പാറ്റ്ന: ബിഹാറിൽ പുതിയ മന്ത്രിസഭയുടെ ഭാഗമാകാൻ കാത്തിരിക്കുകയാണെന്നും നിതീഷ് മുഖ്യമന്ത്രിയായി തുടരണമെന്നാണ് തന്റെ ആഗ്രഹമെന്നും ലോക് ജനശക്തി പാർട്ടി നേതാവും കേന്ദ്രമന്ത്രിയുമായ ചിരാഗ് പാസ്വാൻ.
നിയമസഭാ തെരഞ്ഞെടുപ്പിൽ എൻഡിഎ സഖ്യം വൻ വിജയം നേടിയതിനു പിന്നാലെ വിളിച്ചുചേർത്ത പത്രസമ്മേളനത്തിൽ സംസാരിക്കുകയായിരുന്നു ചിരാഗ്.
മത്സരിച്ച 28 സീറ്റിൽ 19 ഉം എൽജെപി പിടിച്ചെടുത്തു. നിതീഷ് കുമാറുമായി നല്ല ബന്ധത്തിലല്ലെന്ന പ്രതിപക്ഷ ആരോപണം പൊള്ളയാണെന്നു തെളിഞ്ഞെന്ന് ഹാജിപുർ എംപികൂടിയായ ചിരാഗ് പറഞ്ഞു. ഞങ്ങൾ പാർട്ടി പ്രതിനിധികൾ നിതീഷിനെ കണ്ട് അഭിനന്ദനം അറിയിച്ചു.
പുതിയ സർക്കാരിന്റെ ഭാഗമാകാൻ താത്പര്യം പ്രകടിപ്പിച്ചു. സർക്കാരിനെ നിതീഷ് തന്നെ നയിക്കണമെന്നാണ് തന്റെ വ്യക്തിപരമായ അഭിപ്രായമെന്നും ചിരാഗ് കൂട്ടിച്ചേർത്തു.
Tags : Chirag Paswan LJP BJP Bihar Cabinet