ബംഗളൂരു: വിജയ് ഹസാരെ ട്രോഫിയിൽ വിദർഭ-സൗരാഷ്ട്ര ഫൈനൽ. ഇന്ന് നടന്ന രണ്ടാം സെമിൽ പഞ്ചാബിനെ ഒൻപത് വിക്കറ്റിനു കീഴടക്കിയാണ് സൗരാഷ്ട്ര ഫൈനലിൽ കടന്നത്. ആദ്യ സെമിയിൽ കർണാടകയെ തോൽപ്പിച്ചാണ് വിദർഭ ഫൈനലിൽ എത്തിയത്. ഞായറാഴ്ചയാണ് കലാശപ്പോര്.

പഞ്ചാബ് ഉയർത്തിയ 292 റണ്‍സ് വിജയലക്ഷ്യം 39.3 ഓവറിൽ സൗരാഷ്ട്ര മറികടന്നു. വിശ്വരാജ് ജഡേജയുടെ തകർപ്പൻ പ്രകടനമാണ് സൗരാഷ്ട്രയെ വിജയത്തിലെത്തിച്ചത്. 127 പന്തിൽ 165 റണ്‍സാണ് ജഡേജ അടിച്ചു കൂട്ടിയത്. മൂന്ന് സിക്സും 18 ബൗ​ണ്ട​റി​യും ഉൾപ്പെടുന്നതായിരുന്നു ജഡേജയുടെ ഇന്നിംഗ്സ്.

പ്രേരക് മങ്കാദ് 49 പന്തിൽ 52 റണ്‍സെടുത്തു. ഹാർവിക് ദേശായി 63 പന്തിൽ 64 റണ്‍സും നേടി. ഹാർവിക് ദേശായുടെ വിക്കറ്റാണ് സൗരാഷ്ട്രയ്ക്ക് നഷ്ടമായത്. ഗുർണൂർ ബ്രാറാണ് ഏക വിക്കറ്റ് നേടിയത്.

ആ​ദ്യം ബാ​റ്റ് ചെ​യ്ത പ​ഞ്ചാ​ബ് 50 ഓ​വ​റി​ൽ 291 റ​ൺ​സി​ൽ ഓ​ൾ​ഔ​ട്ടാ​വു​ക​യാ​യി​രു​ന്നു. സെ​ഞ്ചു​റി നേ​ടി​യ അ​ൻ​മോ​ൽ​പ്രീ​ത് സിം​ഗി​ന്‍റെ​യും അ​ർ​ധ സെ​ഞ്ചു​റി നേ​ടി​യ പ്ര​ഭ്സി​മ്രാ​ൻ സിം​ഗി​ന്‍റെ​യും മി​ക​വി​ലാ​ണ് പ​ഞ്ചാ​ബ് മി​ക​ച്ച് സ്കോ​ർ പ​ടു​ത്തു​യ​ർ​ത്തി​യ​ത്. 100 റ​ൺ​സാ​ണ് അ​ൻ​മോ​ൽ​പ്രീ​ത് എ​ടു​ത്ത​ത്. ഒ​മ്പ​ത് ബൗ​ണ്ട​റി​യും ഒ​രു സി​ക്സും അ​ട​ങ്ങു​ന്ന​താ​യി​രു​ന്നു അ​ൻ​മോ​ൽ​പ്രീ​തി​ന്‍റെ ഇ​ന്നിം​ഗ്സ്.

പ്ര​ഭ്സി​മ്രാ​ൻ സിം​ഗ് 87 റ​ൺ​സാ​ണ് സ്കോ​ർ ചെ​യ്ത​ത്. ഒ​മ്പ​ത് ബൗ​ണ്ട​റി​യും മൂ​ന്ന് സി​ക്സും പ്ര​ഭ്സി​മ്രാ​ൻ അ​ടി​ച്ചെ​ടു​ത്തു. 42 റ​ൺ​സ് നേ​ടി​യ ര​മ​ൺ​ദീ​പ് സിം​ഗും 33 റ​ൺ​സെ​ടു​ത്ത ഹ​ർ​നൂ​ർ സിം​ഗും തി​ള​ങ്ങി.

സൗ​രാ​ഷ്ട്ര​യ്ക്ക് വേ​ണ്ടി ചേ​ത​ൻ സ​ക്ക​റി​യ മൂ​ന്ന് വി​ക്ക​റ്റെ​ടു​ത്തു. ചി​രാ​ഗ് ജെ​നി​യും അം​ഗു​ർ പ​ൻ​വാ​റും ര​ണ്ട് വി​ക്ക​റ്റ് വീ​തം വീ​ഴ്ത്തി.

Tags : Vidarbha Saurashtra Vijay Hazare cricket