കൊച്ചി: ഇതര സംസ്ഥാനക്കാരിയെ കഞ്ചാവുമായി പോലീസ് അറസ്റ്റ് ചെയ്തു. പള്ളിപ്രം ചെറുവേലിക്കുന്നിൽ വാടകയ്ക്ക് താമസിക്കുന്ന പശ്ചിമ ബംഗാൾ മുർഷിദാബാദ് സ്വദേശിനി അരുണ കത്തൂൻ ബിബി (35) ആണ് അറസ്റ്റിലായത്.
രഹസ്യ വിവരത്തെ തുടർന്ന് നടത്തിയ പരിശോധനയിൽ ഇവർ വാടകയ്ക്ക് താമസിക്കുന്ന വീട്ടിൽ നിന്നും 2.995 കിലോഗ്രാം കഞ്ചാവ് പിടിച്ചെടുത്തെന്ന് പെരുമ്പാവൂർ പോലീസ് പറഞ്ഞു.
അരുണയ്ക്കെതിരെ നെടുമ്പാശേരി പോലീസ് സ്റ്റേഷനിലും സമാനമായ കേസ് നിലവിലുണ്ട്. ഇവർക്ക് എവിടെ നിന്ന് കഞ്ചാവ് ലഭിച്ചുവെന്നറിയാൻ പോലീസ് അന്വേഷണം ആരംഭിച്ചു.