തൊടുപുഴ: നീതിരഹിതമായി എല്ലാ അധ്യാപകർക്കും ടെറ്റ് നിർബന്ധമാക്കിയ സുപ്രീം കോടതി വിധിക്കെതിരേ സർക്കാർ ഇതുവരെ പുനഃപരിശോധനാ ഹർജി നൽകാതെ ഒളിച്ചുകളി നടത്തി അധ്യാപകരെ വഞ്ചിക്കുകയാണെന്ന് കെപിഎസ്ടിഎ ജില്ലാ കമ്മിറ്റി കുറ്റപ്പെടുത്തി.
വിരമിക്കാൻ ഒരുങ്ങിയിരിക്കുന്ന അധ്യാപകർ ടെറ്റ് എഴുതണമെന്ന സർക്കാർ വാദം നീതിനിഷേധമാണ്. നൂറുകണക്കിന് അധ്യാപകരുടെ ജോലിക്കയറ്റം ഉൾപ്പെടെയുള്ള ആനുകുല്യങ്ങൾ തടയപ്പെടുകയും ജോലി നഷ്ടപ്പെടുകയും ചെയ്യുന്ന ഗുരുതരസാഹചര്യം ഉണ്ടായിട്ടും സർക്കാർ നിസംഗത പുലർത്തുന്നത് പൊതുവിദ്യാഭ്യാസ മേഖലയെ തകർക്കുന്നിതിന് തുല്യമാണ്.
സുപ്രീം കോടതിയെ കാര്യങ്ങൾ ബോധ്യപ്പെടുത്തി ശാശ്വത പരിഹാരം കണ്ടെത്താൻ സർക്കാർ തയാറാകണമെന്നും ജില്ലാ കമ്മറ്റി ആവശ്യപ്പെട്ടു. സംസ്ഥാന സെക്രട്ടറി പി.എം. നാസർ ഉദ്ഘാടനം ചെയ്തു. ജില്ലാ പ്രസിഡന്റ് ജോബിൻ കെ. കളത്തിക്കാട്ടിൽ അധ്യക്ഷത വഹിച്ചു.
Tags : KPSTA nattuvisesham local news