പനാജി: 25 പേരുടെ മരണത്തിനിടയാക്കിയ തീപിടിത്തമുണ്ടായ ഗോവയിലെ ബിർച്ച് ബൈ റോമിയോ ലെയ്ൻ നിശാക്ലബ്ബിന്റെ ഉടമകളായ ലുത്ര സഹോദരന്മാരെ അഞ്ചു ദിവസം പോലീസ് കസ്റ്റഡിയിൽ വിട്ടു.
ഗോവയിൽ എത്തിച്ച ഇരുവരെയും വൈദ്യപരിശോധനയ്ക്ക് വിധേയരാക്കിയിരുന്നു. തായ്ലൻഡ് നാടുകടത്തിയ ഇവരെ ഡൽഹിയിൽനിന്നും ഇന്നലെ രാവിലെയാണ് ഗോവയിൽ എത്തിച്ചത്.
ഇൻഡിഗോ വിമാനത്തിൽ ചൊവ്വാഴ്ച ഡൽഹിയിലെത്തിയ ഇവരെ പോലീസ് ഉടനെ അറസ്റ്റ് ചെയ്യുകയായിരുന്നു. നോർത്ത് ഗോവയിലെ മനോഹർ അന്താരാഷ്ട്ര വിമാനത്താവളത്തിൽ രാവിലെ 10.45നാണ് ഗോവ പോലീസ് സംഘം സഹോദരന്മാരുമായി വന്നിറങ്ങിയത്.
നിശാക്ലബിന്റെ അഞ്ച് മാനേജർമാരും സ്റ്റാഫ് അംഗങ്ങളും ഗോവ പോലീസിന്റെ പിടിയിലാണ്.
Tags : Goa nightclub fire fire Luthra brothers police