പാലക്കാട്: വെള്ളാപ്പള്ളി നടേശനെതിരെ രൂക്ഷ വിമർശനവുമായി സിപിഐ. വെള്ളാപ്പള്ളിയെ ചുമക്കുന്നത് ഇടതുമുന്നണിക്ക് ബാധ്യതയാകുമെന്നാണ് സിപിഐ ജില്ലാ കമ്മിറ്റിയിൽ ഉയർന്ന വിമർശനം. സിപിഐ പാലക്കാട് ജില്ലാ കമ്മിറ്റി യോഗത്തിലാണ് വിമർശനം.
എസ്എൻഡിപി യോഗം കേരള ചരിത്രത്തിന്റെ ഭാഗമാണെന്നും എന്നാൽ അത്തരം ഇടപെടലല്ല ഇപ്പോൾ വെള്ളാപ്പള്ളിയുടെ നേതൃത്വത്തിന് കീഴിൽ നടക്കുന്നതെന്നും പാലക്കാട് ജില്ലാ കമ്മിറ്റി ആരോപിച്ചു.
വെള്ളാപ്പള്ളിയുമായുള്ള ചങ്ങാത്തം മതന്യൂനപക്ഷങ്ങൾക്ക് ഇടതുപക്ഷത്തിനെതിരെ സംശയമുയരാൻ കാരണമാകും. വിഷയത്തിൽ അതീവ ജാഗ്രത പുലർത്തണമെന്നും സിപിഐ മുന്നറിയിപ്പ് നൽകുന്നു.
Tags : Vellapalli natesan sndp cpi cpm ldf