ആലപ്പുഴ: തദ്ദേശ തെരഞ്ഞെടുപ്പ് സര്ക്കാരിന്റെ വിലയിരുത്തലാകില്ലെന്ന് എസ്എൻഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. സ്വര്ണപ്പാളി വിവാദം തെരഞ്ഞെടുപ്പിനെ ബാധിക്കില്ലെന്നും സ്വര്ണപ്പാളിയുടെ പേരില് സര്ക്കാരിന്റെ ഇമേജ് നശിപ്പിക്കാന് ശ്രമിക്കുന്നത് ശരിയല്ലെന്നും വെള്ളാപ്പള്ളി പറഞ്ഞു. ജനങ്ങള് അരി ആഹാരം കഴിച്ച് ജീവിക്കുന്നവരാണെന്നും വെള്ളാപ്പള്ളി പറഞ്ഞു.
തദ്ദേശ തെരഞ്ഞെടുപ്പില് മത്സരിക്കാന് പിന്നാക്കക്കാര്ക്ക് പരിഗണനയും പരിരക്ഷയും ലഭിച്ചതില് സന്തോഷമുണ്ട്. നാമനിര്ദേശപത്രിക നല്കിയതില് കൂടുതലും പിന്നാക്കകാരാണ്. ഭരിക്കാന് മറ്റുള്ളവരും വോട്ട് ചെയ്യാന് പിന്നാക്കക്കാരും എന്ന അവസ്ഥ മാറിക്കൊണ്ടിരിക്കുകയാണെന്നും അദ്ദേഹം പറഞ്ഞു.
അരൂരിലെ ഗര്ഡര് അപകടത്തില് ശ്രദ്ധക്കുറവുണ്ടായി. ആരുടെയോ പിന്ബലം ഉള്ളത് കൊണ്ട് കരാറുകാരന് ധാര്ഷ്ഠ്യ സമീപനമാണ്. ടാക്സ് അടച്ച് ഓടുന്ന വാഹനങ്ങള്ക്ക് സുഖമായി യാത്ര ചെയ്യാന് പറ്റുന്നില്ലെന്നും വെള്ളാപ്പള്ളി ആരോപിച്ചു.
Tags : vellapally nadesan sndp general secretary sabarimala gold plate controversy state government local body election