ഹരിപ്പാട്: കെഎസ്ആർടിസി സൂപ്പർ ഫാസ്റ്റ് ബസ് ബൈക്കിൽ ഇടിച്ചു രണ്ടു യുവാക്കൾ മരിച്ചു. കുമാരപുരം പഞ്ചായത്ത് ആറാം വാർഡിൽ ചേടുവള്ളിൽ കിഴക്കതിൽ പ്രദീപ് കുമാർ ഗിരിജ എന്നിവരുടെ മകൻ ഗോകുൽ (25), ശ്രീനിലയത്തിൽ ശ്രീകുമാർ തുളസി എന്നിവരുടെ മകൻ ശ്രീനാഥ് (25) എന്നിവരാണ് മരിച്ചത്.

ഞായറാഴ്ച രാത്രി 11ന് ഹരിപ്പാട് താലൂക്ക് ആശുപത്രിക്ക് പടിഞ്ഞാറ് യൂണിയൻ ബാങ്കിന് സമീപമാണ് അപകടം നടന്നത്. ഹരിപ്പാട്ടെ ഹോട്ടലിൽ നിന്നും ഭക്ഷണം കഴിച്ച ശേഷം വീട്ടിലേക്ക് പോകുന്നതിനിടയിൽ തിരുവനന്തപുരത്തേക്ക് പോവുകയായിരുന്ന സൂപ്പർഫാസ്റ്റ് ബസ് ഇവരുടെ ബൈക്കിൽ ഇടിക്കുകയായിരുന്നു.

തലയ്ക്ക് ഗുരുതരമായി പരിക്കേറ്റ ഇരുവരും തത്ക്ഷണം മരിച്ചു. മൃതദേഹങ്ങൾ ഹരിപ്പാട് താലൂക്ക് ആശുപത്രി മോർച്ചറിയിൽ.

Tags : KSRTC Accident