വൈപ്പിൻ: വോട്ട് ചെയ്ത് വീട്ടിലെത്തിയ മുൻ ജിംനേഷ്യം താരം ദേഹാസ്വാസ്ഥ്യത്തെ തുടർന്ന് മരിച്ചു. ജിംനേഷ്യം രംഗത്ത് വൈപ്പിൻ രാജൻ എന്ന അപരനാമത്തിൽ അറിയപ്പെട്ടിരുന്ന ഫോർട്ട് വൈപ്പിൻ പൊള്ളായി പറമ്പിൽ വീട്ടിൽ ആബേൽ ആന്റണി റോബർട്ട് (85) ആണ് മരിച്ചത്. 1961 ൽ ശരീര സൗന്ദര്യ മത്സരത്തിൽ കേരള ശ്രീ ലഭിച്ചിട്ടുണ്ട്. ഇപ്പോഴും വീടിനോട് ചേർന്ന സെന്ററിൽ യുവാക്കൾക്ക് സൗജന്യമായി ജിം പരിശീലനം നല്കുന്ന ഇദ്ദേഹത്തിന് 5000ത്തിൽ പരം ശിഷ്യരാണുള്ളത്. ഹിന്ദി നടൻ വിനോദ് ഖന്നക്കൊപ്പം മേം സാബ് എന്ന ഹിന്ദി ചിത്രത്തിൽ വില്ലൻ വേഷത്തിലും അഭിനയിച്ചിട്ടുണ്ട്. സംസ്കാരം പിന്നീട്. ഭാര്യ: തങ്കമണി. മക്കൾ: അഭിലാഷ്, സംതൃപ്ത്, സംഷദ്, ആദർശ്. മരുമക്കൾ: ജിനു, മിഷ, ജോയ്സി, അമല.
Tags : Former gymnasium worker dies death