ന​ഷ്ട​പ്പെ​ട്ടു​പോ​യെ​ന്ന് ക​രു​തി​യ സൗ​ഹൃ​ദം 28 വ​ർ​ഷ​ങ്ങ​ൾ​ക്കി​പ്പു​റം തി​രി​കെ ല​ഭി​ക്കു​മ്പോ​ഴു​ണ്ടാ​കു​ന്ന വൈ​കാ​രി​ക​ത വി​വ​രി​ക്കാ​നാ​വി​ല്ല. അ​ത്ത​ര​ത്തി​ൽ സോ​ഷ്യ​ൽ മീ​ഡി​യ​യു​ടെ ക​ണ്ണ് ന​ന​യി​ക്കു​ന്ന ഹൃ​ദ്യ​മാ​യ ഒ​രു വാ​ർ​ത്ത​യാ​ണ് ഇ​പ്പോ​ൾ ശ്ര​ദ്ധേ​യ​മാ​കു​ന്ന​ത്.

ആ​കാ​ൻ​ഷ എ​ന്ന ഇ​ൻ​സ്റ്റാ​ഗ്രാം ഉ​പ​യോ​ക്താ​വ് പ​ങ്കു​വെ​ച്ച ഒ​രു വീ​ഡി​യോ​യി​ലൂ​ടെ​യാ​ണ് ഈ ​ക​ഥ പു​റം​ലോ​ക​മ​റി​ഞ്ഞ​ത്. ത​ന്‍റെ അ​മ്മ​യും അ​വ​രു​ടെ പ​ഴ​യ​കാ​ല ഉ​റ്റ​സു​ഹൃ​ത്തും ത​മ്മി​ലു​ള്ള ആ​ത്മ​ബ​ന്ധം വീ​ണ്ടെ​ടു​ക്കാ​ൻ നി​മി​ത്ത​മാ​യ​ത് മ​ക​ൾ യാ​ദൃ​ശ്ചി​ക​മാ​യി ക​ണ്ടെ​ത്തി​യ ഒ​രു പ​ഴ​യ ക​ത്താ​യി​രു​ന്നു.

1996-ൽ ​അ​മ്മ​യു​ടെ ഉ​റ്റ​സു​ഹൃ​ത്ത് എ​ഴു​തി​യ ആ ​ക​ത്ത് വീ​ണു​കി​ട്ടി​യ​തോ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്കം. കോ​ളേ​ജ് പ​ഠ​ന​കാ​ല​ത്തി​ന് ശേ​ഷം വി​വാ​ഹി​ത​രാ​യ​തോ​ടെ​യാ​ണ് ഇ​രു​വ​രും ത​മ്മി​ലു​ള്ള ബ​ന്ധം മു​റി​ഞ്ഞു​പോ​യ​ത്.

ത​ന്‍റെ പ്രി​യ​പ്പെ​ട്ട കൂ​ട്ടു​കാ​രി​യെ അ​മ്മ എ​ത്ര​ത്തോ​ളം മി​സ് ചെ​യ്യു​ന്നു​ണ്ടെ​ന്ന് മ​ന​സി​ലാ​ക്കി​യ മ​ക​ൾ, ആ ​ക​ത്തി​ലെ പ​ഴ​യ വി​ലാ​സം തേ​ടി​യി​റ​ങ്ങാ​ൻ തീ​രു​മാ​നി​ക്കു​ക​യാ​യി​രു​ന്നു.

പ​തി​റ്റാ​ണ്ടു​ക​ൾ പി​ന്നി​ട്ട​തു​കൊ​ണ്ട് ത​ന്നെ ആ ​വി​ലാ​സ​ത്തി​ൽ സു​ഹൃ​ത്ത് ഇ​പ്പോ​ഴും ഉ​ണ്ടാ​കു​മോ എ​ന്ന കാ​ര്യ​ത്തി​ൽ വ​ലി​യ നി​ശ്ച​യ​മൊ​ന്നു​മി​ല്ലാ​യി​രു​ന്നു. എ​ങ്കി​ലും അ​മ്മ​യു​ടെ ആ​ഗ്ര​ഹം സാ​ധി​ച്ചു​കൊ​ടു​ക്ക​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ അ​വ​ർ യാ​ത്ര തി​രി​ച്ചു.

യാ​ത്ര​യി​ലു​ട​നീ​ളം അ​മ്മ​യു​ടെ ക​ണ്ണു​ക​ളി​ൽ ദൃ​ശ്യ​മാ​യ പ്ര​തീ​ക്ഷ​യും ആ​കാം​ക്ഷ​യും വീ​ഡി​യോ​യി​ൽ വ്യ​ക്ത​മാ​ണ്. ല​ക്ഷ്യ​സ്ഥാ​ന​ത്തെ​ത്തി​യ ശേ​ഷം നാ​ട്ടു​കാ​രോ​ട് ചോ​ദി​ച്ചും തി​ര​ഞ്ഞു​മാ​ണ് ഒ​ടു​വി​ൽ ആ ​വീ​ട് അ​വ​ർ ക​ണ്ടെ​ത്തു​ന്ന​ത്.

നീ​ണ്ട 28 വ​ർ​ഷ​ങ്ങ​ൾ​ക്ക് ശേ​ഷം ത​ന്‍റെ ഉ​റ്റ സു​ഹൃ​ത്തി​നെ ക​ണ്ടു​മു​ട്ടി​യ നി​മി​ഷം അ​മ്മ​യ്ക്കും കൂ​ട്ടു​കാ​രി​ക്കും ത​ങ്ങ​ളു​ടെ വി​കാ​ര​ങ്ങ​ൾ അ​ട​ക്കാ​നാ​യി​ല്ല. ക​ണ്ട​പ്പോ​ൾ ത​ന്നെ പ​ര​സ്പ​രം തി​രി​ച്ച​റി​ഞ്ഞ അ​വ​ർ പൊ​ട്ടി​ക്ക​ര​ഞ്ഞു​കൊ​ണ്ട് കെ​ട്ടി​പ്പി​ടി​ക്കു​ന്ന ദൃ​ശ്യം ഏ​വ​രു​ടെ​യും ഉ​ള്ളു​ല​യ്ക്കു​ന്ന​താ​ണ്.

'അ​മ്മ​യ്ക്കാ​യി ഇ​ത് ചെ​യ്യാ​ൻ ക​ഴി​ഞ്ഞ​തി​ൽ വ​ലി​യ സ​ന്തോ​ഷം' എ​ന്ന അ​ടി​ക്കു​റി​പ്പോ​ടെ പ​ങ്കു​വെ​ച്ച ഈ ​വീ​ഡി​യോ നി​മി​ഷ​നേ​രം കൊ​ണ്ടാ​ണ് വൈ​റ​ലാ​യ​ത്. 10 ല​ക്ഷ​ത്തി​ല​ധി​കം ആ​ളു​ക​ൾ ക​ണ്ട ഈ ​വീ​ഡി​യോ​യ്ക്ക് താ​ഴെ സ്നേ​ഹം തു​ളു​മ്പു​ന്ന നി​ര​വ​ധി ക​മ​ന്‍റു​ക​ളാ​ണ് വ​രു​ന്ന​ത്.

മാ​താ​പി​താ​ക്ക​ളു​ടെ കൊ​ച്ചു കൊ​ച്ചു ആ​ഗ്ര​ഹ​ങ്ങ​ൾ തി​രി​ച്ച​റി​ഞ്ഞ് അ​ത് ന​ട​ത്തി​ക്കൊ​ടു​ക്കു​ന്ന മ​ക്ക​ൾ ഇ​ന്ന​ത്തെ കാ​ല​ത്തി​ന് മാ​തൃ​ക​യാ​ണെ​ന്ന് പ​ല​രും കു​റി​ക്കു​ന്നു.

ന​ഷ്ട​പ്പെ​ട്ടു​പോ​യ സൗ​ഹൃ​ദ​ങ്ങ​ൾ​ക്കും ബ​ന്ധ​ങ്ങ​ൾ​ക്കും കാ​ല​ത്തി​ന് പോ​ലും മാ​യ്ക്കാ​ൻ ക​ഴി​യാ​ത്ത തി​ള​ക്ക​മു​ണ്ടെ​ന്ന് ഈ ​സം​ഭ​വം ന​മ്മെ ഓ​ർ​മ്മി​പ്പി​ക്കു​ന്നു.

Tags : ViralNews TrendingNow Heartwarming MustWatch InternetGold