പു​തു​ച്ചേ​രി: പു​തു​ച്ചേ​രി​യി​ൽ ത​മി​ഴ​ക വെ​ട്രി ക​ഴ​കം പാ​ര്‍​ട്ടി​യു​ടെ പ​രി​പാ​ടി​ക്കി​ടെ പാ​ർ​ട്ടി നേ​താ​വി​ന്‍റെ കൈ​യി​ൽ​നി​ന്ന് മൈ​ക്ക് പി​ടി​ച്ചു​വാ​ങ്ങി ഐ​പി​എ​സ് ഉ​ദ്യോ​ഗ​സ്ഥ. ടി​വ​കെ​യു​ടെ റാ​ലി ആ​രം​ഭി​ച്ച​തോ​ടെ നേ​താ​വ് ബ​സി ആ​ന​ന്ദ് സം​സാ​രി​ക്കാ​ൻ മു​ന്നോ​ട്ട് വ​ന്ന്, 'സ്ഥ​ല​മു​ണ്ട്, അ​ക​ത്തേ​ക്ക് വ​രൂ' എ​ന്ന് പ​റ​ഞ്ഞ് ആ​ളു​ക​ളെ ക്ഷ​ണി​പ്പോ​ഴാ​ണ് ഐ​പി​എ​സ് ഉ​ദ്യോ​ഗ​സ്ഥ മൈ​ക്ക് പി​ടി​ച്ചു​വാ​ങ്ങി​യ​ത്.

ഐ​പി​എ​സ് ഉ​ദ്യോ​ഗ​സ്ഥ ഇ​ഷാ സിം​ഗ് അ​ദ്ദേ​ഹ​ത്തി​ന്‍റെ കൈ​യി​ൽ നി​ന്ന് മൈ​ക്ക് പി​ടി​ച്ചു​വാ​ങ്ങി പ്ര​സം​ഗം ത​ട​ഞ്ഞു. 40 പേ​ർ മ​രി​ച്ചു എ​ന്ന് അ​വ​ർ പ​റ​യു​ക​യും അ​നു​വ​ദി​ച്ച​തി​ലും അ​ധി​കം ആ​ളു​ക​ളെ പ്ര​വേ​ശി​പ്പി​ക്കാ​ൻ ക​ഴി​യി​ല്ലെ​ന്ന് ക​ർ​ശ​ന​മാ​യി അ​റി​യി​ക്കു​ക​യു​മാ​യി​രു​ന്നു.

പു​തു​ച്ചേ​രി​യി​ലെ റാ​ലി​ക്ക് ക​ർ​ശ​ന​മാ​യ വ്യ​വ​സ്ഥ​ക​ളാ​ണു​ണ്ടാ​യി​രു​ന്ന​ത്. അ​ധി​കൃ​ത​ർ റോ​ഡ് ഷോ​യ്ക്ക് അ​നു​മ​തി നി​ഷേ​ധി​ക്കു​ക​യും ആ​ൾ​ക്കൂ​ട്ട​ത്തി​ന്‍റെ എ​ണ്ണം പ​രി​മി​ത​പ്പെ​ടു​ത്തു​ക​യും തി​ക്കും തി​ര​ക്കും ഒ​ഴി​വാ​ക്കാ​ൻ ക്യൂ ​ആ​ർ കോ​ഡ് അ​ടി​സ്ഥാ​ന​മാ​ക്കി​യു​ള്ള പ്ര​വേ​ശ​ന​വും നി​ർ​ബ​ന്ധ​മാ​ക്കി​യി​രു​ന്നു.

പു​തു​ച്ചേ​രി​യി​ലെ ഉ​പ്പ​ളം എ​ക്‌​സ്‌​പോ ഗ്രൗ​ണ്ടി​ൽ ന​ട​ന്ന റാ​ലി​ക്ക് 5,000 പേ​ർ​ക്ക് മാ​ത്ര​മാ​ണ് പ്ര​വേ​ശ​നം അ​നു​വ​ദി​ച്ചി​രു​ന്ന​ത്. സു​ര​ക്ഷാ ഭീ​ഷ​ണി വ​ർ​ധി​പ്പി​ച്ചു റാ​ലി വേ​ദി​യി​ലേ​ക്ക് പ്ര​വേ​ശി​ക്കാ​ൻ ശ്ര​മി​ച്ച ഒ​രാ​ളെ തോ​ക്കു​മാ​യി പോ​ലീ​സ് ക​സ്റ്റ​ഡി​യി​ലെ​ടു​ത്തു. ക​രൂ​ർ ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ൽ ഇ​ഷാ സിം​ഗ് ഉ​ൾ​പ്പെ​ടെ​യു​ള്ള പോ​ലീ​സ് ഉ​ദ്യോ​ഗ​സ്ഥ​ർ റാ​ലി​യി​ൽ ക​ർ​ശ​ന​മാ​യ നി​യ​ന്ത്ര​ണ​ങ്ങ​ളാ​ണ് ഏ​ർ​പ്പെ​ടു​ത്തി​യ​ത്.

Tags : IPS officer snatches microphone hand