​ണ​പ​ക്ഷം ശ്ര​മി​ച്ച​ത്. വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി​ക്കെ​തി​രേ സ​തീ​ശ​ൻ മോ​ശ​പ്പെ​ട്ട ഭാ​ഷ​യി​ൽ വി​മ​ർ​ശ​നം ഉ​ന്ന​യി​ച്ചെ​ന്നു പ​റ​ഞ്ഞാ​യി​രു​ന്നു തു​ട​ക്കം. സ​തീ​ശ​നെ വെ​ള്ള ഡ്ര​സി​ട്ട സം​ഘി എ​ന്നു വ​രെ കെ.​ഡി. പ്ര​സേ​ന​ൻ വി​ശേ​ഷി​പ്പി​ച്ചു. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ മ​റു​പ​ടി പ്ര​സം​ഗം കൂ​ടി കേ​ട്ട​തോ​ടെ ഭ​ര​ണ​പ​ക്ഷ​ത്തി​ന്‍റെ ത​ന്ത്രം വ്യ​ക്ത​മാ​യി. സ​തീ​ശ​നു​ള്ള മ​റു​പ​ടി​യാ​യി​രു​ന്നു മു​ഖ്യ​മ​ന്ത്രി​യു​ടെ പ്ര​സം​ഗ​ത്തി​ൽ ഏ​റെ​യും.

ശ​ബ​രി​മ​ല പ്ര​തി​ഷേ​ധ​ത്തി​ൽ പ്ര​തി​പ​ക്ഷ​ത്തി​നു പ​ഴ​യ വീ​ര്യ​മി​ല്ലെ​ന്നു മു​ഖ്യ​മ​ന്ത്രി പ​റ​ഞ്ഞ​തി​ൽ അ​വ​ർ​ക്കു നേ​രെ​യു​ള്ള ഒ​രു കു​ത്തു കൂ​ടി ഉ​ണ്ടാ​യി​രു​ന്നു. പ്ര​തി​പ​ക്ഷ നേ​താ​വി​ന്‍റെ പ്ര​സം​ഗ​ത്തി​നു പ​തി​വു വീ​ര്യ​മി​ല്ലാ​യി​രു​ന്നെ​ന്നും മു​ഖ്യ​മ​ന്ത്രി പ​റ​ഞ്ഞു. പ്ര​തി​പ​ക്ഷ​ത്തി​നു നേ​രെ​യും എ​ന്തോ ഒ​രു​ങ്ങി വ​രു​ന്നു എ​ന്ന സൂ​ച​ന​യാ​യി​രു​ന്നു മു​ഖ്യ​മ​ന്ത്രി​യു​ടെ പ​രാ​മ​ർ​ശ​ങ്ങ​ളി​ൽ ഉ​ണ്ടാ​യി​രു​ന്ന​ത്.

ഭ​ര​ണ​മാ​റ്റം എ​ന്ന​തു ജ​ന​ങ്ങ​ൾ തീ​രു​മാ​നി​ച്ചു​റ​പ്പി​ച്ചു ക​ഴി​ഞ്ഞ കാ​ര്യ​മാ​ണെ​ന്നു ര​മേ​ശ് ചെ​ന്നി​ത്ത​ല പ​റ​ഞ്ഞു. തെ​ര​ഞ്ഞെ​ടു​പ്പി​ൽ യു​ഡി​എ​ഫി​നു നൂ​റു സീ​റ്റ് കി​ട്ടു​മെ​ന്ന കാ​ര്യ​ത്തി​ൽ ര​മേ​ശി​നു സം​ശ​യ​മൊ​ന്നു​മി​ല്ല. എ​ൽ​ഡി​എ​ഫ് സ​ർ​ക്കാ​ർ ക​ഴി​ഞ്ഞ പ​ത്തു വ​ർ​ഷം കൊ​ണ്ടു പ​ല​തും ചെ​യ്തു എ​ന്നു പ​റ​യു​ന്നു​ണ്ടെ​ങ്കി​ലും ജ​ന​ത്തി​നു ബോ​ധ്യ​മാ​കു​ന്നി​ല്ലെ​ന്നു പി.​കെ. കു​ഞ്ഞാ​ലി​ക്കു​ട്ടി പ​റ​ഞ്ഞു. ആ​കെ പ​റ​ഞ്ഞു കൊ​ണ്ടി​രു​ന്ന​ത് ദേ​ശീ​യ​പാ​ത വി​ക​സ​ന​മാ​ണ്. പൊ​ളി​ഞ്ഞു വീ​ണ​തോ​ടെ അ​തു ’ഞ​ങ്ങ​ളു​ടേ’​ത​ല്ലാ​താ​യി. വ​ന്യ​ജീ​വി ആ​ക്ര​മ​ണ​ത്തേ​ക്കു​റി​ച്ചാ​യി​രു​ന്നു സെ​ബാ​സ്റ്റ്യ​ൻ കു​ള​ത്തി​ങ്ക​ലും അ​നൂ​പ് ജേ​ക്ക​ബു​മൊ​ക്കെ പ​റ​ഞ്ഞ​ത്.

ക​ഴി​ഞ്ഞ 10 വ​ർ​ഷ​മാ​യി സം​സ്ഥാ​ന​ത്ത് ഒ​രു വ​ർ​ഗീ​യ ക​ലാ​പം പോ​ലു​മി​ല്ല എ​ന്ന​ത് ഇ​ട​തു​പ​ക്ഷം ഭ​ര​ണ​നേ​ട്ട​ങ്ങ​ളു​ടെ പ​ട്ടി​ക​യി​ൽ പെ​ടു​ത്തി​യ​ത് ഈ​യ​ടു​ത്താ​ണ്. തോ​ട്ട​ത്തി​ൽ ര​വീ​ന്ദ്ര​ൻ ഇ​ക്കാ​ര്യം ച​ർ​ച്ച​യ്ക്കി​ട​യി​ൽ പ​റ​ഞ്ഞെ​ങ്കി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മ​റു​പ​ടി​യി​ൽ ഇ​ക്കാ​ര്യ വി​സ്ത​രി​ച്ചു പ​റ​ഞ്ഞു. അ​തി​നു പി​ന്നി​ലു​ള്ള രാ​ഷ്ട്രീ​യ ല​ക്ഷ്യം ന​ന്നാ​യി അ​റി​യാ​വു​ന്ന​തി​നാ​ലാ​കാം പ്ര​തി​പ​ക്ഷം അ​തേ​ക്കു​റി​ച്ചൊ​ന്നും പ​റ​ഞ്ഞി​ല്ല.

മ​ന്ത്രി സ​ജി ചെ​റി​യാ​ന്‍റെ​യും എ.​കെ. ബാ​ല​ന്‍റെ​യും പ്ര​സ്താ​വ​ന​ക​ൾ ചൂ​ണ്ടി​ക്കാ​ട്ടി അ​തു വ​ർ​ഗീ​യ​മാ​യ പ്ര​സ്താ​വ​ന​ക​ളാ​യി​രു​ന്നു എ​ന്നു സ​തീ​ശ​ൻ ചൂ​ണ്ടി​ക്കാ​ട്ടി. നി​ങ്ങ​ൾ ആ ​വ​ഴി പോ​ക​രു​തെ​ന്നും സ​തീ​ശ​ൻ അ​ഭ്യ​ർ​ഥി​ച്ചു. യു​ഡി​എ​ഫ് സ​ർ​ക്കാ​രി​ന്‍റെ കാ​ല​ത്ത് അ​ന്ന​ത്തെ സ​ർ​ക്കാ​രി​നെ​തി​രേ സ​തീ​ശ​ൻ ഉ​ൾ​പ്പെ​ടെ വി​മ​ർ​ശ​നം ഉ​ന്ന​യി​ച്ച​തി​നേ​ക്കു​റി​ച്ചു ഭ​ര​ണ​പ​ക്ഷ​ത്തു നി​ന്നു​ണ്ടാ​യ പ​രാ​മ​ർ​ശ​ങ്ങ​ൾ​ക്കും സ​തീ​ശ​ൻ മ​റു​പ​ടി ന​ൽ​കി. " ഞ​ങ്ങ​ളു​ടെ സ​ർ​ക്കാ​രി​നെ ഞാ​ൻ വി​മ​ർ​ശി​ച്ചി​ട്ടു​ണ്ട്. തെ​റ്റു​ക​ൾ തി​രു​ത്താ​ൻ സ​ർ​ക്കാ​ർ ത​യാ​റാ​യി​ട്ടു​മു​ണ്ട്. നി​ങ്ങ​ളു​ടെ സ​ർ​ക്കാ​രി​നെ വി​മ​ർ​ശി​ക്കാ​ൻ നി​ങ്ങ​ൾ​ക്കു മു​ട്ടി​ടി​ക്കും'- ഭ​ര​ണ​പ​ക്ഷ​ത്തെ നോ​ക്കി സ​തീ​ശ​ൻ പ​റ​ഞ്ഞു.

പ്ര​തി​പ​ക്ഷ നേ​താ​വി​ന്‍റെ വി​മ​ർ​ശ​ന​ങ്ങ​ൾ​ക്കു മു​ഖ്യ​മ​ന്ത്രി​യു​ടെ മ​റു​ചോ​ദ്യം ഇ​ങ്ങ​നെ​യാ​യി​രു​ന്നു- നാ​ടി​നെ ഇ​ക​ഴ്ത്തി കാ​ണി​ക്കാ​ൻ പാ​ടു​ണ്ടോ? ചെ​റു​പ്പ​ക്കാ​ർ പ​ഠ​നാ​വ​ശ്യ​ത്തി​നു​ൾ​പ്പെ​ടെ നാ​ടു​വി​ടു​ന്ന വി​ഷ​യ​ങ്ങ​ൾ സ​തീ​ശ​ൻ ചൂ​ണ്ടി​ക്കാ​ട്ടി​യെ​ങ്കി​ലും അ​ന്യ​നാ​ട്ടു​കാ​ർ കേ​ര​ള​ത്തി​ലേ​ക്കു പ​ഠി​ക്കാ​ൻ വ​രാ​ൻ താ​ത്പ​ര്യം കാ​ട്ടു​ന്നു എ​ന്നാ​യി​രു​ന്നു മു​ഖ്യ​മ​ന്ത്രി​യു​ടെ മ​റു​പ​ടി.

വി​ള​പ്പി​ൽ​ശാ​ല​യി​ൽ ബി​സ്മി​ർ എ​ന്ന​യാ​ൾ ചി​കി​ത്സ കി​ട്ടാ​തെ മ​രി​ച്ച സം​ഭ​വ​ത്തി​ൽ അ​ടി​യ​ന്ത​പ്ര​മേ​യ​ത്തി​ന് അ​നു​മ​തി ന​ൽ​കി. ര​ണ്ടു മ​ണി​ക്കൂ​ർ ച​ർ​ച്ച​യ്ക്കൊ​ടു​വി​ൽ മ​റു​പ​ടി പ​റ​ഞ്ഞ ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന്‍റെ ചി​ല പ​രാ​മ​ർ​ശ​ങ്ങ​ളി​ൽ പ്ര​തി​ഷേ​ധി​ച്ച് പ്ര​തി​പ​ക്ഷം വാ​ക്കൗ​ട്ട് ന​ട​ത്തി. പി​ന്നാ​ലെ ന​ന്ദി പ്ര​മേ​യ ച​ർ​ച്ച​യി​ൽ അ​വ​ർ പ​ങ്കെ​ടു​ത്തു.

Tags : opposition ruling party trap Niyamasabha