ഇടുക്കി: സിപിഎം വിട്ട് ​ബിജെപിയിൽ ചേർന്ന മുൻ എംഎൽഎ എസ്. രാജേന്ദ്രനെതിരെ എം.എം. മണി എംഎൽഎ. രാജേന്ദ്രനെ കൈ കാര്യം ചെയ്യണമെന്നാണ് മണിയുടെ പരാമർശം.

സിപിഎം പൊതുപരിപാടിയിലാണ് മണിയുടെ വാക്കുകൾ. രാജേന്ദ്രനെ എല്ലാ കാലത്തും എംഎൽഎ ആയി ചുമക്കാൻ സിപിഎമ്മിന് കഴിയുമോ എന്നും മണി ചോദിച്ചു. പാർട്ടിയോട് രാജേന്ദ്രൻ നന്ദി കാണിക്കണം.

ജില്ലാ പഞ്ചായത്ത് പ്രസിഡന്‍റ് ആക്കി. മൂന്ന് തവണ എംഎൽഎ ആക്കി. പെൻഷൻ അടക്കം ആനുകൂല്യം പറ്റിയിട്ട് പാർട്ടിയെ വെല്ലുവിളിച്ചാൽ കൈകാര്യം ചെയ്യണം. അത് ചെയ്യുന്നത് താനാണെങ്കിലും അതാണ് നിലപാടെന്നും മണി പറഞ്ഞു.

Tags : MM Mani s. rajendran cpm bjp