ല​ക്നോ: യൂ​ട്യൂ​ബ് നോ​ക്കി ശ​സ്ത്ര​ക്രി​യ ന​ട​ത്തി​യ​തി​നെ തു​ട​ര്‍​ന്ന് യു​വ​തി മ​രി​ച്ചു. ഉ​ത്ത​ർ​പ്ര​ദേ​ശി​ലെ ബാ​രാ​ബ​ങ്കി​യി​ലാ​ണ് സം​ഭ​വം.

തേ​ബ​ഹ​ദൂ​ർ റാ​വ​ത്തി​ന്‍റെ ഭാ​ര്യ​യാ​യ മു​നി​ഷ്ര റാ​വ​ത്ത് ആ​ണ് മ​രി​ച്ച​ത്. അ​ന​ധി​കൃ​ത​മാ​യി പ്ര​വ​ർ​ത്തി​ച്ചി​രു​ന്ന ക്ലി​നി​ക്കി​ലെ ഉ​ട​മ​യും മ​രു​മ​ക​നും ചേ​ർ​ന്നാ​ണ് യു​വ​തി​ക്ക് ശ​സ്ത്ര​ക്രി​യ ന​ട​ത്തി​യ​ത്.

മ​തി​യാ​യ അം​ഗീ​കാ​ര​മി​ല്ലാ​തെ​യാ​ണ് ഇ​രു​വ​രും ക്ലി​നി​ക്ക് ന​ട​ത്തി​യി​രു​ന്ന​തെ​ന്ന് പോ​ലീ​സ് അ​റി​യി​ച്ചു. മു​നി​ഷ്ര റാ​വ​ത്തി​ന് മൂ​ത്ര​ത്തി​ൽ ക​ല്ലു​മാ​യി ബ​ന്ധ​പ്പെ​ട്ട അ​സു​ഖ​മു​ണ്ടാ​യി​രു​ന്നു.

ഡി​സം​ബ​ർ അ​ഞ്ചി​ന് ഭ​ർ​ത്താ​വ് ഇ​വ​രെ കോ​ത്തി​യി​ലു​ള്ള ശ്രീ ​ദാ​മോ​ദ​ർ ഔ​ഷ​ധാ​ല​യ​ത്തി​ൽ എ​ത്തി​ച്ചു. വ​യ​റു​വേ​ദ​ന​യ്ക്ക് കാ​ര​ണം ക​ല്ലു​ക​ളാ​ണെ​ന്ന് പ​റ​ഞ്ഞ ക്ലി​നി​ക്ക് ഓ​പ്പ​റേ​റ്റ​ർ ഗ്യാ​ൻ പ്ര​കാ​ശ് മി​ശ്ര ശ​സ്ത്ര​ക്രി​യ നി​ർ​ദ്ദേ​ശി​ക്കു​ക​യും, ഇ​തി​ന് 25,000 രൂ​പ ചെ​ല​വ് വ​രു​മെ​ന്ന് അ​റി​യി​ക്കു​ക​യും ചെ​യ്തു. ശ​സ്ത്ര​ക്രി​യ​ക്ക് മു​മ്പ് ഭ​ർ​ത്താ​വ് 20,000 രൂ​പ ന​ൽ​കി.

മി​ശ്ര മ​ദ്യ​ല​ഹ​രി​യി​ലാ​യി​രു​ന്നെ​ന്നും യൂ​ട്യൂ​ബ് വീ​ഡി​യോ ട്യൂ​ട്ടോ​റി​യ​ൽ ക​ണ്ട ശേ​ഷ​മാ​ണ് ശ​സ്ത്ര​ക്രി​യ ആ​രം​ഭി​ച്ച​തെ​ന്നും ഭ​ർ​ത്താ​വ് ന​ൽ​കി​യ പ​രാ​തി​യി​ൽ പ​റ​യു​ന്നു. മി​ശ്ര ത​ന്‍റെ ഭാ​ര്യ​യു​ടെ വ​യ​റ്റി​ൽ ആ​ഴ​ത്തി​ൽ മു​റി​വു​ണ്ടാ​ക്കു​ക​യും, നി​ര​വ​ധി ഞ​ര​മ്പു​ക​ൾ മു​റി​ക്കു​ക​യും ചെ​യ്തു. തു​ട​ർ​ന്ന് ഡി​സം​ബ​ർ ആ​റി​ന് വൈ​കു​ന്നേ​ര​ത്തോ​ടെ യു​വ​തി മ​ര​ണ​ത്തി​ന് കീ​ഴ​ട​ങ്ങി എ​ന്നും അ​ദ്ദേ​ഹം ആ​രോ​പി​ച്ചു.

ശ​സ്ത്ര​ക്രി​യ ന​ട​ത്തു​മ്പോ​ൾ മി​ശ്ര​യു​ടെ മ​രു​മ​ക​ൻ വി​വേ​ക് കു​മാ​ർ മി​ശ്ര സ​ഹാ​യി​യാ​യി ഉ​ണ്ടാ​യി​രു​ന്നു. വി​വേ​ക് കു​മാ​ർ മി​ശ്ര റാ​യ്ബ​റേ​ലി​യി​ലെ ഒ​രു ആ​യു​ർ​വേ​ദ ആ​ശു​പ​ത്രി​യി​ലെ ജീ​വ​ന​ക്കാ​ര​നാ​ണെ​ന്നും, ഈ ​സ​ർ​ക്കാ​ർ ജോ​ലി​യു​ടെ മ​റ​വി​ൽ അ​ന​ധി​കൃ​ത ക്ലി​നി​ക്ക് വ​ർ​ഷ​ങ്ങ​ളാ​യി പ്ര​വ​ർ​ത്തി​ച്ചി​രു​ന്ന​താ​യും പോ​ലീ​സ് പ​റ​ഞ്ഞു. ഇ​രു​വ​ർ​ക്കു​മെ​തി​രെ കേ​സ് എ​ടു​ത്ത പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

Tags : operation youtube Drunk death lady case