കോഴിക്കോട്: എംഡിഎംഎയുമായി താമരശേരിയില് മൂന്ന് യുവാക്കള് പിടിയില്. കൊടുവള്ളി ഉളിയാടന് കുന്നുമ്മല് ഉമൈര്ഖാന്, അടിവാരം നൂറാംതോട് വലിയവീട്ടില് ആഷിക്, അടിവാരം നൂറാംതോട് മൂലക്കല് തൊടി സൗജല് എന്നിവരെയാണ് താമരശേരി പോലീസും സ്പെഷല് സ്ക്വാഡും പിടികൂടിയത്.
3.2 ഗ്രാം എംഡിഎംഎ പ്രതികളിൽനിന്ന് പിടികൂടി. ഇവര് സഞ്ചരിച്ചിരുന്ന കാറും കസ്റ്റഡിയിലെടുത്തു. കാറില്നിന്ന് ലഹരി ഉപയോഗിക്കാനുള്ള ഉപകരണങ്ങളും കണ്ടെടുത്തിട്ടുണ്ട്. വാഹന പരിശോധനയ്ക്കിടെയാണ് പ്രതികള് ലഹരിമരുന്നുമായി പോലീസിന്റെ പിടിയിലായത്.
ഇടനിലക്കാര് മുഖേന ബെംഗളൂരുവില് നിന്നാണ് ഇവര് ലഹരിമരുന്ന് എത്തിച്ചിരുന്നത്. മുന്പ് ഗള്ഫിലായിരുന്ന മൂവരും നാട്ടിലെത്തിയശേഷം ലഹരി ഉപയോഗവും പിന്നീട് വില്പ്പനയും ആരംഭിക്കുകയായിരുന്നുവെന്നു പോലീസ് പറഞ്ഞു.
Tags : youths arrested MDMA bengaluru kozhikode