വേ​ണ്ട​പ്പെ​ട്ട ക്രി​മി​ന​ലു​ക​ളെ ര​ക്ഷാ​പ്ര​വ​ർ​ത്ത​ക​രാ​ക്കു​ന്ന ആ​ഭി​ചാ​ര​ക്രി​യ​കൊ​ണ്ട് പോ​ലീ​സി​ലെ കു​റ്റ​വാ​ളി​ക​ളെ ഒ​ഴി​പ്പി​ക്കാ​നാ​കി​ല്ല. അ​തി​ന് ഒ​രു​ത്ത​ര​വ് മ​തി, കു​റ്റ​വാ​ളി പ​ട്ടി​ക​യി​ലു​ള്ള പോ​ലീ​സു​കാ​രെ ഇ​തി​നാ​ൽ സേ​ന​യി​ൽ​നി​ന്നു പി​രി​ച്ചു​വി​ട്ടി​രി​ക്കു​ന്നു എ​ന്ന ഒ​രേ​യൊ​രുഉ​ത്ത​ര​വ്. കൊ​ച്ചി​യി​ലെ​ങ്കി​ലും തു​ട​ങ്ങു​മോ?

പോ​ലീ​സ് ക​സ്റ്റ​ഡി​യി​ലെ​ടു​ത്ത ഭ​ർ​ത്താ​വി​നെ കാ​ണാ​ൻ ര​ണ്ട് കൈ​ക്കു​ഞ്ഞു​ങ്ങ​ളു​മാ​യി സ്റ്റേ​ഷ​നി​ലെ​ത്തി​യ ഗ​ർ​ഭി​ണി​യാ​യ യു​വ​തി​യെ എ​സ്എ​ച്ച്ഒ അ​തി​ക്രൂ​ര​മാ​യി മ​ർ​ദി​ക്കു​ന്ന ദൃ​ശ്യ​ങ്ങ​ൾ പു​റ​ത്തു​വ​ന്നി​രി​ക്കു​ന്നു. പ്ര​ശ്നം ആ ​സ​ർ​ക്കി​ൾ ഇ​ൻ​സ്പെ​ക്ട​റെ ശി​ക്ഷി​ച്ചാ​ൽ തീ​രി​ല്ല. കാ​ര​ണം, ആ ​ക്രൂ​ര​ത​യു​ടെ​യും ധാ​ർ​ഷ്‌​ട്യ​ത്തി​ന്‍റെ​യും ദൃ​ശ്യ​ങ്ങ​ൾ മ​റ​ച്ചു​വ​യ്ക്കാ​ൻ അ​ദ്ദേ​ഹ​ത്തെ പ​ല​രും സ​ഹാ​യി​ച്ചി​രി​ക്കു​ന്നു. അ​ത് ഉ​ന്ന​ത ഉ​ദ്യോ​ഗ​സ്ഥ​രാ​ണെ​ങ്കി​ൽ കേ​സെ​ടു​ക്ക​ണം.

ദൃ​ശ്യ​ങ്ങ​ൾ ഒ​ളി​പ്പി​ക്കാ​നും കു​റ്റ​വാ​ളി​യെ വെ​ളു​പ്പി​ക്കാ​നും ശ്ര​മി​ച്ച​ത് ഭ​രി​ക്കു​ന്ന​വ​രാ​ണെ​ങ്കി​ൽ ആ ​രാ​ഷ്‌​ട്രീ​യ-​കു​റ്റ​വാ​ളി ബ​ന്ധ​വും പു​റ​ത്തു​വ​ര​ണം. അ​നു​ഭ​വ​ങ്ങ​ളു​ടെ വെ​ളി​ച്ച​ത്തി​ൽ കേ​ര​ളം അ​ത്ത​ര​മൊ​രു സു​താ​ര്യ അ​ന്വേ​ഷ​ണം പ്ര​തീ​ക്ഷി​ക്കു​ന്നി​ല്ല. നാ​ളെ മ​റ്റൊ​രു പോ​ലീ​സു​കാ​ര​ൻ, മ​റ്റൊ​രു സ്റ്റേ​ഷ​ൻ, പു​തി​യൊ​രു ഇ​ര... ഇ​ങ്ങ​നെ​യാ​ണ് ജ​നാ​ധി​പ​ത്യ പ​രി​ഷ്കാ​ര​ങ്ങ​ളെ ഉ​ദ്യോ​ഗ​സ്ഥ​രും രാ​ഷ്‌​ട്രീ​യ കാ​ര്യാ​ല​യ​ങ്ങ​ളും ചേ​ർ​ന്നു മ​ർ​ദി​ച്ചൊ​തു​ക്കു​ന്ന​ത്.

2024 ജൂ​ണ്‍ 20നു ​ന​ട​ന്ന മ​ര്‍​ദ​ന​ത്തി​ന്‍റെ സി​സി​ടി​വി ദൃ​ശ്യ​ങ്ങ​ളാ​ണ് ഹൈ​ക്കോ​ട​തി​യു​ടെ ഉ​ത്ത​ര​വു​പ്ര​കാ​രം പ​രാ​തി​ക്കാ​രി​ക്കു കൈ​മാ​റാ​ൻ പോ​ലീ​സ് നി​ർ​ബ​ന്ധി​ത​മാ​യ​ത്. അ​തോ​ടെ​യാ​ണ് യു​വ​തി​ക്കെ​തി​രേ പോ​ലീ​സ് ന​ട​ത്തി​യ വ്യാ​ജ​പ്ര​ചാ​ര​ണ​ങ്ങ​ൾ പൊ​ളി​ഞ്ഞ​ത്. പൊ​തു​സ്ഥ​ല​ത്തെ പോ​ലീ​സ് മ​ര്‍​ദ​ന​ത്തി​ന്‍റെ ദൃ​ശ്യ​ങ്ങ​ള്‍ പ​ക​ര്‍​ത്തി​യ​തി​ന്‍റെ പേ​രി​ല്‍ ബെ​ൻ​ജോ ബേ​ബി എ​ന്ന യു​വാ​വി​നെ ക​സ്റ്റ​ഡി​യി​ലെ​ടു​ത്ത​തി​നു പി​ന്നാ​ലെ ര​ണ്ടു കൈ​ക്കു​ഞ്ഞു​ങ്ങ​ളു​മാ​യി എ​റ​ണാ​കു​ളം നോ​ർ​ത്ത് സ്റ്റേ​ഷ​നി​ലെ​ത്തി​യ ഭാ​ര്യ ഷൈ​മോ​ൾ​ക്കു നേ​രേ​യാ​യി​രു​ന്നു പോ​ലീ​സ് ഗു​ണ്ടാ​യി​സം.

ഭ​ര്‍​ത്താ​വി​നെ മ​ര്‍​ദി​ക്കു​ന്ന​തു ക​ണ്ടു പ്ര​തി​ക​രി​ച്ച ത​ന്നെ, നാ​ട​കം വേ​ണ്ടെ​ന്നു പ​റ​ഞ്ഞ് എ​സ്എ​ച്ച്ഒ ആ​യി​രു​ന്ന പ്ര​താ​പ​ച​ന്ദ്ര​ൻ പി​ടി​ച്ചു​ത​ള്ളി​യെ​ന്നാ​ണ് ഷൈ​മോ​ളു​ടെ പ​രാ​തി. തു​ട​ർ​ന്ന് ക​ര​ഞ്ഞു​കൊ​ണ്ട് എ​സ്എ​ച്ച്ഒ​യെ ത​ള്ളി​മാ​റ്റാ​ൻ ശ്ര​മി​ച്ച ഷൈ​മോ​ളു​ടെ ക​ര​ണ​ത്ത് അ​യാ​ൾ ആ​ഞ്ഞ​ടി​ക്കു​ക​യാ​യി​രു​ന്നു.

യു​വ​തി​യെ​യും അ​വ​രെ ത​ല്ലു​ന്ന​തു ക​ണ്ട് ത​ല​യി​ൽ കൈ​വ​ച്ചു നി​ല​വി​ളി​ക്കു​ന്ന ഭ​ർ​ത്താ​വി​നെ​യും മ​ർ​ദി​ക്കു​ന്ന എ​സ്എ​ച്ച്ഒ​യു​ടെ​യും കാ​ഴ്ച​ക്കാ​രാ​യ മ​റ്റു പോ​ലീ​സു​കാ​രു​ടെ​യും ദൃ​ശ്യം കേ​ര​ള​ത്തെ അ​സ്വ​സ്ഥ​മാ​ക്കു​ന്നു. അ​ത് ഒ​രു പോ​ലീ​സ് സ്റ്റേ​ഷ​നെ​യോ​ർ​ത്തു മാ​ത്ര​മ​ല്ല; ആ ​ദൃ​ശ്യം മ​റ​ച്ചു​വ​ച്ച് കു​റ്റ​വാ​ളി​യെ സം​ര​ക്ഷി​ക്കാ​ൻ കാ​ക്കി​ക്കാ​രും അ​വ​രു​ടെ സം​ര​ക്ഷ​ക​രും ചേ​ർ​ന്നു ന​ട​ത്തി​യ കു​റ്റ​ക​ര​മാ​യ പ​ങ്കാ​ളി​ത്ത​ത്തെ​യും ഓ​ർ​ത്താ​ണ്. കേ​ര​ള​ത്തി​ലെ മെ​ച്ച​പ്പെ​ടു​ത്താ​നാ​കാ​ത്ത ക്ര​മ​സ​മാ​ധാ​ന​ത്തി​ന്‍റെ അ​ടി​സ്ഥാ​ന കാ​ര​ണം ഈ ​പ​ങ്കാ​ളി​ത്ത​മാ​ണ്. ഇ​തേ പ​ങ്കാ​ളി​ത്ത​മാ​ണ് മു​ന്പും നി​ര​വ​ധി പ​രാ​തി​ക​ളു​ണ്ടാ​യി​ട്ടും പ്ര​താ​പ​ച​ന്ദ്ര​ൻ എ​ന്ന മ​ർ​ദ​ക​നെ സ​ർ​വീ​സി​ൽ തു​ട​രാ​ൻ അ​നു​വ​ദി​ച്ച​ത്.

ബെ​ൻ​ജോ​യ്ക്കെ​തി​രേ​യു​ള്ള കേ​സും മ​റ്റൊ​രു ദൃ​ശ്യ​ത്തി​ന്‍റെ പേ​രി​ലാ​ണ്. നോ​ര്‍​ത്ത് റെ​യി​ല്‍​വേ സ്റ്റേ​ഷ​നു സ​മീ​പ​ത്തെ ബെ​ന്‍​ജോ​യു​ടെ ടൂ​റി​സ്റ്റ് ഹോ​മി​നു പ​രി​സ​ര​ത്ത് മ​ഫ്തി​യി​ലെ​ത്തി​യ പോ​ലീ​സ് ര​ണ്ടു​പേ​രെ മ​ര്‍​ദി​ച്ച​ത് അ​ദ്ദേ​ഹം ഫോ​ണി​ല്‍ ചി​ത്രീ​ക​രി​ച്ചു. പോ​ലീ​സി​ന്‍റെ ജോ​ലി ത​ട​സ​പ്പെ​ടു​ത്തി​യെ​ന്ന് ആ​രോ​പി​ച്ചാ​യി​രു​ന്നു ന​ട​പ​ടി. അ​താ​യ​ത്, പോ​ലീ​സ് മ​ർ​ദി​ക്കു​ന്ന​ത​ല്ല, അ​തി​ന്‍റെ ദൃ​ശ്യം പ​ക​ർ​ത്തു​ന്ന​താ​ണ് കു​റ്റം. ഈ ​പോ​ലീ​സു​കാ​രു​ടെ ശൗ​ര്യം പ​ക്ഷേ, ചെ​ല​വാ​കു​ന്നി​ട​ത്തേ​യു​ള്ളൂ. എ​ത്ര വ​ലി​യ കു​റ്റ​വാ​ളി​ക​ളാ​ണെ​ങ്കി​ലും ഭ​രി​ക്കു​ന്ന​വ​രു​മാ​യോ മ​റ്റു രാ​ഷ്‌​ട്രീ​യ സ്വാ​ധീ​ന​മു​ള്ള​വ​രു​മാ​യോ ബ​ന്ധ​മു​ണ്ടെ​ന്നു ക​ണ്ടാ​ൽ പ​ല​രു​ടെ​യും മു​ട്ടി​ടി​ക്കും.

ഇ​ത്ത​രം വി​ധേ​യ​ന്മാ​രി​ൽ പ്ര​സാ​ദി​ക്കു​ന്ന അ​ധി​കാ​രി​ക​ളെ ധി​ക്ക​രി​ക്കാ​ൻ, ഇ​ച്ഛാ​ശ​ക്തി​യു​ള്ള ഉ​ദ്യോ​ഗ​സ്ഥ​ർ​ക്കും ക​ഴി​യ​ണ​മെ​ന്നി​ല്ല. സ​ർ​ക്കാ​രി​ന്‍റെ കൈ​യി​ൽ ക്രി​മി​ന​ൽ പോ​ലീ​സി​ന്‍റെ വ​ലി​യൊ​രു പ​ട്ടി​ക​യു​ണ്ട്. 2022ൽ ​നി​യ​മ​സ​ഭ​യി​ൽ വെ​ളി​പ്പെ​ടു​ത്തി​യ​ത​നു​സ​രി​ച്ച് 828 പേ​ർ! അ​തി​പ്പോ​ൾ ആ​യി​രം ക​വി​ഞ്ഞി​ട്ടു​ണ്ടാ​കും. വി​ര​ലി​ലെ​ണ്ണാ​വു​ന്ന​വ​രെ​യാ​ണ് പി​രി​ച്ചു​വി​ട്ടി​ട്ടു​ള്ള​ത്. ബാ​ക്കി​യു​ള്ള കു​റ്റ​വാ​ളി​ക​ളെ വ​ച്ചു​കൊ​ണ്ട് "ക്ര​മ​സ​മാ​ധാ​ന പാ​ല​നം' തു​ട​രു​ന്ന​തി​നി​ടെ​യാ​ണ് ചി​ല ദൃ​ശ്യ​ങ്ങ​ൾ മാ​ത്രം പു​റ​ത്തു​വ​രു​ന്ന​ത്.

ബെ​ൻ​ജോ ത​ന്‍റെ ലോ​ഡ്ജി​ൽ ഒ​രു യു​വ​തി​യെ ത​ല്ലി​യെ​ന്ന പേ​രി​ൽ മ​റ്റൊ​രു വീ​ഡി​യോ​യും പ്ര​ച​രി​ക്കു​ന്നു​ണ്ട്. അ​തി​ൽ ക​ഴ​ന്പു​ണ്ടെ​ങ്കി​ൽ അ​തു വേ​റെ കേ​സ്. ഒ​ന്ന് മ​റ്റൊ​ന്നി​നെ നി​ർ​വീ​ര്യ​മാ​ക്കേ​ണ്ട​തി​ല്ല. നാ​ലു മാ​സം മു​ന്പാ​ണ്, യൂ​ത്ത് കോ​ൺ​ഗ്ര​സ് നേ​താ​വ് വി.​എ​സ്. സു​ജി​ത്തി​നെ കു​ന്നം​കു​ളം പോ​ലീ​സ് സ്റ്റേ​ഷ​നി​ൽ​വ​ച്ച് പോ​ലീ​സു​കാ​ർ കു​നി​ച്ചു​നി​ർ​ത്തി ഇ​ടി​ക്കു​ന്ന ദൃ​ശ്യം പു​റ​ത്തു​വ​ന്ന​ത്.

2023 ഏ​പ്രി​ലി​ൽ ന​ട​ത്തി​യ മ​ർ​ദ​ന​ത്തി​ന്‍റെ ദൃ​ശ്യ​വും പോ​ലീ​സി​ൽ​നി​ന്നു ല​ഭി​ച്ച​ത് കോ​ട​തി ഇ​ട​പെ​ട്ട​തി​നു​ശേ​ഷ​മാ​ണ്. പോ​ലീ​സി​നെ​തി​രേ പ​രാ​തി​യൊ​ന്നും കൊ​ടു​ക്കാ​ൻ ശേ​ഷി​യോ ധൈ​ര്യ​മോ ഇ​ല്ലാ​ത്ത എ​ത്ര​യോ മ​നു​ഷ്യ​ർ “കി​ട്ടി​യ​തും വാ​ങ്ങി’’ പോ​യി​രി​ക്കു​ന്നു. എ​ത്ര​യോ മ​നു​ഷ്യ​രെ പോ​ലീ​സി​ലെ സാ​മൂ​ഹി​ക​വി​രു​ദ്ധ​ർ കാ​ണാ​മ​റ​യ​ത്തി​ട്ട് ഉ​പ​ദ്ര​വി​ച്ചി​രി​ക്കു​ന്നു. കാ​ക്കി​യി​ടാ​ത്ത സം​ര​ക്ഷ​ക​രാ​ണ് ഈ ​അ​ധോ​ലോ​ക​ത്തെ വ​ള​ർ​ത്തു​ന്ന​ത്.

വേ​ണ്ട​പ്പെ​ട്ട ക്രി​മി​ന​ലു​ക​ളെ ര​ക്ഷാ​പ്ര​വ​ർ​ത്ത​ക​രാ​ക്കു​ക​യും ക​ണ്ണി​ൽ പൊ​ടി​യി​ടാ​ൻ സ​സ്പെ​ൻ​ഷ​ൻ പ്ര​ഖ്യാ​പി​ക്കു​ക​യും ചെ​യ്യു​ന്ന ആ​ഭി​ചാ​ര​ക്രി​യ​കൊ​ണ്ട് പോ​ലീ​സി​ലെ കു​റ്റ​വാ​ളി​ക​ളെ ഒ​ഴി​പ്പി​ക്കാ​നാ​കി​ല്ല. അ​തി​ന് ഒ​രു​ത്ത​ര​വ് മ​തി, ആ ​പ​ട്ടി​ക​യി​ലു​ള്ള​വ​രെ ഇ​തി​നാ​ൽ സേ​ന​യി​ൽ​നി​ന്നു പി​രി​ച്ചു​വി​ട്ടി​രി​ക്കു​ന്നു എ​ന്ന ഒ​രേ​യൊ​രു ഉ​ത്ത​ര​വ്. സ​ത്യ​സ​ന്ധ​രും പ​ക്ഷ​പാ​തി​ക​ള​ല്ലാ​ത്ത​വ​രും നി​യ​മ​ത്തെ മാ​നി​ക്കു​ന്ന​വ​രു​മാ​യ പോ​ലീ​സു​കാ​രു​ടെ ആ​ത്മാ​ഭി​മാ​നം വ​ർ​ധി​പ്പി​ക്കാ​നും അ​തു മ​തി. കൊ​ച്ചി​യി​ലെ​ങ്കി​ലും തു​ട​ങ്ങു​മോ?

Tags : kochi police custody beating