തൊ​ടു​പു​ഴ: ത​ദ്ദേ​ശതെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ നാ​ടും ന​ഗ​ര​വും തെ​ര​ഞ്ഞെ​ടു​പ്പ് ആ​വേ​ശ​ത്തി​ലേക്ക്. പ്ര​ചാ​ര​ണ​ത്തി​നാ​യി ചെ​ല​വ​ഴി​ക്കാ​വു​ന്ന തു​ക​യ്ക്ക് തെ​ര​ഞ്ഞെ​ടു​പ്പ് ക​മ്മീ​ഷ​ൻ പ​രി​ധി നി​ശ്ച​യി​ച്ചി​ട്ടു​ണ്ടെ​ങ്കി​ലും ഓ​രോ വാ​ർ​ഡിന്‍റെ​യും മു​ക്കി​ലും മൂ​ല​യി​ലും സ്ഥാ​നാ​ർ​ഥി​ക​ളു​ടെ ചി​രി​ച്ച മു​ഖ​മു​ള്ള ചി​ത്ര​ങ്ങ​ളു​മാ​യി ക​ട്ടൗ​ട്ടു​ക​ളും ഫ്ള​ക്സ് ബോ​ർ​ഡു​ക​ളും ബാ​ന​റു​ക​ളും ഉ​യ​ർ​ത്താ​നു​ള്ള ത​യാ​റെ​ടു​പ്പി​ലാ​ണ് പ്ര​വ​ർ​ത്ത​ക​ർ. ത​ദ്ദേ​ശ തെ​ര​ഞ്ഞെ​ടു​പ്പി​ൽ മി​ക​ച്ച വ​രു​മാ​ന​മു​ണ്ടാ​ക്കു​ന്ന വി​ഭാ​ഗ​മാ​ണ് ഫ്ള​ക്സ് പ്രി​ന്‍റ് യൂ​ണി​റ്റു​ക​ൾ. ഇ​തി​നു പു​റ​മേ പ്രി​ന്‍റിം​ഗ് പ്ര​സു​ക​ളും തെ​ര​ഞ്ഞെ​ടു​പ്പു സ​മ​യ​ത്ത് വ​രു​മാ​ന നേ​ട്ട​മു​ണ്ടാ​ക്കു​ന്നു.

മു​ൻ കാ​ല​ങ്ങ​ളി​ൽ തു​ണി​യി​ൽ എ​ഴു​തി ത​യാ​റാ​ക്കു​ന്ന ബാ​ന​റു​ക​ളാ​ണ് പാ​ത​യോ​ര​ങ്ങ​ളി​ലും ക​വ​ല​ക​ളി​ലും സ്ഥാ​നം പി​ടി​ച്ചി​രു​ന്ന​ത്. ഇ​ത് പി​ന്നീ​ട് സ്ക്രീ​ൻ പ്രിന്‍റിം​ഗി​ലേക്ക് വ​ഴി​മാ​റി. ഇ​പ്പോ​ൾ ഇ​തി​ൽനി​ന്നെ​ല്ലാം മാ​റി ഡി​ജി​റ്റ​ൽ പ്രി​ന്‍റിം​ഗി​ൽ പു​റ​ത്തി​റ​ങ്ങു​ന്ന തെ​ളി​മ​യാ​ർ​ന്ന ഫ്ള​ക്സ് ബോ​ർ​ഡു​ക​ളും ബാ​ന​റു​ക​ളു​മാ​ണ് സ്ഥാ​നാ​ർ​ഥി​ക​ൾ ഉ​പ​യോ​ഗി​ക്കു​ന്ന​ത്. ഇ​തി​ൽ സ്ഥാ​നാ​ർ​ഥി​യു​ടെ ചി​രി​ക്കു​ന്ന ചി​ത്ര​വും ആ​ലേ​ഖ​നം ചെ​യ്തി​ട്ടു​ണ്ടാ​കും. ഫ്ള​ക്സ് ബോ​ർ​ഡു​ക​ളും ബാ​ന​റു​ക​ളും നി​ർ​മി​ക്കു​ന്ന സ്ഥാ​പ​ന​ങ്ങ​ളെ​ല്ലാംത​ന്നെ ത​ദ്ദേ​ശ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യു​ള്ള ത​യാ​റെ​ടു​പ്പി​ലാ​ണ്.

നേ​ര​ത്തേ പ്ര​കൃ​തി​ക്ക് ഹാ​നി​ക​ര​മാ​യ പ്ലാ​സ്റ്റി​ക്കി​ലാ​യി​രു​ന്നു ഫ്ള​ക്സു​ക​ൾ പ്രി​ന്‍റു ചെ​യ്തി​രു​ന്ന​ത്. എ​ന്നാ​ൽ ഇ​പ്പോ​ൾ തു​ണി​യി​ലാ​ണ് പ്രി​ന്‍റ് ചെ​യ്യു​ന്ന​ത്. തെ​ര​ഞ്ഞെ​ടു​പ്പ് പ്ര​ചാ​ര​ണം പൂ​ർ​ണ​മാ​യും ഹ​രി​ത പ്രോ​ട്ടോ​ക്കോ​ൾ പാ​ലി​ച്ചാ​യി​രി​ക്ക​ണ​മെ​ന്ന കോ​ട​തി നി​ർ​ദേ​ശ​ത്തെത്തു​ട​ർ​ന്നാ​ണ് ഫ്ള​ക്സ് പ്രി​ന്‍റിം​ഗി​ന് തു​ണി നി​ർ​ബ​ന്ധ​മാ​ക്കി​യ​ത്.

ഇ​ത്ത​വ​ണ ഫ്ള​ക്സ് പ്രി​ന്‍റു ചെ​യ്യു​ന്ന തു​ണിക്കും പ്ര​ത്യേ​ക​ത​യു​ണ്ട്. ക്യു​ആ​ർ കോ​ഡു​ള്ള തു​ണി മാ​ത്ര​മേ പ്രി​ന്‍റിം​ഗി​ന് ഉ​പ​യോ​ഗി​ക്കാ​ൻ പാ​ടു​ള്ളു. ക്യു​ആ​ർ കോ​ഡ് സ്കാ​ൻ ചെ​യ്യു​ന്പോ​ൾ പ്ലാ​സ്റ്റി​ക് ഇ​ല്ലെ​ന്നു​റ​പ്പു വ​രു​ത്തു​ന്ന സ​ർ​ക്കാ​ർ സ​ർ​ട്ടി​ഫി​ക്ക​റ്റ് ല​ഭി​ക്കും. എ​ന്നാ​ൽ ഇ​തി​നു വി​ല കൂ​ടു​മെ​ന്ന് ഫ്ള​ക്സ് നി​ർ​മാ​താ​ക്ക​ൾ പ​റ​ഞ്ഞു. അ​തി​നാ​ൽ ഇ​ത്ത​വ​ണ ഫ്ള​ക്സ് പ്രി​ന്‍റിം​ഗി​ന് ക​ഴി​ഞ്ഞ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച് ചെ​ല​വേ​റും.

അ​ടു​ത്ത ദി​വ​സം മു​ത​ൽ സ്ഥാ​നാ​ർ​ഥി​യു​ടെ അ​ഭ്യ​ർ​ഥ​ന​യു​ള്ള പ്ര​സ്താ​വ​ന​ക​ളു​ടെ പ്രി​ന്‍റിം​ഗും പ്ര​സു​ക​ളി​ൽ സ​ജീ​വ​മാ​കും. ആ​ദ്യഘ​ട്ട​ത്തി​ൽ സ്ഥാ​നാ​ർ​ഥി​യെ പ​രി​ച​യ​പ്പെ​ടു​ത്തി​യു​ള്ള പ്ര​ചാ​ര​ണ​ത്തി​നാ​ണ് മു​ൻതൂ​ക്കം. ര​ണ്ടാംഘ​ട്ട​ത്തി​ൽ പ്ര​സ്താ​വ​ന​ക​ളു​മാ​യി പ്ര​വ​ർ​ത്ത​ക​ർ വീ​ടുവീ​ടാ​ന്ത​രം ക​യ​റി​യി​റ​ങ്ങും. എ​ന്താ​യാ​ലും അ​ടു​ത്ത ദി​വ​സം മു​ത​ൽ തെ​ര​ഞ്ഞെ​ടു​പ്പി​ന്‍റെ ആ​വേ​ശം എ​ല്ലാ മേ​ഖ​ല​യി​ലും എ​ത്തി​ക്കാ​നു​ള്ള മു​ന്നൊ​രു​ക്ക​ത്തി​ലാ​ണ് മു​ന്ന​ണി​ക​ൾ.

Tags : excitement nattuvisesham local news