കോട്ടയം: വിവിധ ആവശ്യങ്ങളുന്നയിച്ച് കേരള കോ-ഓപ്പറേറ്റീവ് സര്വീസ് പെന്ഷനേഴ്സ് അസോസിയേഷന് അനിശ്ചിതകാല പ്രക്ഷോഭം ആരംഭിക്കുമെന്ന് ഭാരവാഹികൾ അറിയിച്ചു.
ഇതിന്റെ ഭാഗമായി സംസ്ഥാന ജനറല് സെക്രട്ടറി മുണ്ടൂര് രാമകൃഷ്ണന് ക്യാപ്റ്റനായി കാസര്ഗോഡ് മുതല് തൃശൂര് വരെ വടക്കന് മേഖല ജാഥയും സംസ്ഥാന പ്രസിഡന്റ് എം. സുകുമാരന് ക്യാപ്റ്റനായി കോട്ടയം മുതല് തിരുവനന്തപുരം വരെ തെക്കന് മേഖലാ ജാഥയും നടത്തും.
തെക്കന് മേഖല ജാഥ ഇന്നു രാവിലെ ഒമ്പതിന് കോട്ടയം തിരുനക്കരയില് സിഐടിയു ദേശീയ വര്ക്കിംഗ് കമ്മിറ്റിയംഗം കെ. അനില്കുമാര് ഉദ്ഘാടനം ചെയ്യും. ജാഥകളുടെ സമാപനത്തിനുശേഷം ഫെബ്രുവരി ഒമ്പതു മുതല് 17 വരെ സെക്രട്ടേറിയറ്റ് നടയില് സത്യഗ്രഹവും തുടര്ന്ന് 23 മുതല് അനിശ്ചിതകാല സത്യഗ്രഹവും ആരംഭിക്കും. സഹകരണ മന്ത്രിക്കും പെന്ഷന് ബോര്ഡ് ചെയര്മാനും പലവട്ടം നിവേദനം നല്കിയിട്ടും തുടര് നടപടികളുണ്ടായില്ല. സര്ക്കാര് നിയോഗിച്ച കമ്മീഷന് റിപ്പോര്ട്ട് നടപ്പാക്കണമെന്നും നേതാക്കള് ആവശ്യപ്പെട്ടു.
പത്രസമ്മേളനത്തില് സംസ്ഥാന പ്രസിഡന്റ് എം. സുകുമാരന്, ട്രഷറര് കെ.എം. തോമസ്, ജില്ലാ പ്രസിഡന്റ് ടി.ജെ. മാത്യു തെങ്ങുംപ്ലാക്കല്, സെക്രട്ടറി വി.ജി. വിജയകുമാര്, കമ്മിറ്റിയംഗങ്ങളായ ടോമി തുരുത്തിക്കര, ജോസഫ് ജോണ് എന്നിവര് പങ്കെടുത്തു.
Tags : nattu visheshsam ksspa strike