കൊച്ചി: പഞ്ചായത്തില്പോലും മത്സരിക്കാന് യോഗ്യതയില്ലാത്ത ആളുകളെ നിയമസഭയിലേക്ക് പരിഗണിക്കുന്നുവെന്ന വാര്ത്തകള് നിരന്തരം വരുന്നുണ്ടെങ്കിലും സീറ്റ് ചര്ച്ചകളിലേക്ക് യുഡിഎഫ് കടന്നിട്ടില്ലെന്ന് രമേശ് ചെന്നിത്തല. യുവാക്കള്ക്ക് അര്ഹമായ പരിഗണന നല്കണമെന്നതാണ് തന്റെ നിലപാട്.
കോണ്ഗ്രസ് എല്ലാകാലത്തും ചെറുപ്പക്കാര്ക്കും വനിതകള്ക്കും സീറ്റ് കൊടുത്തിട്ടുണ്ട്. ജോസ് കെ. മാണിയുടെ പാര്ട്ടിയെ തിരിച്ച് യുഡിഎഫിലേക്ക് കൊണ്ടുവരുന്നതിനെക്കുറിച്ച് ഇതുവരെ ആലോചനയുണ്ടായിട്ടില്ല.
സീറോ മലബാര് സഭാ ആസ്ഥാനത്ത് പ്രതിപക്ഷനേതാവ് പോയതും സംസാരിച്ചതും താന് അടക്കമുള്ള നേതാക്കളുടെ അറിവോടു കൂടിയാണ്. അതില് യാതൊരു തെറ്റുമില്ല. പി.വി. അന്വറിന് സീറ്റ് കൊടുക്കണമോ എന്ന കാര്യം പാര്ട്ടി ആലോചിച്ച് തീരുമാനിക്കുമെന്നും അദ്ദേഹം പറഞ്ഞു.
Tags : Chennithala Remesh Chennithala candidates niyamasabha election