പ​ര​വൂ​ർ: കേ​ര​ള​ത്തി​ലേ​ക്കു​ള്ള ദീ​ർ​ഘ​ദൂ​ര ട്രെ​യി​നു​ക​ളി​ൽ ആ​ധു​നി​ക​വും വൃ​ത്തി​യു​ള്ള​തു​മാ​യ കോ​ച്ചു​ക​ൾ വേ​ണ​മെ​ന്ന യാ​ത്ര​ക്കാ​രു​ടെ കാ​ല​ങ്ങ​ളാ​യു​ള്ള ആ​വ​ശ്യ​ത്തി​ന് പ​രി​ഹാ​ര​മാ​ക്കു​ന്നു.

ഏ​റ്റ​വും തി​ര​ക്കേ​റി​യ മം​ഗ​ളൂ​രു മെ​യി​ൽ, തി​രു​വ​ന​ന്ത​പു​രം സൂ​പ്പ​ർ ഫാ​സ്റ്റ്, ആ​ല​പ്പു​ഴ സൂ​പ്പ​ർ ഫാ​സ്റ്റ് അ​ട​ക്ക​മു​ള്ള ട്രെ​യി​നു​ക​ളി​ലെ പ​ഴ​യ ഐ​സി​എ​ഫ് കോ​ച്ചു​ക​ൾ പു​തി​യ എ​ൽ​എ​ച്ച്ബി കോ​ച്ചു​ക​ളാ​ക്കി മാ​റ്റു​ന്ന​തി​നു​ള്ള ഉ​ത്ത​ര​വ് ദ​ക്ഷി​ണ റെ​യി​ൽ​വേ പു​റ​ത്തി​റ​ക്കി. ഇ​തോ​ടെ കേ​ര​ള​ത്തി​ലേ​ക്കു​ള്ള പ്ര​ധാ​ന​പ്പെ​ട്ട ട്രെ​യി​നു​ക​ൾ പൂ​ർ​ണ​മാ​യും എ​ൽ​എ​ച്ച്ബി​യി​ലേ​ക്കു മാ​റും.

2026 ഫെ​ബ്രു​വ​രി മു​ത​ലാ​ണു കോ​ച്ചു​ക​ളി​ലെ മാ​റ്റം. മം​ഗ​ളൂ​രു സെ​ൻ​ട്ര​ൽ-​ചെ​ന്നൈ സെ​ൻ​ട്ര​ൽ വെ​സ്റ്റ് കോ​സ്റ്റ് (22638) ട്രെ​യി​ൻ ഫെ​ബ്രു​വ​രി ഒ​ന്നി​നും ചെ​ന്നൈ-​മം​ഗ​ളൂ​രു ട്രെ​യി​ൻ (22637) ഫെ​ബ്രു​വ​രി നാ​ലി​നും ആ​ണ് എ​ൽ​എ​ച്ച്ബി കോ​ച്ചു​ക​ളി​ലേ​ക്കു മാ​റു​ക.

മം​ഗ​ളൂ​രു-​ചെ​ന്നൈ മെ​യി​ൽ (12602) ഫെ​ബ്രു​വ​രി മൂ​ന്ന് മു​ത​ലും ചെ​ന്നൈ-​മം​ഗ​ളൂ​രു മെ​യി​ൽ (2601) നാ​ല് മു​ത​ലും എ​ൽ​എ​ച്ച്ബി​യി​ൽ ഓ​ടും. ചെ​ന്നൈ-​ആ​ല​പ്പി (ഫെ​ബ്രു​വ​രി ഒ​ന്ന്), ആ​ല​പ്പി-​ചെ​ന്നൈ (ഫെ​ബ്രു​വ​രി ര​ണ്ട്), ചെ​ന്നൈ-​തി​രു​വ​ന​ന്ത​പു​രം സൂ​പ്പ​ർ ഫാ​സ്റ്റ് (12695-ഫെ​ബ്രു​വ​രി മൂ​ന്ന്), തി​രു​വ​ന​ന്ത​പു​രം-​ചെ​ന്നൈ സൂ​പ്പ​ർ ഫാ​സ്റ്റ് (12696-ഫെ​ബ്രു​വ​രി നാ​ല്) ട്രെ​യി​നു​ക​ളും പു​തു​മോ​ടി​യി​ലാ​ണ് ഓ​ടു​ക.

‌പു​ത്ത​ൻ കോ​ച്ചു​ക​ൾ​ക്കൊ​പ്പം കോ​ച്ചു​ക​ളു​ടെ വി​ന്യാ​സ​ത്തി​ലും മാ​റ്റ​ങ്ങ​ളു​ണ്ടാ​കും. ചെ​ന്നൈ-​മം​ഗ​ളൂ​രു-​ചെ​ന്നൈ മെ​യി​ൽ, ചെ​ന്നൈ-​മം​ഗ​ളൂ​രു-​ചെ​ന്നൈ വെ​സ്റ്റ് കോ​സ്റ്റ് എ​ന്നീ ട്രെ​യി​നു​ക​ളി​ൽ ഒ​രു ഫ​സ്റ്റ് എ​സി, ഒ​രു സെ​ക്ക​ൻ‍​ഡ് എ​സി, അ​ഞ്ച് തേ​ഡ് എ​സി, ഒ​മ്പ​ത് സ്ലീ​പ്പ​ർ ക്ലാ​സ്, നാ​ല് ജ​ന​റ​ൽ സെ​ക്ക​ൻ​ഡ് ക്ലാ​സ് എ​ന്നീ കോ​ച്ചു​ക​ളു​ണ്ടാ​കും.

ചെ​ന്നൈ-​ആ​ല​പ്പി-​ചെ​ന്നൈ, ചെ​ന്നൈ-​തി​രു​വ​ന​ന്ത​പു​രം-​ചെ​ന്നൈ എ​ന്നീ ട്രെ​യി​നു​ക​ളി​ൽ ഒ​രു ഫ​സ്റ്റ് എ​സി, ഒ​രു സെ​ക്ക​ൻ‍​ഡ് എ​സി, മൂ​ന്ന് തേ​ഡ് എ​സി, ഒ​മ്പ​ത് സ്ലീ​പ്പ​ർ ക്ലാ​സ്, നാ​ല് ജ​ന​റ​ൽ സെ​ക്ക​ൻ​ഡ് ക്ലാ​സ് എ​ന്നി​വ​യാ​ണു കോ​ച്ചു​ക​ൾ.

ഈ ​ട്രെ​യി​നു​ക​ളി​ലെ പ​ഴ​യ കോ​ച്ചു​ക​ൾ മാ​റ്റ​ണ​മെ​ന്ന മ​ല​യാ​ളി​ക​ളു​ടെ​യും യാ​ത്ര​ക്കാ​രു​ടെ വി​വി​ധ സം​ഘ​ട​ന​ക​ളു​ടെ​യും ദീ​ർ​ഘ​കാ​ല ആ​വ​ശ്യ​ത്തി​നാ​ണ് ദ​ക്ഷി​ണ റെ​യി​ൽ​വേ അം​ഗീ​കാ​രം ന​ൽ​കി​യി​ട്ടു​ള്ള​ത്.

Tags : indian railway LHB coaches train