ഇ​രി​ട്ടി: കണ്ണൂർ അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ബാ​രാ​പോ​ൾ മാ​ക്ക​ണ്ട​യി​ൽ നാ​ലു പ​ശു​ക്ക​ളെ വ​ന്യ​ജീ​വി ക​ടി​ച്ചു കൊ​ന്നു. പു​ല്ലാ​ട്ട് കു​ന്നേ​ൽ രാ​കേ​ഷി​ന്‍റെ ഫാ​മി​ലെ തൊഴുത്തിൽ കെട്ടിയിരുന്ന പ​ശു​ക്ക​ളെ​യാ​ണ് വ​ന്യ​ജീ​വി ക​ടി​ച്ചു കൊ​ന്ന​ത്. ഇന്നു രാവിലെയായിരുന്നും സംഭവം.

പശുക്കളെ കൊലപ്പെടുത്തിയത് കടുവയോ പുലിയോ ആകാമെന്നാണ് ഫാം ഉടമ രാകേഷും പ്രദേശവാസികളും പറയുന്നത്. വൃക്കരോഗിയായ രാകേഷിന്‍റെ ഉപജീവന മാർഗമായിരുന്നു പശുവളർത്തൽ. വനമേഖലയായ ഇവിടെ പുലിയുൾപ്പടെയുള്ള വന്യജീവികളുണ്ടെന്ന കാര്യം അധികൃതരെ പലതവണ അറിയിച്ചും നടപടികൾ ഒന്നുമുണ്ടായില്ലെന്ന് ആരോപണമുണ്ട്.

വകുപ്പധികൃതർ കാട്ടിയ അനാസ്ഥയാണ് നാലു പശുക്കളുടെ ജീവനെടുത്തതെന്നും പ്രദേശവാസികൾ ആരോപിക്കുന്നു. രണ്ടു മാസം മുമ്പ് വാണിയപ്പാറത്തട്ട് പാറയ്ക്കാമലയിലും വന്യജീവി പശുവിനെ കൊന്നു തിന്നിരുന്നു. ഈ മേഖലയിൽനിന്നു വളർത്തു നായകളെ കാണാതായ സംഭവവും ഉണ്ടായിരുന്നു.
പശുക്കളെ വന്യജീവി കൊന്ന ഫാം സണ്ണി ജോസഫ് എംഎൽഎ, ​ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ബി​നോ​യ് കു​ര്യ​ൻ, പ​ഞ്ചാ​യ​ത്ത് പ്ര​സി​ഡ​ന്‍റ് മി​നി വി​ശ്വ​നാ​ഥ​ൻ, വൈ​സ് പ്ര​സി​ഡന്‍റ് കെ.​സി. ചാ​ക്കോ പ​ഞ്ചാ​യ​ത്ത് അം​ഗ​ങ്ങ​ൾ, വനംവകുപ്പ് ജീവനക്കാർ എ​ന്നി​വ​ർ സ​ന്ദ​ർ​ശി​ച്ചു.

പ്രദേശമാകെ ഭീതിയിൽ

 തൊ​ഴു​ത്തി​ൽ കെ​ട്ടി​യി​രു​ന്ന നാ​ലു പ​ശു​ക്ക​ളെ​യും വന്യജീവി കടിച്ചു കൊന്നതോടെ പ്രദേശമാകെ ആശങ്കയിലും ഭീതിയിലുമാണ്. കടുവയാകാം പശുക്കളെ കൊന്നതെന്ന അഭിപ്രായമുയരുമ്പോൾ നാലു പശുക്കളെയും ആക്രമിച്ചു കൊല്ലുമോ എന്ന ചോദ്യവും ബാക്കിയാകുന്നുണ്ട്. ക​ടു​വ​ക​ൾ കൂ​ട്ട​മാ​യി ഇ​റ​ങ്ങാ​റി​ല്ലെന്നതും ഒരു ഇരയെ ലക്ഷ്യം വച്ചാൽ അതിനെ മാത്രം പിടിക്കുന്ന രീതിയാണ് കടവുയുടേത്. അതുകൊണ്ടുതന്നെ പശുക്കളെ കൊന്നത് കടുവയാകാൻ സാധ്യതയില്ലന്ന അഭിപ്രായവുമുണ്ട്. മേഖലയിൽ വന്യജീവികളുടെ സാന്നിധ്യം ദിനംപ്രതി വർധിച്ചു വരുന്നതായാണ് പ്രദേശവാസികൾ പറയുന്നത്. വളർത്തു മൃഗങ്ങളെ ആക്രമിച്ച വന്യജീവി വരും ദിവസങ്ങളിൽ മനുഷ്യർക്കു നേരേ തിരിയുമോ എന്ന ഭീതിയിലാണ് ജനങ്ങൾ.

Tags : cows killed tiger attack leopard forest kannur forest department