കാ​ൽ​ക്ക​രു​ത്തി​ൽ കാ​റോ​ടി​ച്ച് ജി​ലു​മോ​ൾ
​
രണ്ടു കൈ​ക​ളു​മി​ല്ലാ​തെ കാ​റോ​ടി​ക്കു​ന്ന ജി​ലു​മോ​ൾ മേ​രി​യ​റ്റ് തോ​മ​സ് 2023 ഡി​സം​ബ​ർ ര​ണ്ടി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ കൈ​യി​ൽ​നി​ന്ന് ഡ്രൈ​വിം​ഗ് ലൈ​സ​ൻ​സ് സ്വ​ന്ത​മാ​ക്കി​യ​പ്പോ​ൾ അ​ത് ച​രി​ത്ര​മാ​യി. ഇ​ത്ത​ര​ത്തി​ൽ ലൈ​സ​ൻ​സ് നേ​ടു​ന്ന ആ​ദ്യ ഏ​ഷ്യ​ക്കാ​രി. ജ​നി​ച്ച​ത് കൈ​ക​ളി​ല്ലാ​തെ. ക​ഠി​ന​ശ്ര​മ​ത്താ​ൽ കാ​ലു​ക​ളെ ജി​ലു​മോ​ൾ കൈ​ക​ളാ​ക്കി മാ​റ്റി. ഡ്രൈ​വിം​ഗ് കാ​ലു​ക​ൾ​കൊ​ണ്ട്. കം​പ്യൂ​ട്ട​ർ കീ​ബോ​ർ​ഡും മൗ​സും കാ​ലു​ക​ൾ​കൊ​ണ്ട് ച​ലി​പ്പി​ച്ച് ഗ്രാ​ഫി​ക് ഡി​സൈ​നിം​ഗ് ഉ​ൾ​പ്പെ​ടെ ചെ​യ്യു​ന്നു. സ്മാ​ർ​ട്ട് ഫോ​ണ്‍ ഉ​പ​യോ​ഗി​ക്കാ​നും കാ​ലു​ക​ൾ ത​ന്നെ ആ​ശ്ര​യം.

ന​ല്ലൊ​രു ചി​ത്ര​കാ​രി​യും പ്ര​ഭാ​ഷ​ക​യും എ​ഴു​ത്തു​കാ​രി​യു​മാ​യ ജി​ലു​മോ​ൾ ഇ​പ്പോ​ൾ എ​റ​ണാ​കു​ള​ത്ത് ഫ്രീ​ലാ​ൻ​സ് ഗ്രാ​ഫി​ക് ഡി​സൈ​ന​റാ​യി ജോ​ലി ചെ​യ്യു​ന്നു. ഇ​ന്‍റ​ർനാ​ഷ​ണ​ൽ മൗ​ത്ത് ആ​ൻ​ഡ് ഫു​ട്ട് പെ​യി​ന്‍റിം​ഗ് അ​സോ​സി​യേ​ഷ​നി​ൽ അം​ഗ​ത്വ​മു​ള്ള ജി​ലു കേ​ര​ള​ത്തി​ലും പു​റ​ത്തും ചി​ത്ര​പ്ര​ദ​ർ​ശ​ന​ങ്ങ​ൾ ന​ട​ത്തി​യി​ട്ടു​ണ്ട്. തൊ​ടു​പു​ഴ ക​രി​മ​ണ്ണൂ​ർ നെ​ല്ലാ​നി​ക്കാ​ട്ട് എ​ൻ.​വി. തോ​മ​സി​ന്‍റെ​യും അ​ന്ന​ക്കു​ട്ടി​യു​ടെ​യും മ​ക​ളാ​ണ്. നാ​ല​ര വ​യ​സു​ള്ള​പ്പോ​ൾ അ​മ്മ മ​രി​ച്ചു. അ​ടു​ത്ത​യി​ടെ പി​താ​വും.

ച​ങ്ങ​നാ​ശേ​രി ചെ​ത്തി​പ്പു​ഴ​യി​ൽ എ​സ്ഡി സി​സ്റ്റേ​ഴ്സി​ന്‍റെ മേ​ഴ്സി ഹോ​മി​ലാ​ണ് പ​ഠി​ച്ച​തും വ​ള​ർ​ന്ന​തും. മേ​ഴ്സി ഹോ​മി​ലെ സി​സ്റ്റ​ർ​മാ​രു​ടെ സ്നേ​ഹ​വും സ​മ​ർ​പ്പ​ണ​വു​മാ​ണ് ജി​ലു​വി​ന്‍റെ ജീ​വി​തം. ഒ​ന്നാം ക്ലാ​സ് മു​ത​ൽ ബി​രു​ദം വ​രെ അ​വി​ടെ താ​മ​സി​ച്ച് പ​ഠി​ച്ച​ശേ​ഷം ച​ങ്ങ​നാ​ശേ​രി സെ​ന്‍റ് ജോ​സ​ഫ്സ് മീ​ഡി​യാ വി​ല്ലേ​ജി​ൽ​നി​ന്ന് ആ​നി​മേ​ഷ​ൻ ആ​ൻ​ഡ് ഗ്രാ​ഫി​ക് ഡി​സൈ​നിം​ഗി​ൽ ബി​രു​ദ​മെ​ടു​ത്തു. തു​ട​ർ​ന്ന് വി​വി​ധ സ്ഥാ​പ​ന​ങ്ങ​ളി​ൽ ജോ​ലി ചെ​യ്തു.

മ​റ്റേ​തു ഡി​സൈ​ന​ർ​മാ​രെയും പോ​ലെ മാ​ഗ​സി​നു​ക​ളും ബ്രോ​ഷ​റു​ക​ളും മ​നോ​ഹ​ര​മാ​യി ജി​ലു രൂ​പ​ക​ൽ​പ​ന ചെ​യ്യു​ന്നു. വി​ദേ​ശ​ത്തു​ൾ​പ്പെ​ടെ മോ​ട്ടി​വേ​ഷ​ൻ പ്ര​സം​ഗ​ങ്ങ​ൾ​ക്കു ജി​ലു​മോ​ളെ വി​ളി​ക്കാ​റു​ണ്ട്. എ​ല്ലാ വേ​ദി​ക​ളി​ലും സ്വ​ന്തം ജീ​വി​ത​മാ​ണ് സ​ന്ദേ​ശം. ആ ​വാ​ക്കു​ക​ൾ കേ​ട്ട് ആ​ത്മ​ഹ​ത്യ​യി​ൽനി​ന്ന് പി​ൻ​മാ​റി​യ​വ​രു​ണ്ട്. പ്ര​ചോ​ദി​ത​രാ​യി ജീ​വി​ത​വി​ജ​യം നേ​ടി​യ​വ​രു​ണ്ട്.

കാ​റോ​ടി​ക്ക​ണം എ​ന്ന​താ​യി​രു​ന്നു വ​ലി​യ സ്വ​പ്നം. 2018ൽ ​നി​യ​മപോ​രാ​ട്ടം ആ​രം​ഭി​ച്ചു. ആ​റ് വ​ർ​ഷ​ത്തെ ക​ഠി​നശ്ര​മ​ത്തി​ലൂ​ടെ​യാ​ണ് ഡ്രൈ​വിം​ഗ് കാ​ൽ​വ​രു​തി​യി​ലാ​ക്കി​യ​ത്. കാ​റി​ൽ രൂ​പ​മാ​റ്റം വ​രു​ത്താ​ൻ മോ​ട്ടോ​ർ വാ​ഹ​ന വ​കു​പ്പ് അ​നു​മ​തി​യും ല​ഭി​ച്ചു. പ​ക്ഷേ, നി​യ​മം വീ​ണ്ടും വി​ല്ല​നാ​യി. ഒ​ടു​വി​ൽ സം​സ്ഥാ​ന ഭി​ന്ന​ശേ​ഷി ക​മ്മീ​ഷ​ൻ ഇ​ട​പെ​ട്ടാ​ണ് സ്വ​പ്നം യാ​ഥാ​ർ​ഥ്യ​മാ​ക്കി​യ​ത്. കാ​റി​ൽ കാ​ലു​ക​ൾ ഉ​പ​യോ​ഗി​ച്ച് ഡ്രൈ​വ് ചെ​യ്യാ​ൻ ക​ഴി​യു​ന്ന​വി​ധം വോ​യ്സ് ക​ണ്‍​ട്രോ​ൾ സം​വി​ധാ​നം ഉ​ൾ​പ്പെ​ടെ സ​ജ്ജ​മാ​ക്കി. ഇ​ൻ​ഡി​ക്കേ​റ്റ​റും വൈ​പ്പ​റും വാ​തി​ലു​മൊ​ക്കെ ശ​ബ്‌​ദ​ത്തി​ലൂ​ടെ നി​യ​ന്ത്രി​ക്കു​ന്ന സം​വി​ധാ​ന​മാ​ണ് കാ​റി​ലു​ള്ള​ത്.

ഫോ​ണ്‍: 7736216498.

കും​ഭാ​മ്മ എ​ന്ന വി​സ്മ​യ​പ്പോ​രാ​ളി

വെ​ള്ള​മു​ണ്ട​യി​ലെ കു​റി​ച്യ​രി​ൽ ഒ​രാ​ളാ​യ കും​ഭാ​മ്മ വ​യ​നാ​ട്ടി​ലെ ജൈ​വക​ർ​ഷ​ക​ർ​ക്കി​ട​യി​ലെ പോ​രാ​ളി​യാ​ണ്. മൂ​ന്നാം വ​യ​സി​ൽ പോ​ളി​യോ ബാ​ധി​ച്ച് അ​ര​യ്ക്കു താ​ഴേ​ക്കു ത​ള​ർ​ന്ന കും​ഭാ​മ്മ പി​ൽ​ക്കാ​ല​ത്ത് പ​ട​വെ​ട്ടി​യ​ത് സ്ത​നാ​ർ​ബു​ദ​ത്തോ​ടാ​ണ്. രാ​സ​വ​ള​മോ കീ​ട​നാ​ശി​നി​യോ ഉ​പ​യോ​ഗി​ക്കാ​തെ ജൈ​വി​കരീ​തി​യി​ൽ കൃ​ഷി ചെ​യ്യു​ന്ന മം​ഗ​ല​ശേ​രി ക​രു​വ​ണ​ശേ​രി കോ​ള​നി​യി​ലെ കൊ​ല്ലി​യി​ൽ കും​ഭാ​മ്മ എ​ല്ലാ മ​നു​ഷ്യ​ർ​ക്കും മാ​തൃ​ക​യും പ്ര​ചോ​ദ​ന​വു​മാ​ണ്.

പ​തി​ന​ഞ്ചാം വ​യ​സി​ൽ അ​ച്ഛ​നൊ​പ്പം കൃ​ഷി​യി​ട​ത്തി​ലി​റ​ങ്ങി​യ​താ​ണ്. അ​ച്ഛ​ന്‍റെ മ​ര​ണ​ശേ​ഷം ജീ​വി​ത​വും വ​രു​മാ​ന​വും കൃ​ഷി മാ​ത്ര​മാ​യി. പ​തി​ന​ഞ്ച് സെ​ന്‍റ് മ​ണ്ണി​ൽ വാ​ഴ, ചേ​ന്പ്, ചേ​ന, ഇ​ഞ്ചി, മ​ഞ്ഞ​ൾ, വി​വി​ധ പ​ച്ച​ക്ക​റി​ക​ൾ എ​ന്നി​വ​യെ​ല്ലാം കൃ​ഷി ചെ​യ്യു​ന്നു​ണ്ട്. മു​മ്പ് കോ​ഴി, ആ​ട്, പ​ശു എ​ന്നി​വ​യെ​യും വ​ള​ർ​ത്തി​യി​രു​ന്നു. കു​ട്ട നെ​യ്യാ​നും അ​റി​യാം. ഇ​രു​ച​ക്ര​വാ​ഹ​നം പോ​ലു​മെ​ത്താ​ത്ത വ​ന​ഗ്രാ​മ​ത്തി​ലാ​ണ് ഈ ​അ​തി​ജീ​വ​ന പോ​രാ​ട്ടം.

സ്കൂ​ളി​ൽ പോ​കാ​ൻ സാ​ധി​ച്ചി​ല്ല. നി​ര​ങ്ങി​പ്പോ​യി കി​ണ​റ്റി​ൽനി​ന്നു വെ​ള്ളം കോ​രി കൊ​ണ്ടുവ​ര​ണം. ഒ​രു കൈ ​നി​ല​ത്തു​ കു​ത്തും. മ​റ്റേ കൈ‍​യി​ൽ തൂ​ന്പ പി​ടി​ച്ച് ആ​ഞ്ഞുകി​ള​യ്ക്കും. കാ​ട്ടി​ൽ പോ​യി വി​റ​കു ശേ​ഖ​രി​ച്ചു വ​രും. വ​ള​രെ വൈ​കി​യാ​യി​രു​ന്നു വി​വാ​ഹം. ഹൃ​ദ​യ​വാ​ൽ​വി​ന് അ​സു​ഖ​മു​ണ്ടാ​യി​രു​ന്ന ഭ​ർ​ത്താ​വ് കു​ങ്ക​ന്‍റെ പ​രിച​ര​ണ​വും ഏ​റ്റെ​ടു​ത്തു.

പ​തി​ന​ഞ്ച് വ​ർ​ഷം മു​മ്പ് ഭ​ർ​ത്താ​വ് മ​രി​ച്ചു. ജീ​വി​തം അ​ധ്വാ​ന​മാ​ക്കി​യ കും​ഭാ​മ്മ​യെ ര​ണ്ടു ത​വ​ണ കാ​ൻ​സ​ർ ബാ​ധി​ച്ചു. അ​തും അ​തി​ജീ​വി​ച്ചു. ര​ണ്ട് ശ​സ്ത്ര​ക്രി​യ​ക​ൾ വേ​ണ്ടി​വ​ന്നു. അ​ടു​ത്ത​യി​ടെ വ​ല​തു​വ​ശം ത​ള​ർ​ന്ന​തോ​ടെ കൈ​ക​ൾ ച​ലി​പ്പി​ക്കാ​ൻ ക​ഴി​യാ​തെ​യാ​യി. ഫി​സി​യോ​തെ​റാ​പ്പി ചെ​യ്യു​ന്നു​ണ്ട്. കൈക്ക് ബ​ലം വ​ന്നാ​ൽ വീ​ണ്ടും കൃ​ഷി​യി​ലേ​ക്കി​റ​ങ്ങാ​ൻ​ത​ന്നെ കൊ​തി. സം​സ്ഥാ​ന ക​ർ​ഷ​ക അ​വാ​ർ​ഡ്, സം​സ്ഥാ​ന ജൈ​വ​വൈ​വി​ധ്യ അ​വാ​ർ​ഡ് തു​ട​ങ്ങി ഒ​ട്ടേ​റെ പു​ര​സ്കാ​ര​ങ്ങ​ളാ​ണ് കും​ഭാ​മ്മ​യു​ടെ കൊ​ച്ചു​വീ​ടി​നെ അ​ല​ങ്ക​രി​ക്കു​ന്ന​ത്.

‘ഗീ​ത’യി​ലുണ്ട്, മ​ഞ്ഞ​ൾ​പ്ര​സാ​ദം

ക​ണ്ണു​ക​ളി​ൽ നേ​രി​യ പ്ര​കാ​ശം പോ​ലു​മി​ല്ലെ​ങ്കി​ലും ഗീ​ത സ​ലേ​ഷി​ന്‍റെ ജീ​വി​ത​വ​ഴി​യി​ൽ ഇ​രു​ളി​ല്ല. മ​ഞ്ഞ​ളി​ന്‍റെ ഔ​ഷ​ധ​ഗു​ണം കു​ർ​ക്കു​മീ​ൽ എ​ന്ന ഉ​ത്​പ​ന്ന​ത്തി​ലൂ​ടെ വി​പ​ണി​യി​ലെ​ത്തി​ച്ചു നേ​ട്ടം കൊ​യ്യു​ക​യാ​ണ് ഗീ​ത​യെ​ന്ന സം​രം​ഭ​ക. മ​ഞ്ഞ​ളി​ന്‍റെ വി​പ​ണിസാ​ധ്യ​ത തെ​ളി​യി​ച്ചി​രി​ക്കു​ന്നു ഗീ​താ​സ് ഹോം ​ടു ഹോം. ​കാ​ൻ​സ​ർ ചി​കി​ത്സ​യ്ക്കു​വ​രെ ഉ​പ​യോ​ഗി​ക്കു​ന്ന മ​ഞ്ഞ​ളി​ലെ കു​ർ​ക്കു​മി​നാ​ണ് ഗീ​ത കു​ർ​ക്കു​മീ​ലി​ൽ ഉ​ൾ​പ്പെ​ടു​ത്തി​യ​ത്.

തൃ​ശൂ​ർ അ​മ​ല​ന​ഗ​റി​ലെ വീ​ട്ടു​വ​ള​പ്പി​ൽ കൃ​ഷി ചെ​യ്ത മ​ഞ്ഞ​ളി​ൽ​നി​ന്നാ​ണ് കു​ർ​ക്കു​മീ​ൽ ആ​ദ്യം ത​യാ​റാ​ക്കി​യ​ത്. ഇ​പ്പോ​ൾ തൃ​ശൂ​രി​ലും പ​ത്ത​നം​തി​ട്ട​യി​ലും അ​ൻ​പ​തി​ലേ​റെ ക​ർ​ഷ​ക​രെ ഉ​ൾ​പ്പെ​ടു​ത്തി​യ മ​ഞ്ഞ​ൾകൃ​ഷി കൂ​ട്ടാ​യ്മ​യാ​യി. കേ​ന്ദ്ര മ​ഞ്ഞ​ൾ ബോ​ർ​ഡി​ന്‍റെ സ​ഹ​ക​ര​ണ​ത്തോ​ടെ തെ​ലു​ങ്കാ​ന​യി​ലെ നി​സാ​മാ​ബാ​ദി​ൽ 500 ഏ​ക്ക​റി​ൽ ഗീ​ത​യു​ടെ മ​ഞ്ഞ​ൾ​തോ​ട്ടം വി​ള​വെ​ടു​ക്കാ​റാ​യി​രി​ക്കു​ന്നു. ഒ​രു ദി​വ​സം​പോ​ലും മ​ഞ്ഞ​ളി​ന് ക്ഷാ​മം വ​രാ​തി​രി​ക്കാ​നാ​ണ് തെ​ലു​ങ്കാ​ന​യി​ലേ​ക്കും ക​ട​ന്നു​ചെ​ന്ന​ത്.

തൃ​ശൂ​ർ അ​മ​ല ന​ഗ​റി​ലെ ഫാ​ക്‌​ട​റി​യി​ലാ​ണ് ഇ​പ്പോ​ൾ നി​ർ​മാ​ണം. ക​ഴി​ക്കു​ന്പോ​ൾ മ​ഞ്ഞ​ളി​ന്‍റെ കു​ത്ത​ൽ ഒ​ഴി​വാ​ക്കാ​ൻ ഈ​ന്ത​പ്പ​ഴം, തേ​ങ്ങാ​പ്പാ​ൽ, കു​രു​മു​ള​ക്, ബ​ദാം, ശ​ർ​ക്ക​ര എ​ന്നി​വകൂ​ടി ചേ​ർ​ക്കു​ന്നു. 500 ഗ്രാം ​ബോ​ട്ടി​ലു​ക​ളി​ൽ എ​ത്തു​ന്ന കു​ർ​ക്കു​മീ​ൽ പാ​ലി​ൽ ചേ​ർ​ത്ത് എ​ല്ലാ പ്രാ​യ​ക്കാ​ർ​ക്കും ക​ഴി​ക്കാ​വു​ന്ന സൂ​പ്പ​ർ സ​പ്ലി​മെ​ന്‍റ​റി ഫു​ഡാ​ണെ​ന്ന് ഗീ​ത പ​റ​യു​ന്നു. 80 ട​ണ്‍ മ​ഞ്ഞ​ളി​ന്‍റെ വി​ള​വെ​ടു​പ്പാ​ണ് ഇ​ക്കൊ​ല്ലം പ്ര​തീ​ക്ഷി​ക്കു​ന്ന​ത്. സു​ഗ​ന്ധ​ദ്ര​വ്യ​ങ്ങ​ൾ ചേ​ർ​ത്ത മ​ഞ്ഞ​ൾ ഫ​സ്റ്റ് ഡ്രി​ങ്കും മാ​യ​മി​ല്ലാ​ത്ത മ​ഞ്ഞ​ൾ​പ്പൊ​ടി​യും വി​റ്റു​വ​രു​ന്നു. മ​ഞ്ഞ​പ്പൊ​ടി​യ​ല്ല മ​ഞ്ഞ​ൾ​പ്പൊ​ടി​യാ​ണ് താൻ വി​ൽ​ക്കു​ന്ന​തെ​ന്ന് ഗീ​ത പ​റ​യും.

ക​ർ​ഷ​ക​രി​ൽനി​ന്ന് കി​ലോ​യ്ക്ക് 35 രൂ​പ നി​ര​ക്കി​ലാ​ണ് പ​ച്ച​മ​ഞ്ഞ​ൾ വാ​ങ്ങു​ന്ന​ത്. ക​ർ​ഷ​ക​ർ​ക്ക് കൂ​ടു​ത​ൽ നേ​ട്ടം ല​ഭി​ക്കാ​ൻ ക​സ്തൂ​രി​മ​ഞ്ഞ​ൾ കൃ​ഷി പ്രോ​ത്സാ​ഹി​പ്പി​ക്കു​ക​യാ​ണ്. അ​ട്ട​പ്പാ​ടി​യി​ൽനി​ന്ന് 120 രൂ​പ നി​ര​ക്കി​ൽ പ​ച്ച ക​സ്തൂ​രി​മ​ഞ്ഞ​ളും 900 രൂ​പ നി​ര​ക്കി​ൽ ഉ​ണ​ങ്ങി​യ​തും സം​ഭ​രി​ക്കു​ന്നു.
പാ​ല​ക്കാ​ട് പ​ന​മ​ണ്ണ​യ്ക്ക​ടു​ത്ത് കു​റ്റി​പ്പാ​ല​യി​ൽ ഉ​ണ്ണി​ക്കൃ​ഷ്ണ​ന്‍റെ​യും രാ​ധ​യു​ടെ​യും മൂ​ന്നു മ​ക്ക​ളി​ൽ മൂ​ത്ത​യാ​ളാ​ണ് ഗീ​ത. എ​ട്ടാം ക്ലാ​സു​വ​രെ കാ​ഴ്ച​ശ​ക്തി​യു​ണ്ടാ​യി​രു​ന്നു. അ​പ്ര​തീ​ക്ഷി​ത​മാ​യു​ണ്ടാ​യ രോ​ഗം കാ​ഴ്ച ക​വ​ർ​ന്നു.

കാ​ഴ്ച ന​ഷ്‌​ട​പ്പെ​ട്ട​ശേ​ഷമാണ് എ​സ്എ​സ്എ​ൽ​സി പ​രീ​ക്ഷ പാ​സാ​യത്. അ​ധ്വാ​നി​ച്ച് ബ്രെ​യ്‌ലി ലി​പി പ​ഠി​ച്ചെ​ടു​ത്തു. പ്ല​സ് ടു ​പാ​സാ​യ​ശേ​ഷം തൃ​ശൂ​ർ കേ​ര​ള​വ​ർ​മ കോ​ള​ജി​ൽ പൊ​ളി​റ്റി​ക്ക​ൽ സ​യ​ൻ​സി​ൽ ബി​രു​ദ​ത്തി​നു ചേ​ർ​ന്നു. കോ​ള​ജ് പ​ഠ​നകാ​ല​ത്ത് കാ​ന്പ​സി​ൽനി​ന്ന് ജീ​വി​ത​ത്തി​ലേ​ക്ക് ക​ട​ന്നു​വ​ന്ന സ​ലേ​ഷി​ന്‍റെ പി​ന്തു​ണ​യോ​ടെ​യാ​ണ് കു​ർ​ക്കു​മീ​ൽ വി​പ​ണി​യി​ലെ​ത്തി​ച്ച​ത്. ബ്രെ​യ്‌ലി വ​ശ​മാ​ക്കി​യ​തി​നാ​ൽ കം​പ്യൂ​ട്ട​റും പ്ര​ത്യേ​ക ആ​പ്പി​ലൂ​ടെ മൊ​ബൈ​ലും കൈ​കാ​ര്യം ചെ​യ്യാ​നാ​കും. ഓ​ണ്‍​ലൈ​ൻ ബു​ക്കിം​ഗും പ​ണ​മി​ട​പാ​ടു​ക​ളും ഗീ​ത ഈ​സി​യാ​യി കൈ​കാ​ര്യം ചെ​യ്യു​ന്നു. മ​ക്ക​ളാ​യ ഗ​സ​ൽ, ഗ​യ എ​ന്നി​വ​രുണ്ട്, ക​രു​ത​ലാ​യി ഒ​പ്പം.

ഫോ​ണ്‍: 9946418035.

(തു​ട​രും)

Tags : Jilumol Kumbhama Geetha amazing achievements