മു​ക്കം: സാ​മ്പ​ത്തി​ക ഇ​ട​പാ​ടി​ലെ ത​ർ​ക്ക​ത്തെ തു​ട​ർ​ന്ന് പാ​ഴൂ​രി​ൽ വ​ച്ച് സ​ഹോ​ദ​ര​ങ്ങ​ളെ വാ​ഹ​ന​മി​ടി​പ്പി​ച്ചു കൊ​ല്ലാ​ൻ ശ്ര​മി​ച്ച​താ​യു​ള്ള കേ​സി​ൽ പ്ര​തി​ക്കാ​യി പോ​ലീ​സ് ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ചു. കൊ​ടി​യ​ത്തൂ​ർ പ​ഞ്ചാ​യ​ത്തി​ലെ പ​ഴം​പ​റ​മ്പ് സ്വ​ദേ​ശി ചേ​ല​പ്പു​റ​ത്ത് മു​ഹ​മ്മ​ദ് ഇ​ർ​ഫാ​നാ​യാ​ണ് മാ​വൂ​ർ പോ​ലീ​സ് ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ച​ത്. സം​ഭ​വ ശേ​ഷം പ്ര​തി ഒ​ളി​വി​ൽ പോ​വു​ക​യാ​യി​രു​ന്നു.

പ്ര​തി​ക്കാ​യി മു​ക്കം പോ​ലീ​സും മാ​വൂ​ർ പോ​ലീ​സും തെ​ര​ച്ചി​ൽ ഊ​ർ​ജി​ത​മാ​ക്കി​യി​ട്ടു​ണ്ട്. സം​ഭ​വ​വു​മാ​യി ബ​ന്ധ​പ്പെ​ട്ട് മു​ക്കം പോ​ലീ​സ് ര​ണ്ട് കേ​സു​ക​ളും മാ​വൂ​ർ പോ​ലീ​സ് ഒ​രു കേ​സും ര​ജി​സ്റ്റ​ർ ചെ​യ്തി​ട്ടു​ണ്ട്.

സം​ഭ​വ​ത്തി​ൽ സാ​ര​മാ​യി പ​രി​ക്കേ​റ്റ സ​ഹോ​ര​ങ്ങ​ളാ​യ ചെ​റു​വാ​ടി പ​ഴം​പ​റ​മ്പി​ൽ ക​റു​ത്തേ​ട​ത് ത​ൻ​സി​ഫ് (21), സ​ഹോ​ദ​ര​ങ്ങ​ളാ​യ ത​സ്‌​നിം, (27), ത​ൻ​സി​ൽ (20) എ​ന്നി​വ​ർ ചി​കി​ത്സ​യി​ൽ തു​ട​രു​ക​യാ​ണ്. ഇ​ക്ക​ഴി​ഞ്ഞ ശ​നി​യാ​ഴ്ച രാ​വി​ലെ ഒ​മ്പ​ത​ര​യോ​ടെ ത​ൻ​സി​ഫി​ന്‍റെ പ​ഴം​പ​റ​മ്പി​ലി​ലെ വീ​ട്ടി​ലാ​ണ് സം​ഭ​വ​ങ്ങ​ളു​ടെ തു​ട​ക്കം.
ത​ൻ​സീ​ഫും ഇ​ർ​ഫാ​നും ത​മ്മി​ലു​ണ്ടാ​യ പ​ണ​മി​ട​പാ​ടി​നെ​ച്ചൊ​ല്ലി ത​ൻ​സി​ഫി​ന്‍റെ വീ​ട്ടി​ലെ​ത്തി​യ ഇ​ർ​ഫാ​ൻ ത​ൻ​സി​ഫി​നെ മ​ർ​ദി​ക്കു​ക​യാ​യി​രു​ന്നു. പ​രി​ക്കേ​റ്റ ത​ൻ​സി​ഫി​നെ ഇ​ർ​ഫാ​ൻ​ത​ന്നെ ത​ന്‍റെ കാ​റി​ൽ ത​ൻ​സി​ഫി​ന്‍റെ മാ​താ​വി​നെ​യും മ​റ്റൊ​രാ​ളെ​യും കൂ​ടെ​കൂ​ട്ടി കൂ​ളി​മാ​ട്ടെ സ്വ​കാ​ര്യ ക്ലി​നി​ക്കി​ലും മു​ക്ക​ത്തെ സ്വ​കാ​ര്യ ആ​ശു​പ​ത്രി​യി​ലും എ​ത്തി​ക്കു​ക​യും ചെ​യ്തു.

ഇ​തി​നി​ടെ, ത​ൻ​സീ​ഫി​നെ ആ​ക്ര​മി​ച്ച​ത​റി​ഞ്ഞ ത​സ്നി​മും ത​ൻ​സി​ലും ബൈ​ക്കി​ൽ ഇ​ർ​ഫാ​ന്‍റെ വീ​ട്ടി​ലെ​ത്തു​ക​യും അ​വി​ടെ ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും തു​ട​ർ​ന്ന് ആ​ശു​പ​ത്രി​യി​ലേ​ക്ക് തി​ര​ഞ്ഞു വ​രി​ക​യു​മാ​യി​രു​ന്നു. ഇ​ത​റി​ഞ്ഞ ഇ​ർ​ഫാ​ൻ ആ​ശു​പ​ത്രി​യി​ൽ​നി​ന്ന് തി​രി​ച്ചു​വ​രു​ന്ന​തി​നി​ടെ പു​ൽ​പ​റ​മ്പ്-​കൂ​ളി​മാ​ട് റോ​ഡി​ൽ പാ​ഴൂ​രി​ൽ​വെ​ച്ച് രാ​വി​ലെ 10.15ഓ​ടെ ത​സ്നി​മും ത​ൻ​സി​ലും ഇ​ർ​ഫാ​ന്‍റെ കാ​ർ ത​ട​യാ​ൻ ശ്ര​മി​ക്കു​ക​യാ​യി​രു​ന്നു. ന​ടു​റോ​ഡി​ൽ ബൈ​ക്ക് നി​ർ​ത്തി കൈ​യി​ലു​ണ്ടാ​യി​രു​ന്ന ആ​യു​ധ​വു​മാ​യി ചാ​ടി​യി​റ​ങ്ങു​ന്ന​തി​നി​ടെ ഇ​ർ​ഫാ​ന്‍റെ കാ​ർ ഇ​വ​രെ ഇ​ടി​ച്ചു​വീ​ഴ്ത്തു​ക​യാ​യി​രു​ന്നു.

Tags : nattu vishesham Youths hit by car Lookout notice