തന്റെ വിജയത്തിന് പിന്നിൽ പിതാവ് ധർമേന്ദ്രയുടെ അനുഗ്രഹമാണെന്ന് തുറന്നുപറഞ്ഞ് നടൻ സണ്ണി ഡിയോൾ. പ്രേക്ഷകർക്ക് എന്നെ മുമ്പും ഇഷ്ടമായിരുന്നു, ഇന്നും ഇഷ്ടപ്പെടുന്നു. ഞാൻ എവിടെ പോയാലും എനിക്ക് സ്നേഹം ലഭിക്കുന്നു. അതെല്ലാം അച്ഛന്റെ അനുഗ്രഹവും ദൈവത്തിന്റെ കാരുണ്യവും കൊണ്ടാണെന്നാണ് താരം പറഞ്ഞത്.
പ്രേക്ഷകരുടെ പിന്തുണയ്ക്ക് നന്ദി പറഞ്ഞ അദ്ദേഹം കരിയറിലെ തന്റെ ശക്തമായ തിരിച്ചുവരവെന്ന് പലരും വിശേഷിപ്പിക്കുന്നതിനെക്കുറിച്ച് സംസാരിക്കുകയും ചെയ്തു.
ഇത്രയും വർഷം എവിടെയായിരുന്നു എന്നെനിക്കറിയില്ല. ഇത് വളരെ മനോഹരമാണ്. എല്ലാവരോടും എനിക്ക് ഒരു കാര്യമേ പറയാനുള്ളൂ - കഠിനാധ്വാനം ചെയ്യുക, നിങ്ങളുടെ തൊഴിലിനെ സ്നേഹിക്കുക, നിരുത്സാഹപ്പെടരുത്. ശരിയായ സമയം വരുന്നത് എപ്പോഴാണെന്ന് ഒരിക്കലും അറിയാൻ കഴിയില്ല, ആ സമയം പോകുന്നത് എപ്പോഴാണെന്നും. അതിനാൽ എപ്പോഴും തയ്യാറായിരിക്കണം. സണ്ണി ഡിയോൾ പറഞ്ഞു.
Tags : Sunny Deol Dharmendra