കേ​ന്ദ്ര കൃ​ഷി​മ​ന്ത്രി ശി​വ​രാ​ജ് സിം​ഗ് ചൗ​ഹാ​ൻ മേ​യി​ൽ പു​റ​ത്തി​റ​ക്കി​യ ര​ണ്ടു ‘ജീ​ൻ എ​ഡി​റ്റ​ഡ്’ നെ​ല്ലി​ന​ങ്ങ​ൾ രാ​ജ്യ​ത്തെ കാ​ർ​ഷി​ക ഗ​വേ​ഷ​ണ ച​രി​ത്ര​ത്തി​ലെ നാ​ഴി​ക​ക്ക​ല്ലാ​ണ്. ജീ​ൻ എ​ഡി​റ്റ​ഡ് നെ​ല്ലി​ന​ങ്ങ​ൾ വി​ക​സി​പ്പി​ച്ചെ​ടു​ത്ത ലോ​ക​ത്തി​ലെ ആ​ദ്യരാ​ജ്യ​മാ​യി ഇ​ന്ത്യ മാ​റി. ഇ​ന്ത്യ​ൻ കാ​ർ​ഷി​ക ഗ​വേ​ഷ​ണ കൗ​ൺ​സി​ൽ വി​ക​സി​പ്പി​ച്ചെ​ടു​ത്ത ഈ ​നെ​ല്ലി​ന​ങ്ങ​ൾ രാ​ജ്യ​ത്തു പു​തി​യ ഹ​രി​ത​വി​പ്ല​വ​ത്തി​നു തു​ട​ക്കം കു​റി​ക്കു​മെ​ന്നാ​ണ് കേ​ന്ദ്രസ​ർ​ക്കാ​രി​ന്‍റെ അ​വ​കാ​ശ​വാ​ദം.

ജീ​ൻ എ​ഡി​റ്റിം​ഗി​ന് ഇ​ള​വു​ക​ൾ

ആ​ഗോ​ള നെ​ല്ലു​ത്പാ​ദ​ന​ത്തി​ൽ ചൈ​ന​യെ ക​ട​ത്തി​വെ​ട്ടി ഇ​ന്ത്യ ഒ​ന്നാം​സ്ഥാ​ന​ത്തേ​ക്ക് ഉ​യ​ർ​ന്ന അ​വ​സ​ര​മാ​ണി​ത്. സ​ർ​ക്കാ​രി​ന്‍റെ ക​ണ​ക്കു​ക​ൾ പ്ര​കാ​രം 2024-25ൽ ​രാ​ജ്യ​ത്തെ നെ​ല്ലു​ത്പാ​ദ​നം 149.07 ദ​ശ​ല​ക്ഷം ട​ണ്ണാ​യി​രു​ന്നു. യു​എ​സ്ഡി​എയു​ടെ ക​ണ​ക്കു​ക​ൾ പ്ര​കാ​രം 2024-25ൽ ​ചൈ​ന​യു​ടെ നെ​ല്ലു​ത്പാ​ദ​നം 145.25 ദ​ശ​ല​ക്ഷം ട​ണ്ണും. ഹ​രി​ത​വി​പ്ല​വം അ​ര​ങ്ങേ​റു​ന്ന​തി​നു തൊ​ട്ടു​മു​മ്പ് 1965-66ൽ 31 ​ദ​ശ​ല​ക്ഷം ട​ണ്ണാ​യി​രു​ന്ന സ്ഥാ​ന​ത്തു​നി​ന്നാ​ണ് ആ​റു പ​തി​റ്റാ​ണ്ടു​കൊ​ണ്ട് നെ​ല്ലു​ത്പാ​ദ​നം അ​ഞ്ചി​ര​ട്ടി​യാ​യി കു​തി​ച്ചു​യ​ർ​ന്ന​ത്. പു​തി​യ നെ​ല്ലി​ന​ങ്ങ​ൾ ഗ​വേ​ഷ​ണ ത​ട്ടി​പ്പാ​ണെ​ന്ന് ആ​രോ​പി​ച്ച് ഒ​രു​വി​ഭാ​ഗം പ​രി​സ്ഥി​തി സം​ഘ​ട​ന​ക​ൾ രം​ഗ​ത്തെ​ത്തി​യി​രി​ക്കു​ക​യാ​ണ്.

ജ​നി​ത​ക വ്യ​തി​യാ​നം വ​രു​ത്തി​യ ജി​എം വി​ള​ക​ളി​ൽ​നി​ന്നു വ്യ​ത്യ​സ്ത​മാ​യി ജീ​ൻ എ​ഡി​റ്റ​ഡ് നെ​ല്ലി​ന​ങ്ങ​ളി​ൽ ബാ​ക്‌​ടീ​രി​യ​ക​ളി​ൽ​നി​ന്നോ അ​ന്യ​വി​ള​ക​ളി​ൽ​നി​ന്നോ എ​ടു​ത്ത ബാ​ഹ്യ ജീ​നു​ക​ളൊ​ന്നും സ​ന്നി​വേ​ശി​പ്പി​ച്ചി​ട്ടി​ല്ല. എ​സ്ഡി​എ​ൻ1 (സൈ​റ്റ് ഡ​യ​റ​ക്‌​ട​ഡ് ന്യൂ​ക്ലി​യേ​സ്1) എ​ന്ന ജീ​ൻ എ​ഡി​റ്റിം​ഗ് സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് നെ​ല്ലി​ന​ങ്ങ​ളു​ടെ ത​ന​ത് ജെ​നോ​മി​ൽ മാ​റ്റ​ങ്ങ​ൾ വ​രു​ത്തു​ക മാ​ത്ര​മാ​ണ് ശാ​സ്ത്ര​ജ്ഞ​ർ ചെ​യ്ത​ത്.

2022ൽ ​കേ​ന്ദ്ര സ​ർ​ക്കാ​ർ ജി​എം വി​ള​ക​ൾ​ക്കു ന​ട​ത്തു​ന്ന ക​ർ​ശ​ന​മാ​യ സു​ര​ക്ഷാ പ​രി​ശോ​ധ​ന​ക​ളു​ടെ പ​രി​ധി​യി​ൽ​നി​ന്ന് എ​സ്ഡി​എ​ൻ1, എ​സ്ഡി​എ​ൻ2 എ​ന്നീ ജീ​ൻ എ​ഡി​റ്റിം​ഗ് സാ​ങ്കേ​തി​ക​വി​ദ്യ​ക​ളെ ഒ​ഴി​വാ​ക്കി​യി​രു​ന്നു. ജീ​ൻ എ​ഡി​റ്റ​ഡ് വി​ള​ക​ൾ ആ​ദ്യഘ​ട്ട​ങ്ങ​ളി​ൽ ജി​എം വി​ള​ക​ൾ​ക്കു ബാ​ധ​ക​മാ​യ സു​ര​ക്ഷാ​ പ​രി​ശോ​ധ​ന​ക​ളി​ലൂ​ടെ ക​ട​ന്നു​പോ​ക​ണം. എ​ന്നാ​ൽ, പി​ന്നീ​ട് ചി​ല ഇ​ള​വു​ക​ളു​ണ്ട്. 1986ലെ ​പ​രി​സ്ഥി​തി സം​ര​ക്ഷ​ണ നി​യ​മ​ത്തി​ന്‍റെ ഭാ​ഗ​മാ​യി ജ​നി​ത​ക എ​ൻ​ജി​നി​യ​റിം​ഗ് ന​ട​ത്തി​യ ജീ​വി​ക​ൾ​ക്കു​വേ​ണ്ടി 1989ൽ ​രൂ​പം ന​ൽ​കി​യ ച​ട്ട​ത്തി​ലെ ഏ​ഴു മു​ത​ൽ 11 വ​രെ​യു​ള്ള വ​കു​പ്പു​ക​ൾ ജീ​ൻ എ​ഡി​റ്റ​ഡ് വി​ള​ക​ൾ​ക്കു ബാ​ധ​ക​മ​ല്ല. എ​ന്നാ​ൽ, അ​ന്തി​മ​മാ​യി പു​റ​ത്തി​റ​ക്കു​ന്ന​തി​നു​മു​മ്പ് ബാ​ഹ്യ ജീ​നു​ക​ളി​ല്ലെ​ന്നു തെ​ളി​യി​ക്കു​ക​യും ‘റി​വ്യു ക​മ്മി​റ്റി ഓ​ൺ ജ​ന​റ്റി​ക് മാ​നി​പു​ലേ​ഷ​ൻ’ എ​ന്ന കേ​ന്ദ്ര​സ​മി​തി​യു​ടെ അ​നു​മ​തി വാ​ങ്ങു​ക​യും വേ​ണം.

ക​മ​ല​യും പു​സ​യും

ജീ​ൻ എ​ഡി​റ്റിം​ഗ് 2001 മു​ത​ലു​ള്ള സാ​ങ്കേ​തി​ക​വി​ദ്യ​യാ​ണ്. നാ​ഷ​ണ​ൽ അ​ഗ്രി​ക്ക​ൾ​ച്ച​റ​ൽ സ​യ​ൻ​സ് ഫ​ണ്ട് ഉ​പ​യോ​ഗി​ച്ച് ജീ​ൻ എ​ഡി​റ്റ​ഡ് നെ​ൽ വി​ത്തി​ന​ങ്ങ​ൾ വി​ക​സി​പ്പി​ച്ചെ​ടു​ക്കാ​നു​ള്ള ഗ​വേ​ഷ​ണം 2018ലാ​ണ് ഇ​ന്ത്യ​ൻ കാ​ർ​ഷി​ക ഗ​വേ​ഷ​ണ കൗ​ൺ​സി​ൽ ആ​രം​ഭി​ച്ച​ത്. വി​ക​സി​പ്പി​ച്ചെ​ടു​ത്ത ര​ണ്ടു നെ​ല്ലി​ന​ങ്ങ​ൾ 2023, 2024 വ​ർ​ഷ​ങ്ങ​ളി​ൽ അ​ഖി​ലേ​ന്ത്യാ സം​യോ​ജി​ത നെ​ല്ല് ഗ​വേ​ഷ​ണ പ​ദ്ധ​തി​യു​ടെ ഭാ​ഗ​മാ​യി രാ​ജ്യ​ത്തെ വി​വി​ധ ഗ​വേ​ഷ​ണ കേ​ന്ദ്ര​ങ്ങ​ളി​ൽ വി​ള പ​രീ​ക്ഷ​ണ​ങ്ങ​ൾ​ക്കു വി​ധേ​യ​മാ​ക്കി. ഇ​തി​ൽ ക​മ​ല (ഡി​ആ​ർ​ആ​ർ ധ​ൻ 100) എ​ന്ന ഇ​നം ഹൈ​ദ​രാ​ബാ​ദി​ലെ ഇ​ന്ത്യ​ൻ നെ​ല്ല് ഗ​വേ​ഷ​ണ സ്ഥാ​പ​ന​മാ​ണു പു​റ​ത്തി​റ​ക്കി​യ​ത്. ഏ​റെ പ്ര​ചാ​ര​ത്തി​ലു​ള്ള സാം​ബ മ​ഷൂ​റി എ​ന്ന ഇ​ന​ത്തി​ൽ ജീ​ൻ എ​ഡി​റ്റിം​ഗ് ന​ട​ത്തി വി​ക​സി​പ്പി​ച്ചെ​ടു​ത്ത ക​മ​ല 20 ശ​ത​മാ​നം കൂ​ടു​ത​ൽ വി​ള​വു ന​ൽ​കും. ഹെ​ക്‌​ട​റി​ന് 5.37 ട​ണ്ണാ​ണ് ഉ​ത്പാ​ദ​നം.15-20 ദി​വ​സം നേ​ര​ത്തേ മൂ​പ്പെ​ത്തും. വ​ര​ൾ​ച്ച​യെ പ്ര​തി​രോ​ധി​ക്കും. കേ​ര​ള​ത്തി​ലും കൃ​ഷി ചെ​യ്യാം. വ​ർ​ൾ​ച്ച​യെ​യും ഉ​പ്പു​ര​സ​ത്തെ​യും ഒ​രു​പോ​ലെ പ്ര​തി​രോ​ധി​ക്കു​ന്ന നെ​ല്ലി​ന​മാ​ണ് ന്യൂ​ഡ​ൽ​ഹി​യി​ലെ ഇ​ന്ത്യ​ൻ അ​ഗ്രി​ക​ൾ​ച്ച​റ​ൽ റി​സ​ർ​ച്ച് ഇ​ൻ​സ്റ്റി​റ്റ‍്യൂ​ട്ട് വി​ക​സി​പ്പി​ച്ചെ​ടു​ത്ത പു​സ റൈ​സ് ഡി​എ​സ് ടി1. ​ക്ഷാ​ര​ഗു​ണ​മു​ള്ള മ​ണ്ണി​ലും വ​ള​രും. സാ​ധാ​ര​ണ മ​ണ്ണി​ൽ വ​ള​രു​മ്പോ​ഴും ന​ല്ല വി​ള​വു ല​ഭി​ക്കും.

കു​റ​ച്ചു വെ​ള്ളം, കൂ​ടു​ത​ൽ ഉ​ത്പാ​ദ​നം

ജീ​ൻ എ​ഡി​റ്റ​ഡ് നെ​ല്ലി​ന​ങ്ങ​ൾ രാ​ജ്യ​ത്തെ നെ​ൽ​കൃ​ഷി​യി​ൽ വ​ഴി​ത്തി​രി​വാ​കു​മെ​ന്ന് ഐ​സി​എ​ആ​ർ അ​വ​കാ​ശ​പ്പെ​ടു​ന്നു. ഇ​ന്ത്യ​യി​ലെ കൃ​ഷി​ഭൂ​മി​യു​ടെ 23 ശ​ത​മാ​ന​ത്തോ​ളം വ​രു​ന്ന 50 ദ​ശ​ല​ക്ഷ​ത്തോ​ളം ഹെ​ക്‌​ട​റി​ലാ​ണ് നെ​ൽ​കൃ​ഷി. ആ​ഗോ​ള നെ​ല്ലു​ത്പാ​ദ​ന​ത്തി​ന്‍റെ 27 ശ​ത​മാ​ന​വും ഇ​ന്ത്യ​യു​ടെ സം​ഭാ​വ​ന​യാ​ണ്. 2024-25ൽ ​ഇ​ന്ത്യ 19.86 ദ​ശ​ല​ക്ഷം ട​ൺ അ​രി ക​യ​റ്റു​മ​തി ചെ​യ്തു. രാ​ജ്യ​ത്തെ നെ​ല്ലു​ത്പാ​ദ​ന​ത്തി​ലു​ണ്ടാ​കു​ന്ന അ​പ്ര​തീ​ക്ഷി​ത തി​രി​ച്ച​ടി​ക​ൾ ലോ​ക​ത്തി​ന്‍റെ​ത​ന്നെ ഭ​ക്ഷ്യ​സു​ര​ക്ഷ​യെ അ​ട്ടി​മ​റി​ക്കും. കാ​ലാ​വ​സ്ഥാ വ്യ​തി​യാ​നം, ഭൂ​ഗ​ർ​ഭ ജ​ല​ത്തി​ന്‍റെ അ​മി​ത​മാ​യ ചൂ​ഷ​ണം, കു​റ​ഞ്ഞ വി​ഭ​വ വി​നി​യോ​ഗശേ​ഷി, അ​സ​ന്തു​ലി​ത​മാ​യ രാ​സ​വ​ള പ്ര​യോ​ഗം തു​ട​ങ്ങി നി​ര​വ​ധി കാ​ര​ണ​ങ്ങ​ളാ​ൽ പ​ഞ്ചാ​ബ് ഉ​ൾ​പ്പെ​ടെ രാ​ജ്യ​ത്തി​ന്‍റെ പ​ല ഭാ​ഗ​ങ്ങ​ളി​ലും നെ​ൽ​കൃ​ഷി പ്ര​തി​സ​ന്ധി​യി​ലാ​ണ്.

ഒ​രു കി​ലോ​ഗ്രാം നെ​ല്ലു​ത്പാ​ദി​പ്പി​ക്കാ​ൻ കു​റ​ഞ്ഞ​ത് 2,500 ലി​റ്റ​ർ വെ​ള്ളം വേ​ണം. രാ​ജ്യ​ത്തു ജ​ല​സേ​ച​ന​ത്തി​ന് ഉ​പ​യോ​ഗി​ക്കു​ന്ന വെ​ള്ള​ത്തി​ന്‍റെ 50 ശ​ത​മാ​ന​വും നെ​ൽ​കൃ​ഷി​യി​ലേ​ക്കാ​ണു പോ​കു​ന്ന​ത്. ചൂ​ടു കൂ​ടു​ന്ന കാ​ലാ​വ​സ്ഥ​യി​ൽ ജ​ല​ല​ഭ്യ​ത ഗ​ണ്യ​മാ​യി കു​റ​യും.

അ​ടു​ത്ത ര​ണ്ടു പ​തി​റ്റാ​ണ്ടി​നി​ട​യി​ൽ നെ​ൽ​കൃ​ഷി​ക്കു ല​ഭ്യ​മാ​യ ജ​ലം 10-15 ശ​ത​മാ​നം​ക​ണ്ട് കു​റ​യും. അ​തേ​സ​മ​യം ഉ​ത്പാ​ദ​നം 25 ശ​ത​മാ​ന​മെ​ങ്കി​ലും വ​ർ​ധി​പ്പി​ക്ക​ണം. കു​റ​ച്ചു വെ​ള്ളം​കൊ​ണ്ടു കൂ​ടു​ത​ൽ ഉ​ത്പാ​ദ​നം എ​ന്ന​താ​ണ് വെ​ല്ലു​വി​ളി. ഇ​തി​നെ നേ​രി​ടാ​നു​ള്ള ഉ​ത്ത​ര​മാ​ണ് ജീ​ൻ എ​ഡി​റ്റിം​ഗി​ലൂ​ടെ വി​ക​സി​പ്പി​ച്ചെ​ടു​ത്ത നെ​ല്ലി​ന​ങ്ങ​ൾ എ​ന്നാ​ണ് അ​വ​കാ​ശ​വാ​ദം.

സു​സ്ഥി​ര കൃ​ഷി​ക്കു യോ​ജി​ച്ച​ത്

പ​ര​മ്പ​രാ​ഗ​ത പ്ര​ജ​ന​ന രീ​തി​ക​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ ജീ​ൻ എ​ഡി​റ്റിം​ഗ് വേ​ഗ​ത്തി​ൽ ഫ​ലം ന​ൽ​കും. കൃ​ത്യ​ത കൂ​ടു​ത​ലാ​ണ്. ജി​എം വി​ള​ക​ളി​ൽ ആ​രോ​പി​ക്ക​പ്പെ​ടു​ന്ന ജൈ​വസു​ര​ക്ഷാ പ്ര​ശ്ന​ങ്ങ​ളി​ല്ല. അ​മേ​രി​ക്ക, ചൈ​ന, ഓ​സ്ട്രേ​ലി​യ, ജ​പ്പാ​ൻ തു​ട​ങ്ങി​യ രാ​ജ്യ​ങ്ങ​ൾ ജീ​ൻ എ​ഡി​റ്റ​ഡ് വി​ള​ക​ളെ ജി​എം വി​ള​ക​ൾ​ക്കു ബാ​ധ​ക​മാ​യ ക​ർ​ശ​ന സു​ര​ക്ഷാ പ​രി​ശോ​ധ​ന​ക​ളി​ൽ​നി​ന്ന് ഒ​ഴി​വാ​ക്കി​യി​ട്ടു​ണ്ട്. അ​തേ പാ​ത​യാ​ണ് ഇ​ന്ത്യ​യും പി​ന്തു​ട​രു​ന്ന​ത്.

ക​മ​ല, ഡി​എ​സ്ടി റൈ​സ്1 എ​ന്നീ ജീ​ൻ എ​ഡി​റ്റ​ഡ് നെ​ല്ലി​ന​ങ്ങ​ൾ സു​സ്ഥി​ര​മാ​യ കൃ​ഷി​ക്കു യോ​ജി​ച്ച​വ​യാ​ണ്. അ​ഞ്ചു ദ​ശ​ല​ക്ഷം ഹെ​ക്‌​ട​റി​ൽ ഈ ​ഇ​ന​ങ്ങ​ൾ കൃ​ഷി​യി​റ​ക്കാ​നാ​ണ് കേ​ന്ദ്ര​ത്തി​ന്‍റെ പ​ദ്ധ​തി. 15-20 ദി​വ​സം മൂ​പ്പ് കു​റ​വാ​യ​തി​നാ​ൽ ര​ണ്ട്-​മൂ​ന്ന് റൗ​ണ്ട് ജ​ല​സേ​ച​നം കു​റ​യ്ക്കാം. ഇ​തി​ലൂ​ടെ 7,500 ദ​ശ​ല​ക്ഷം ക്യു​ബി​ക് മീ​റ്റ​ർ വെ​ള്ളം ലാ​ഭി​ക്കാം. അ​തേ​സ​മ​യം 4-5 ദ​ശ​ല​ക്ഷം ട​ൺ നെ​ല്ല് അ​ധി​ക​മാ​യി ഉ​ത്പാ​ദി​പ്പി​ക്കാം. ഈ ​ഇ​ന​ങ്ങ​ൾ നെ​ൽ​കൃ​ഷി​യി​ൽ​നി​ന്നു​ള്ള മീ​ഥെ​യ്ൻ വാ​ത​ക വി​സ​ർ​ജ​നം കു​റ​യ്ക്കും. നൈ​ട്ര​ജ​ൻ രാ​സ​വ​ള വി​നി​യോ​ഗശേ​ഷി​യും കൂ​ടു​ത​ലാ​ണ്.

Tags : agriculture Fraud or Green Revolution Green Revolution