ന്യൂയോർക്ക്: ഇന്ത്യയുടെ ഉപരാഷ്ട്രപതി സി.പി. രാധാകൃഷ്ണനുമായി ഫൊക്കാന പ്രസിഡന്റ് സജിമോൻ ആന്റണി കൂടിക്കാഴ്ച നടത്തി. ഡൽഹിയിൽ ഉപരാഷ്ട്രപതിയുടെ വസതിയിലായിരുന്നു കൂടിക്കാഴ്ച.
രാജ്യത്തെയും അമേരിക്കയിലെയും രാഷ്ട്രീയവും സാമൂഹ്യവുമായ കാര്യങ്ങൾ ചർച്ച ചെയ്യുകയും അഭിപ്രയങ്ങൾ പങ്കുവയ്ക്കുകയും ചയ്തു. ചർച്ച 25 മിനിറ്റോളം നീണ്ടു നിന്നു.
സി.പി. രാധാകൃഷ്ണനെ ഫൊക്കാനയുടെ ഓഗസ്റ്റ് ആറ് മുതൽ ഒമ്പത് വരെ കലഹരി റിസോർട്ടിൽ നടക്കുന്ന കൺവൻഷനിലേക്കു ക്ഷണിക്കുകയും ആ ക്ഷണം അദ്ദേഹം സ്വീകരിക്കയും ചെയ്തു.

ഫൊക്കാനയുടെ ചരിത്രത്തിൽ ആദ്യമായണ് ഇന്ത്യയുടെ ഉപരാഷ്ട്രപതി ഫൊക്കാന കൺവൻഷനിൽ പങ്കെടുക്കാമെന്ന് സമ്മതിക്കുന്നത്. ഉപരാഷ്ട്രപതി പങ്കെടുക്കുന്നതിന് ഇന്ത്യൻ സർക്കാരിന്റെ സമ്മതം ആവിശ്യമായതിനാൽ അതിന് ശേഷം മാത്രമേ ഔദ്യോഗിക പ്രഖ്യാപനം ഉണ്ടാകുക.
സജിമോൻ ആന്റണിക്ക് ഉപരാഷ്ട്രപതി ഫലകം നൽകി ആദരിക്കുകയും ചെയ്തു. സജിമോൻ ആന്റണിയുടെയും ഫൊക്കാനയുടെ പ്രവർത്തനങ്ങൾക്ക് ഉപരാഷ്ട്രപതി എല്ലാവിധ ആശംസകളും നേർന്നു.

സി.പി. രാധാകൃഷ്ണനും സജിമോൻ ആന്റണിയും മാത്രമായിരുന്നു ആദ്യത്തെ 15 മിനിറ്റ് ചർച്ചയിൽ പങ്കെടുത്തത്.
ബിജെപി തൃശൂർ മണ്ഡലം പ്രസിഡന്റ് രഹുനാഥ് മേനോൻ, അഡ്വ. അഖിലസ്, സുനിൽ പാറക്കൽ എന്നിവരും അവസാനവട്ട ചർച്ചയിൽ പങ്കെടുത്തു.
Tags : Sajimon Antony C.P. Radhakrishnan Fokana Vice President