ഹൂസ്റ്റൺ: ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രത്തിൽ ധ്വജപ്രതിഷ്ഠ മഹോത്സവത്തിനായുള്ള ഒരുക്കങ്ങൾ ആരംഭിച്ചു. ധ്വജപ്രതിഷ്ഠയ്ക്കുള്ള ലക്ഷണമൊത്ത മരം മുറിക്കുന്ന ചടങ്ങ് വെള്ളിയാഴ്ച നടക്കും.
കേരളത്തിൽ തൊടുപുഴയ്ക്ക് സമീപം കരിങ്കുന്നം പ്രദേശത്ത് സ്ഥിതി ചെയ്യുന്ന തേക്ക് വൃക്ഷം ആണ് കൊടിമരമാകുന്നത്. തന്ത്രി കാണിപ്പയൂർ മഹാശയന്റെയും ദിവാകരൻ നമ്പൂതിരിയുടെയും (മുൻ മെൽശാന്തി, ഗുരുവായൂർ) മുഖ്യകാർമികത്വത്തിൽ പ്രത്യേക പൂജകൾ നടക്കും.

ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രത്തിലെ ധ്വജപ്രതിഷ്ഠ അമേരിക്കയിലെ മലയാളി ഹിന്ദു സമൂഹത്തിന് അപൂർവനിമിഷമാണെന്ന് സംഘാടകർ പറയുന്നു. ചടങ്ങുകൾക്ക് ശേഷം കൊടിമരം അമേരിക്കയിൽ എത്തിച്ച ശേഷമാകും ധ്വജപ്രതിഷ്ഠാ ചടങ്ങുകൾ.
ഈ പുണ്യചടങ്ങിലേക്ക് എല്ലാവരെയും ക്ഷണിക്കുന്നതായി ക്ഷേത്രം ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്: രാമദാസ് കണ്ടത്ത് - 925 487 2008, അജിത് നായർ - 832 713 1710.