ന്യൂഡൽഹി: വോട്ടര് പട്ടിക തീവ്ര പരിഷ്കരണം (എസ്ഐആര്) ചര്ച്ച ചെയ്യാന് കോണ്ഗ്രസ് വിളിച്ച യോഗം ഇന്ന് ഡല്ഹിയില് ചേരും. രാവിലെ 10.30ന് ഇന്ദിരാഭവനിലാണ് യോഗം.
പിസിസി അധ്യക്ഷന്മാരും, നിയമസഭാ കക്ഷി നേതാക്കളും, സംസ്ഥാനങ്ങളുടെ ചുമതലയുള്ള നേതാക്കള് എന്നിവരാണ് യോഗത്തിനെത്തുക. കേരളം ഉള്പ്പെടെ ഒമ്പതു സംസ്ഥാനങ്ങളിലെയും മൂന്നു കേന്ദ്രഭരണ പ്രദേശങ്ങളിലെയും നേതാക്കള് യോഗത്തില് പങ്കെടുക്കും. എസ്ഐആറുമായി ബന്ധപ്പെട്ട് ഉയരുന്ന ആശങ്കകള് ചര്ച്ച ചെയ്യാനാണ് യോഗം.
വോട്ട് കൊള്ളയും എസ്ഐആറിലെ ക്രമക്കേടുകളും ചര്ച്ച ചെയ്യുന്നതിനൊപ്പം എസ്ഐആറിനെതിരായ തുടര് പ്രതിഷേധ പരിപാടികള്ക്കും യോഗം രൂപം നല്കും.
Tags : SIR Election Commission Voters List Congress