കൊച്ചി: വരാപ്പുഴയിൽ വാഹനം മോഷ്ടിച്ച പ്രതികൾ പിടിയിൽ. കാസർഗോഡ് പുത്തൂർ ഇഷാം മൻസിലിൽ മുഹമ്മദ് ഇഷാം എന്നറിയപ്പെടുന്ന ഷമീഹ് - 22, തൃശൂർ ചാവക്കാട് മണത്തല മാത്രം കോട്ട് അമൽ -24, ചേർത്തല ത്രിച്ചാട്ടുകുളം കൊല്ലപറമ്പിൽ വീട്ടിൽ അൻസിൽ -23 എന്നിവരാണ് വരാപ്പുഴ പോലീസിന്‍റെ പിടിയിലായത്.

വരാപ്പുഴ ചേരപ്പാടം ഭാഗത്തുള്ള സുഫിലിന്‍റെ വീട്ടിൽ നിന്നും ഡിസംബർ ഒൻപതിന് രാത്രി വീടിന്‍റെ പോർച്ചിൽ ഉണ്ടായിരുന്ന ബൈക്ക് പ്രതികൾ മോഷ്ടിച്ച് കടന്നു കളയുകയായിരുന്നു. പോലീസ് അന്വേഷണം നടക്കുന്നതിനിടെ മോഷണം പോയ ബൈക്ക് കാസർഗോഡ് ഭാഗത്ത് വച്ച് അപകടത്തിൽപ്പെട്ടിരുന്നു. പ്രതികൾ മയക്കുമരുന്ന്, മോഷണം ഉൾപ്പെടെ നിരവധി കേസുകളിൽ പ്രതികളാണ്.

മുനമ്പം ഡിവൈഎസ്പി എസ്. ജയകൃഷ്ണന്‍റെ മേൽനോട്ടത്തിൽ വരാപ്പുഴ ഇൻസ്പെക്ടർ സുധീഷ് കുമാറിന്‍റെ നേതൃത്വത്തിൽ എസ്ഐമാരായ ഷെറി, ബിജു, സുഭാഷ്, എഎസ്ഐമാരായ ലോഹിതാക്ഷൻ, ബിജു സീനിയർ സിപിഒമാരായ രാഹുൽ, ജിതിൻ അശോക് എന്നിവരുൾപ്പെട്ട അന്വേഷണ സംഘമാണ് പ്രതികളെ പിടികൂടിയത്.

Tags : Stolen bike accident Police arrest