അതിരപ്പിള്ളി: റോഡ് മുറിച്ചുകടക്കുന്ന കാട്ടാനയുടെ മുന്പിൽ അകപ്പെട്ട വിനോദസഞ്ചാരികൾ രക്ഷപ്പെട്ടു. കഴിഞ്ഞദിവസം വെറ്റിലപ്പാറയിലാണ് സംഭവം.
പഞ്ചായത്ത് ഓഫീസിനും വെറ്റിലപ്പാറ സ്കൂളിനും സമീപത്തുകൂടി വന്ന കാട്ടാന റോഡ് മുറിച്ചുകടക്കുമ്പോഴാണ് അതുവഴി വിനോദസഞ്ചാരികളുടെ കാർ വന്നത്. ആനയുടെ മുന്പിലൂടെ എത്തിയ കാറിനെ കാട്ടാന ആക്രമിച്ചില്ല. കാർ കടന്നുപോയ ശേഷമാണ് കാട്ടാന കടന്നുപോയത്.
നാട്ടുകാർ ശ്വാസമടക്കിനിന്നാണ് രംഗം കണ്ടത്. കഴിഞ്ഞ ഏതാനും ദിവസമായി കാട്ടാനകൾ പകൽസമയത്തു ജനവാസമേഖലയിൽ ഇറങ്ങി ഭീതി പരത്തുകയാണ്.
Tags : Tourists trapped Vettilapara Elephant