കോ​​ട്ട​​യം: പണം വാങ്ങി, ഒന്നിച്ചു ജീവിക്കാമെന്ന ഉറപ്പിൽ നന്നായി പ്രവർത്തിച്ചുകൊണ്ടിരുന്ന ട്യൂഷൻ സെന്‍റർ അടച്ചുപൂട്ടി യുവതിക്കൊപ്പം ചെന്നു, വീടു പണി കഴിഞ്ഞതോടെ യുവതി നിലപാട് മാറ്റി. കാഞ്ഞിരപ്പള്ളിയിൽ യുവതിയെ കൊലപ്പെടുത്തി യുവാവ് ജീവനൊടുക്കിയ സംഭവത്തിൽ കൂടുതൽ വിവരങ്ങൾ പുറത്ത്.

കാ​​ഞ്ഞി​​ര​​പ്പ​​ള്ളി കൂ​​വ​​പ്പ​​ള്ളി​​യി​​ല്‍ ഒ​​രു​​മി​​ച്ചു ക​​ഴി​​ഞ്ഞി​​രു​​ന്ന യു​​വാ​​വാണ് യു​​വ​​തി​​യെ കൊ​​ല​​പ്പെ​​ടു​​ത്തി ജീവനൊടുക്കിയത്. സാമ്പ​ത്തി​ക ത​ർ​ക്കമാണ് കൊ​ല​പാ​ത​ക കാ​ര​ണ​മെ​ന്നും മ​​റ്റ് ദു​​രൂ​​ഹ​​ത​​ക​​ളി​​ല്ലെ​​ന്നും പോ​​ലീ​​സും അറിയിച്ചു. ഇ​​ടു​​ക്കി ക​​ല്ലാ​​ര്‍ സ്വ​​ദേ​​ശി ഷേ​​ര്‍​ളി മാ​​ത്യു(45)വി​​നെ കോ​​ട്ട​​യം ആ​​ലും​​മൂ​​ട് സ്വ​​ദേ​​ശി ജോ​​ബ് സ​​ക്ക​​റി​​യ (38) ക​​ഴു​​ത്തു മു​​റി​​ച്ചു കൊ​​ല​​പ്പെ​​ടു​​ത്തി​​യ ​​ശേ​​ഷം ജീവനൊടുക്കിയതാണെന്നു പോ​​ലീ​​സ് സ്ഥി​​രീ​​ക​​രി​​ച്ചു.

സോഷ്യൽ മീഡിയ വഴിയാണ് ഇരുവരും പരിചയപ്പെട്ടത്. കൂ​​വ​​പ്പ​​ള്ളി​​യി​​ല്‍ ഷേ​​ര്‍​ലി ആ​​റു മാ​​സം മു​​മ്പ് വീ​​ടു വ​​ച്ച​​ശേ​​ഷം ഇ​​രു​​വ​​രും ഒ​​രു​​മി​​ച്ചാ​​യി​​രു​​ന്നു താ​​മ​​സം. വീ​​ടു പ​​ണി​​യാ​​നു​​ള്‍​പ്പെ​​ടെ ജോ​​ബി​​ല്‍​നി​​ന്ന് 15 ല​​ക്ഷ​​ത്തോ​​ളം രൂ​​പ വാ​​ങ്ങി​​യിരുന്നു. വീടു പണി കഴിഞ്ഞ ശേഷം ഇ​​യാ​​ളെ ഒ​​ഴി​​വാ​​ക്കാ​​ന്‍ മ​​റ്റൊ​​രാ​​ളു​​മാ​​യി നാ​​ലു മാ​​സം മു​​മ്പു ഷേ​​ര്‍​ലി അ​​ടു​​പ്പ​​മു​​ണ്ടാ​​ക്കി​​യ​​താണ് കൊ​​ല​​യ്ക്കു കാ​​ര​​ണ​​മാ​​യ​​തെ​​ന്നു പോ​​ലീ​​സ് പ​​റ​​ഞ്ഞു.

ജോ​​ബി​​നോ​​ട് കൂ​​വ​​പ്പ​​ള്ളി​​യി​​ലേ​​ക്ക് ഇ​​നി ചെ​​ല്ല​​രു​​തെ​​ന്നും ഒ​​രു​​മി​​ച്ചു ക​​ഴി​​യാ​​ന്‍ താ​​ത്പ​​ര്യ​​മി​​ല്ലെ​​ന്നും ഷേർളി നിലപാട് സ്വീകരിച്ചതോടെ ജോബ് പ്രകോപിതനായി. ഷേർളിയോടൊപ്പം ഒരുമിച്ചു കഴിയാമെന്നു കരുതിയായിരുന്നു ഇയാൾ വീടു പണിക്കും മറ്റുമായി തന്‍റെ ബാങ്ക് നിക്ഷേപമെടുത്തു നൽകിയത്. ഇതുകൂടാതെ ജോ​​ബ് കോ​​ട്ട​​യം താ​​ഴ​​ത്ത​​ങ്ങാ​​ടി​​യി​​ല്‍ വ​​ലി​​യ വ​​രു​​മാ​​ന​​ത്തോ​​ടെ ന​​ട​​ത്തി​​യി​​രു​​ന്ന ട്യൂ​​ഷ​​ന്‍ സെ​​ന്‍റ​ര്‍ ക​​ഴി​​ഞ്ഞ വ​​ര്‍​ഷം പ്ര​​വ​​ര്‍​ത്ത​​നം നി​​ർ​ത്തി​​യി​​രു​​ന്നു. ഷേർളിയോടൊപ്പം പോയി താമസിക്കാനാണ് ട്യൂഷൻ സെന്‍റർ നിർത്തിയതെന്നു പറയുന്നു.

ഒഴിവാക്കൽ, കലഹം

ജോബിനെ ഒഴിവാക്കാൻ ഷേർളി ശ്രമിച്ചതോടെ ഇരുവരും തമ്മിൽ കലഹമായി. പണം തിരികെ കിട്ടിയേ മതിയാകൂ എന്നായിരുന്നു ജോബിന്‍റെ നിലപാട്. ഇതിനിടെ, കലഹം രൂക്ഷമായതോടെ
ജോ​​ബി​​നെ​​തി​​രേ കാ​​ഞ്ഞി​​ര​​പ്പ​​ള്ളി പോ​​ലീ​​സി​​ല്‍ ഷേർളി പ​​രാ​​തി ന​​ല്‍​കി. എ​​ന്നാ​​ല്‍, പോ​​ലീ​​സ് വി​​ശ​​ദ​​മാ​​യ ച​​ര്‍​ച്ച​​യ്ക്കു വി​​ളി​​ച്ച​​പ്പോ​​ള്‍ സ​​ഹ​​ക​​രി​​ക്കാ​​ന്‍ ഷേ​​ര്‍​ലി താ​ത്പ​​ര്യം കാ​​ണി​​ച്ചി​​ല്ല. ഇ​​തി​​നി​​ടെ, ത​​ന്‍റെ പ​​ണം ത​​ര​​ണ​​മെ​​ന്ന ക​​ടു​​ത്ത നി​​ല​​പാ​​ട് ജോ​​ബ് സ്വീ​​ക​​രി​​ച്ച​​തോ​​ടെ ഇ​​രു​​വ​​രും ത​​മ്മി​​ല്‍ പ്ര​​ശ്‌​​നം വളഷായി. ഇതിനിടെ, ഷേ​​ര്‍​ലി മാ​​ന​​സി​​ക അ​​സ്വാ​​സ്ഥ്യത്തിന്‍റെ ലക്ഷണങ്ങൾ കാണിച്ചതിനെത്തുടർന്നു ജോ​​ബും ഷേ​​ര്‍​ലി​​യു​​ടെ ആ​​ദ്യ ഭ​​ര്‍​ത്താ​​വി​​ന്‍റെ മ​​ക​​നും ചേ​​ര്‍ന്നു കൊ​​ച്ചി​​യി​​ല്‍ ആ​​ശു​​പ​​ത്രി​​യി​​ലേ​​ക്കു കൊണ്ടുപോ​​യി. ആ ​​യാ​​ത്ര​​യി​​ലും തി​​രി​​കെ വ​​ന്ന ശേ​​ഷ​​വും ഇ​​രു​​വ​​രും ത​​മ്മി​​ല്‍ ക​​ല​​ശ​​ലാ​​യ ബ​​ഹ​​ള​​മു​​ണ്ടാ​​യി.

ജോ​​ബ് ത​​ന്നെ വ​​ക വ​​രു​​ത്തു​​മെ​​ന്ന് അ​​ടു​​ത്തി​​ടെ പ​​രി​​ച​​യ​​ത്തി​​ലാ​​യ സു​​ഹൃ​​ത്തി​​നെ ഞാ​​യ​​റാ​​ഴ്ച വൈ​​കു​​ന്നേ​​രം അ​​ഞ്ചി​​നു ഷേ​​ര്‍​ളി ഫോ​​ണി​​ല്‍ അ​​റി​​യി​​ച്ചി​​രു​​ന്നു. തി​​രി​​കെ വി​​ളി​​ച്ചി​​ട്ടും ഫോ​​ണ്‍ എ​​ടു​​ക്കാ​​തെ വ​​ന്ന​​തോ​​ടെ​​യാ​​ണ് ഇ​​ദ്ദേ​​ഹമാണ് കാ​​ഞ്ഞി​​ര​​പ്പ​​ള്ളി പോ​​ലീ​​സ് സ്റ്റേ​​ഷ​​നി​​ലെ​​ത്തി വി​​വ​​രം അ​​റി​​യി​ച്ച​​തും തു​​ട​​ര്‍​ന്ന് വീ​​ട്ടി​​ല്‍ മൃ​​ത​​ദേ​​ഹ​​ങ്ങ​​ള്‍ ക​​ണ്ടെ​​ത്തി​​യ​​തും. സു​​ഹൃ​​ത്തി​​നെ പോ​​ലീ​​സ് ചോ​​ദ്യം ചെ​​യ്‌​​തെ​​ങ്കി​​ലും കൃ​​ത്യ​​ത്തി​​ല്‍ പ​​ങ്കി​​ല്ലെ​​ന്നു ക​​ണ്ട​​തി​​നാ​​ല്‍ വി​​ട്ട​​യ​​ച്ചു.

മൃ​ത​ദേ​ഹ​ങ്ങ​ൾ സം​സ്ക​രി​ച്ചു

കൂ​​വ​​പ്പ​​ള്ളി കു​​ള​​പ്പു​​റ​​ത്ത് യു​​വ​​തി​​യെ കൊ​​ല​​പ്പെ​​ടു​​ത്തി​​യ ശേ​​ഷം യു​​വാ​​വ് ജീവനൊടുക്കിയ സം​​ഭ​​വ​​ത്തി​​ൽ കൊ​​ല്ല​​പ്പെ​​ട്ട നെ​​ടു​​ങ്ക​​ണ്ടം ക​​ല്ലാ​​ർ തു​​രു​​ത്തി​​യി​​ൽ ഷേ​​ർ​​ലി മാ​​ത്യു (45), കോ​​ട്ട​​യം ആ​​ലും​​മൂ​​ട് കു​​രു​​ട്ടു​​പ​​റ​​മ്പി​​ൽ ജോ​​ബ് സ​​ക്ക​​റി​​യ (38) എ​​ന്നി​​വ​​രു​​ടെ മൃ​​ത​​ദേ​​ഹ​​ങ്ങ​​ൾ സം​​സ്‌​​ക​​രി​​ച്ചു. ഷേ​​ർ​​ലി​​യു​​ടെ മൃ​​ത​​ദേ​​ഹം പൊ​​ൻ​​കു​​ന്നം ചേ​​പ്പും​​പാ​​റ ശാ​​ന്തി​​തീ​​രം പൊ​​തു​​ശ്‌​​മ​​ശാ​​ന​​ത്തി​​ലും ജോ​​ബ് സ​​ക്ക​​റി​​യയുടെ മൃ​​ത​​ദേ​​ഹം കോ​​ട്ട​​യ​​ത്തു​​മാ​​ണ് സം​​സ്ക​​രി​​ച്ച​​ത്.

Tags : Murder kanjirappally police case suicide fraud job sherly